Kalɛ 18:9 - NYANMIƐN NDƐ'N 1998

⁹ Kɛ be ko yra min liɛ lika'n, ninnge nga be ´yo ɔ liɛ'm be yɛ: ble annzɛ like ng'ɔ ti kɛ ble sa bɔ Izraɛlfuɛ'm be fa yi sraka man min'n, tɛ nga be fa kpata min'n be nnɛn'n nin afiɛn siesielɛ tɛ'm be nnɛn'n. I sɔ ninnge bɔ be ti min liɛ klonglo sɔ'n be ti a nin ɔ mma mun amun liɛ.

Kalɛ 18:9 ပူးပေါင်းရင်းမြစ်များ

2 Famiɛn Mun 12:17

Afiɛn siesielɛ tɛ mun, ɔ nin Anannganman i kpatalɛ tɛ'm bé ti sika'n, be fa ba-man Anannganman i sua'n nun. I sɔ sika liɛ'n ti Nyanmiɛn nyrun jranfuɛ'm be liɛ.

Neemi 10:36

E waan afuɛ kwlaa e ´fa e fie'n su ninnge klikli'n, ɔ nin e waka'n kwlaa be su mma klikli'n, e ´fa ba Anannganman i sua'n nun.

Ezekiɛl 42:13

Sran'n ɔ seli min kɛ: «Sua ba nga be o nglo nin nga be o ngua lika nun lɔ'n, bɔ bé nyin kpɛ awlo klun'n su'n, be ti sua bɔ be sieli be ngunmin. Nyanmiɛn nyrun jranfuɛ'm bɔ be kwla wunnge Anannganman wun lɔ'n, lɔ yɛ be di like ng'ɔ ti Nyanmiɛn liɛ nin-ɔn. Lɔ yɛ be sie ninnge sɔ mun-ɔn: ninnge nga be fa man Anannganman nin o, nga be fa yi tɛ nin o, lɔ yɛ be sie be-ɔ. Lika sɔ'n ɔ ti Nyanmiɛn liɛ klonglo.

Ezekiɛl 44:29

Ninnge nga be man'n nin nnɛn nga be fa yi min kpatalɛ tɛ'n yɛ be `di-ɔ. Like kwlaa nga be fa sie i ngunmin kɛ ɔ ti min liɛ'n, ɔ ti be liɛ.

Saun Yolɛ 10:17

«?Nguɛ ti yɛ amu'an di-man tɛ'n i nnɛn'n kan Anannganman o lɛ nin-ɔn? Afin ɔ ti Anannganman liɛ. Anannganman i bɔbɔ i nnɛn b'ɔ mannin amun kɛ amun fa yi tɛ nan amun sua Izraɛlfuɛ'm bé sa tɛ'n, nan amun `fa de bé nin-ɔn. ?Nguɛ ti yɛ amu'an di-mɛn i kan Anannganman o lɛ nin-ɔn?

Saun Yolɛ 14:13

Tɛ nga be yrɛ i nnɛn'n kɔlikɔli'n i kunwlɛ'n nun lɛ kan n wo lɛ'n, lɛ yɛ ɔ `kpɛ bua'n i kɔmin-ɔn. Afiɛn siesielɛ tɛ i nnɛn'n, nin min kpatalɛ tɛ i nnɛn'n, be ti min liɛ mlɔnmlɔn, ɔ man be ti min nyrun jranfuɛ'n i liɛ.

Saun Yolɛ 2:10

Ninnge'n i onga'n ti Aarɔn nin i wa yasua'm be liɛ. Fiɛn nun-man bé wun mlɔnmlɔn, afin min ninnge nga be mannin min'n i wie-ɔ.

Saun Yolɛ 22:11

Sanngɛ afanniɛn nga b'ɔ min nyrun jranfuɛ'n toli i'n, ɔ nin nga be wuli i awlo'n nun lɛ'n, i sɔfuɛ'm be kwla di i sɔ ninnge'n wie. Aliɛ nga bɔ be ti min nyrun jranfuɛ'm be liɛ'n, be lɛ atin be di wie.

