Kalɛ 18:8 - NYANMIƐN NDƐ'N 1998

⁸ Anannganman seli Aarɔn kɛ: «Nian, cɛlɛ ninnge kwlaa nga Izraɛlfuɛ'm be fa man min'n, bɔ be yra-man be'n, wɔ yɛ a ti be sunianfuɛ-ɔ. N fa be m mannin wɔ, ɔ liɛ lika'n yɛ ɔ o lɛ-ɔ. I sɔ ninnge'm be ti a nin wɔ osu nunfuɛ mun amun liɛ tititi.

Kalɛ 18:8 ပူးပေါင်းရင်းမြစ်များ

2 Famiɛn Mun 12:16

Sran nga be fa sika'n wla bé sa nun kɛ be fa man sua'n i su junman difuɛ mun'n, be usa-man be kɛ be kan sika i wun ndɛ, afin be si kɛ sran sɔ'm be ti nanwlɛfuɛ.

2 Be Nyoliɛ 31:4

Famiɛn'n seli Zerizalɛmfuɛ'm be kwlaa kɛ be fa like ng'ɔ ti Nyanmiɛn nyrun jranfuɛ mun nin Levifuɛ'm be liɛ'n man be, kɛ ɔ ´yo nan b'a fa bé wun b'a man junman nga Anannganman i mmla'n kleli'n i ngunmin'n ti.

2 Be Nyoliɛ 31:5

Kɛ Izraɛlfuɛ'm be tili ndɛ sɔ'n, be kwlaa be fali be fie'm be su ninnge'm be mma klikli'm be bali kaka kpa: ble nin nzan, nin ngo, nin awɛma nzue, ɔ nin like uflɛ mun. Yɛ be fali be fie kunngba'm be su ninnge nga be nyannin be'n be blusu'n bali ekun .

Ezipt Lɔ Tulɛ'n 28:43

Man Aarɔn nin i mma'm be wla cɛkoto sɔ mun blɛ bɔ be ´wlu tannin sua'n nun lɔ'n, annzɛ blɛ bɔ be ´mantan min sɔwlɛ'n be ´di min nyrun jranlɛ junman'n min lika kpa'n nun'n. Kɛ ɔ yo sɔ'n, i liɛ'n, fɔ su tran-man bé wun, yɛ be su wu-man. Ɔ ti mmla kun b'ɔ ti Aarɔn nin i osu'n nunfuɛ'm be liɛ b'ɔ ´ka lɛ tititi.»

Ezipt Lɔ Tulɛ'n 29:21

Fa mmoja ng'ɔ o min sɔwlɛ'n su'n kan, ɔ nin min ngo'n, fa kpɛntɛn-kpɛntɛn Aarɔn su, yɛ fa wie kpɛntɛn-kpɛntɛn i tralɛ'm bé su. I sin, kpɛntɛn-kpɛntɛn wie Aarɔn i mma'm be su, yɛ kpɛntɛn-kpɛntɛn wie be tralɛ'm bé su. Kɛ ɔ fin i lɛ'n, Aarɔn nin i mma'm be ´yo min liɛ klonglo, yɛ be tralɛ'm be ´yo min liɛ klonglo wie.

Ezipt Lɔ Tulɛ'n 29:28

I sɔ'n ti, blɛ kwlaa nun'n, kɛ Izraɛlfuɛ'm be ´yi bo kun yolɛ i su tɛ'n, man be yi nnɛn i lika sɔ mun be fa man Aarɔn nin i osu'n nunfuɛ mun tititi, afin be ti be liɛ.

Ezipt Lɔ Tulɛ'n 29:29

Sɛ Aarɔn wu'n, man be fɛ i tralɛ ng'ɔ wla fa jran min nyrun'n be mɛn i mma mun, nan be wla be cɛn nga be fa be wla min sa nun'n bɔ be bo be junman'n bo'n.

Ezipt Lɔ Tulɛ'n 40:13

Aarɔn i tralɛ ng'ɔ wla fa jran min nyrun'n, fa wlɛ i wun nan guɛ i ti su ngo. Fɛ i wlɛ mín sa nun nan ɔ `yo min nyrun jranfuɛ nan ɔ `di min junman'n.

