Kalɛ 19:14 - NYANMIƐN NDƐ'N 1998

¹⁴ Mmla uflɛ wie mun ekun yɛ: sɛ sran kun wu i tannin sua'n nun'n, sran kwlaa ng'ɔ wlu i sin lɔ'n, wuun ɔ'a yo fiɛn, ɔ ´ka sɔ lele cɛn ba nso.

Kalɛ 19:14 ပူးပေါင်းရင်းမြစ်များ

Ezekiɛl 39:12

Izraɛlfuɛ'm be ´sie be kɛ ɔ ´yo nan mɛn'n ɔ'a yo saun'n ti. Yɛ i sɔ'n ɔ ´di anglo nso.

Ezekiɛl 44:26

Sɛ ɔ yo sɔ kusu'n, ɔ `wunnzin, yɛ ɔ `minndɛ cɛn ba nso nan ɔ'a di i junman'n ekun.

Saun Yolɛ 14:54

Sɛ kokowe nin o, sɛ kongonglele nin o, sɛ be wunnɛn ng'ɔ wunwun nin o, sɛ awlowlɛ nin o, sɛ like ng'ɔ bloblo bé wun nin o, sɛ ninnge nga be wla annzɛ be kla bɔ be di atre nin o, sɛ talɛ wun senzeble ng'ɔ yo sua nun nin o, i kwlaa sɔ'n i su mmla'n yɛ ɔ o lɛ-ɔ.

Saun Yolɛ 15:32

Yasua nga bɔ loliɛ yo i'n, ɔ nin nga bɔ i wun nzue ɔ gua sa ngbɛn'n,

Saun Yolɛ 21:1

Anannganman seli Moiz kɛ ɔ `kan ndɛ yɛ mun kle Aarɔn i wa yasua mun bɔ be ti Nyanmiɛn nyrun jranfuɛ'n. I waan: «Min nyrun jranfuɛ'n, ɔ lɛ-man atin ɔ kan-man fuɛn, kannzɛ i osufuɛ bɔbɔ yɛ ɔ wuli o. Yɛlɛ kɛ sɛ ɔ kɛn i-ɔ, wuun min nyrun'n, ɔ'a wlu fiɛn nun.

Saun Yolɛ 21:11

Yɛ kusu ɔ wunnge-man fuɛn wun. Kannzɛ sɛ i si yɛ ɔ wuli o, annzɛ i nin yɛ ɔ wuli o, ɔ fata-man kɛ ɔ wunnge be fuɛn wun, ɔ ti-mɛn ti-ɔ fiɛn ´kɛn i.

Kalɛ 19:13

Sran ng'ɔ kan fuɛn nan i waan ɔ wunnzin-man'n, ɔ yo min tranwlɛ'n i fiɛn. Be `kɛn i sɔ sran'n i bo Izraɛlfuɛ'm be afiɛn. Afin kɛ b'a fa-man nzue ng'ɔ tu fiɛn'n wie b'a guɛ-mɛn i su'n ti ɔ tɛ o fiɛn nun.

Kalɛ 19:15

Like kwlaa nga be tikeli su bɔ i su tre'n nun-man su'n, ɔ ´yo fiɛn wie.

Kalɛ 31:20

Amun `kpu amún wun ninnge mun, ɔ nin ninnge nga be fali kplo annzɛ boli ndrɛ be yoli'n be kwlaa, yɛ amun wunnzin ninnge nga be fa waka be yoli'n.»

Kalɛ 5:2

«Kokowefuɛ'm be kwlaa nin sran kwlaa b'ɔ lɛ loliɛ'n, annzɛ sran kwlaa ng'ɔ kannin fuɛn b'ɔ man fiɛn ɔ'a kɛn i'n, man Izraɛlfuɛ'm be mmla kɛ be kan bé bo nanmue'n nun.

Kalɛ 6:6

Blɛ b'ɔ ti min liɛ klonglo sɔ'n, nán man ɔ mantan fuɛn.

Kalɛ 6:9

Blɛ bɔ ɔ tɛ yo min liɛ klonglo'n, sɛ wie wa fu sran wie nun kun i i nyrun lɛ'n, wuun fiɛn wa kɛn i. Blɛ bɔ be kplo i wun fiɛn'n, man be yi i ti'n. Be `yi i ti'n i cɛn ba nso'n su.

Kalɛ 9:6

Sanngɛ sran wie'm be kannin fuɛn, i ti be yoli fiɛn cɛn sɔ'n nun. Ɔ man b'a kwla di-man Delɛ-cɛn'n wie. Be ko toli Moiz nin Aarɔn,