Saun Yolɛ 22:7

I liɛ'n kɛ be ´se kɛ wia'n ɔ'a tɔ cɛ'n, wuun fiɛn'n ɔ'a wie i wun. Ɔ kwla di ninnge nga be mannin min'n wie, afin ninnge diwa sɔ'm be ti i liɛ.

Saun Yolɛ 4:22

«Sɛ siefuɛ kun yɛ like nga min Anannganman b'ɔ n ti i Nyanmiɛn'n min mmla'n tannin kɛ nán be yo i mlɔnmlɔn'n, b'ɔ sunnzun-man kɛ ɔ ´yo, kpɛkuun i sɔ sa liɛ'n ɔ'a yo'n, wuun ɔ'a yo sa tɛ.

Saun Yolɛ 4:27

«Sɛ klɔ'n su sran ngbɛn wie yɛ like nga min mmla'n tannin kɛ nán be yo, bɔ ɔ'a sunnzun-man kɛ ɔ ´yo i sɔ sa liɛ'n, kpɛkuun-ɔn ɔ'a yo'n, wuun ɔ'a yo sa tɛ.

Saun Yolɛ 5:1

«Sɛ sa wie tɔ bɔ be wun-mɛn i wun lalofuɛ'n, sɛ be bo ndolo sin klɔ'n nun kɛ be le lalofuɛ awuliɛ kpongbogbo'n, sran ng'ɔ wunnin i sɔ sa'n nun bɔ ɔ'a ba-man'n, i sɔfuɛ'n, sa tɛ sɔ'n i trɔ'n kwlakwla jin i ti su.

Saun Yolɛ 5:6

I sɔ sa tɛ liɛ b'ɔ yoli'n i ti man ɔ `fa bua bla kun, wie kusu-ɔ boli bla kun nan be fa ko yi tɛ man min kɛ n `yaci i wun sa'n n cɛ i. Min nyrun jranfuɛ'n ɔ `fa yi tɛ man n yaci ngbata sefuɛ'n i wun sa n cɛ i.»

Saun Yolɛ 6:17

Anannganman seli Moiz kɛ ɔ

Saun Yolɛ 6:19

Be ti kpatalɛ tɛ i nnɛn'n, san min nyrun jranfuɛ nga be fa tɛ sɔ'n be wlɛli i sa nun kɛ ɔ `yi'n, yɛ ɔ kwla di-ɔ, kusu sɛ ɔ ´di'n, man ɔ di i kan n wo lɛ'n. Ɔ di i tannin sua nga n yi min wun nglo nun lɔ nun.

Saun Yolɛ 7:1

«Afiɛn siesielɛ tɛ'n i su mmla'n yɛ ɔ o yɛ: Afiɛn siesielɛ tɛ'n i nnɛn'n ɔ ti min liɛ mlɔnmlɔn.

Saun Yolɛ 7:6

Min nyrun jranfuɛ'm be osu nun yasua'm be kwlaa be le atin be di nnɛn sɔ'n wie. Lika nga b'ɔ ti min tranwlɛ'n, lɛ yɛ be `di i-ɔ, afin i sɔ like liɛ'n ti min liɛ mlɔnmlɔn.

Saun Yolɛ 7:7

Afiɛn siesielɛ tɛ'n i su mmla'n i kunngba'n yɛlɛ min kpatalɛ tɛ'n i su mmla'n. Nnɛn'n ti min nyrun jranfuɛ ng'ɔ yili min kpatalɛ tɛ'n i liɛ.»

Kalɛ 18:10

Ninnge sɔ mun yɛ be ´yo amun aliɛ yɛ amun di-ɔ. Sanngɛ amun awlo'm be nun san yasua be ngunmin yɛ be kwla di wie-ɔ, afin ɔ ti aliɛ b'ɔ ti min liɛ klonglo.

Mmla'n 18:1

Nyanmiɛn nyrun jranfuɛ bɔ be ti Levifuɛ'n, be nin Levi akpasua sufuɛ'm be kwlakwla, be liɛ nun-man Izraɛl asiɛ'n nun wie. Be like liɛ nga be ´nyɛn i'n, yɛlɛ ndidiɛ ninnge nga be o yɛ mun'n: tɛ nga be yi be man Anannganman, ɔ nin ninnge uflɛ nga be ti Anannganman liɛ mun.