Ezipt Lɔ Tulɛ'n 40:15

Fa ngo gua bé ti su kɛ a fa guali bé si i ti liɛ'n su'n sa. Yɛ be wa yo min nyrun jranfuɛ mun, be ´di min junman'n. Ngo sɔ bɔ a ´fa gua bé ti su'n ti, be nin bé osu nunfuɛ'm be wa yo min nyrun jranfuɛ tititi, ɔ lɛ-man kpɛ bo.»

Ezai 10:27

I cɛn sɔ nun'n, be trɔ ng'ɔ o amun wati su'n, ɔ ´foli tɔ, yɛ sielɛ kekle nga be fa sie amun'n, ɔ ´wie. Lui kpanngban nga amun wa nyɛn i ti'n, be su sie-man amun kun.

Saun Yolɛ 21:10

Min nyrun jranfuɛ'm be su kpɛn'n yɛ ɔ sie be-ɔ. Kɛ b'a guɛ i ti su ngo'n, bɔ b'a fɛ i b'a sie i wiengu'm bé su'n, bɔ b'a wlɛ i tralɛ ng'ɔ fa di i sɔ junman'n, i sɔ sran liɛ'n, sɛ sran wu'n, ɔ lɛ-man atin yaci-mɛn i ti'n sa, ɔ ´toli nun, i kunngba'n, ɔ lɛ-man atin ɔ titi-mɛn i wun tralɛ'm be nun.

Saun Yolɛ 23:20

Kɛ be ´fa kpaun'm be ´man min'n, man min nyrun jranfuɛ'n ɔ fa nnɛn sɔ mun uka su. Nán man bua bɔ b'a kpɛ cro'm be ka siɛn. Man ɔ toto ninnge sɔ mun min nyrun. I sɔ ninnge liɛ'm be kwlakwla be ti min nyrun jranfuɛ'n i liɛ. Min liɛ yɛ n fa mannin i-ɔ.

Saun Yolɛ 6:16

Min nyrun jranfuɛ'n i sraka liɛ kwlaa ng'ɔ fa ble annzɛ like ng'ɔ ti kɛ ble sa fa yi'n, be yrɛ i ngba , be di-man wie mlɔnmlɔn.»

Saun Yolɛ 6:18

kan ndɛ yɛ mun kle Aarɔn nin i mma mun. I waan: «Be ti kpatalɛ tɛ'n i su mmla'n yɛ ɔ o yɛ: lika nga be kpɛ nnɛn nga be ´fa yi tɛ-ɔ be yrɛ i nnɛn'n kɔlikɔli min nyrun lɛ'n i kɔmin'n, lɛ yɛ be `kpɛ min kpatalɛ tɛ'n i nnɛn'n i kɔmin-ɔn: i sɔ tɛ nnɛn liɛ'n ti min liɛ mlɔnmlɔn.

Saun Yolɛ 6:20

Sran ngbɛn kwlaa ng'ɔ kan nnɛn sɔ'n, ɔ ´fɛ i su afɛ'n. Sɛ kusu i mmoja'n yɛ ɔ guali sran wie i tralɛ nun'n, tralɛ'n i lika nga bɔ mmoja'n guali nun lɛ'n, san lika nga n wo lɛ'n, i nun yɛ be ´kpu i-ɔ.

Saun Yolɛ 7:14

I sɔ ninnge fanunfanun nga be fa bali'n, be `fa nga su wie be `fa nga su wie, be `fa man min. Nan be `fɛ i onga'n be man min nyrun jranfuɛ ng'ɔ fali nnɛn'n i mmoja guaguali min sɔwlɛ'n i nvɛn wun nvɛn wun'n.

Saun Yolɛ 7:28

Anannganman seli Moiz kɛ

Saun Yolɛ 7:6

Min nyrun jranfuɛ'm be osu nun yasua'm be kwlaa be le atin be di nnɛn sɔ'n wie. Lika nga b'ɔ ti min tranwlɛ'n, lɛ yɛ be `di i-ɔ, afin i sɔ like liɛ'n ti min liɛ mlɔnmlɔn.

Saun Yolɛ 8:30

Nyanmiɛn i ngo'n, ɔ nin mmoja ng'ɔ o Nyanmiɛn i sɔwlɛ'n su'n, Moiz fali kan, ɔ fa kpɛntɛn-kpɛntɛnnin Aarɔn wun ɔ nin i tralɛ'm bé su. Kɛ ɔ yoli Aarɔn liɛ'n b'ɔ wieli'n, kpɛkuun ɔ fa kpɛntɛn-kpɛntɛnnin Aarɔn i mma'm bé wun ɔ nin be tralɛ'm bé su wie. Ɔ man Aarɔn nin i mma mun, ɔ nin bé wun tralɛ'n be kwlaa be kacili Nyanmiɛn liɛ klonglonglo.

Kalɛ 18:9

Kɛ be ko yra min liɛ lika'n, ninnge nga be ´yo ɔ liɛ'm be yɛ: ble annzɛ like ng'ɔ ti kɛ ble sa bɔ Izraɛlfuɛ'm be fa yi sraka man min'n, tɛ nga be fa kpata min'n be nnɛn'n nin afiɛn siesielɛ tɛ'm be nnɛn'n. I sɔ ninnge bɔ be ti min liɛ klonglo sɔ'n be ti a nin ɔ mma mun amun liɛ.

Kalɛ 5:9

Like kwlaa nga Izraɛlfuɛ'm be yi i ninnge nga be ti min liɛ klonglo'n bé su, bɔ be fa man min nyrun jranfuɛ'n, ɔ ti i liɛ.

1 Korɛntfuɛ Mun 9:13

?An si-man kɛ be nga be di junman Nyanmiɛn i sua'n nun'n i nun ninnge'n yɛ be fa ta bé wun-ɔn, yɛ amun si-man kɛ be nga be jran Nyanmiɛn nyrun'n be nyan be ninnge liɛ'n nga be fa man Nyanmiɛn'n i nun ?

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:6

Amún tɛ nga be yra be nnɛn'n kɔlikɔli'n, nin amun sraka mun, nin amun blusu mun, nin amun fie su ninnge klikli mun, nin nda talɛ nuan ninnge mun, nin amun klun klo ninnge nga amun ´fa man'n, ɔ nin amun nannin mun, nin amun bua mun, nin amun boli mun nnɛn sɔ'm be talua ba mun, lɛ yɛ amun `fa be bla-a.

Mmla'n 18:1

Nyanmiɛn nyrun jranfuɛ bɔ be ti Levifuɛ'n, be nin Levi akpasua sufuɛ'm be kwlakwla, be liɛ nun-man Izraɛl asiɛ'n nun wie. Be like liɛ nga be ´nyɛn i'n, yɛlɛ ndidiɛ ninnge nga be o yɛ mun'n: tɛ nga be yi be man Anannganman, ɔ nin ninnge uflɛ nga be ti Anannganman liɛ mun.

Mmla'n 26:13

Kpɛkuun amun `jran Anannganman amun Nyanmiɛn'n i nyrun, nan amun `se kɛ: «Anannganman, like ng'ɔ ti wɔ liɛ'n, m'an fa-man wie fi m'an sie-man min awlo lɔ. Like nga a kleli kɛ n `fa man Levifuɛ mun, nin aofuɛ mun, nin aika mma mun, ɔ nin angboti bla mun'n, n fa mannin be. M'an yi-man ndɛ nga a kan kleli min'n i wie fi blo, mín wla ɔ'a fi-man wie fi su.

Hébreu 1:9

A klo sa ng'ɔ ti kpa'n, a klo-man sa tɛ'n mlɔnmlɔn. I sɔ'n ti yɛ min Nyanmiɛn b'ɔ ti ɔ Nyanmiɛn'n fali wɔ b'ɔ guali be klun jɔlɛ ngo ɔ su nin-ɔn. Ɔ yacili ɔ wiengu'm be lɛ ɔ fali wɔ .»

1 Jean 2:20

Amun liɛ'n, Nyanmiɛn fɛ i Wawɛ'n mannin amun, ɔ man amun kwlaa an wun sa wlɛ.

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.