Kalɛ 18:7 - NYANMIƐN NDƐ'N 1998

⁷ Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Kalɛ 18:7 ပူးပေါင်းရင်းမြစ်များ

Jue Mun 115:10

Aarɔn osu nunfuɛ mun, an `fa amun wla'n guɛ i Anannganman su. «Ɔ ti sran'm be ukafuɛ, ɔ sasa be kɛ nyrɛn sa.»

Ezipt Lɔ Tulɛ'n 28:1

«Moiz, fa ɔ niaan bian Aarɔn nin i wa Nadab, nin Abii, nin Eleazar, ɔ nin Itamar man be bla ɔ́ wun wa. Sie be ngunmin man be di min nyrun jranlɛ junman'n.

Ezipt Lɔ Tulɛ'n 29:9

Fa be cisu mun ci be afiɛn, fa bé kle mun wla bé ti. Kpɛkuun min nyrun jranlɛ junman'n ɔ ´ka bé sa nun titi. I sɔ mmla liɛ'n su kaci-man le. Wafa nga a ´fa Aarɔn nin i mma mun a ´sie kɛ be yo min nyrun jranfuɛ mun'n yɛ ɔ o yɛ:

Ezekiɛl 44:15

«Min nyrun jranfuɛ bɔ be ti Levifuɛ mun'n, bɔ be fin Zadɔk osu nun'n, be liɛ'n, be niannin n sua i su mmla'm be su kpa blɛ nga bɔ Izraɛlfuɛ'm be kaci be sin be sili min Anannganman'n. I sɔ'n ti, be kunngba cɛ yɛ be ´kwla jran min nyrun be ´man min nnɛn lui nin nnɛn mmoja nin-ɔn.» Anannganman Nyanmiɛn yɛ ɔ kan sɔ-ɔ.

Ezekiɛl 44:16

«Be ngunmin yɛ be ´wlu n sua nun-ɔn. Yɛ be yɛ be ´wunnge tabli nga be sieli i kɛ be ´fa su min'n i wun-ɔn. Be wa fa tabli i wun mmla nga n fa mannin be'n i su kpa.

Ezekiɛl 44:8

Amu'an nian-man min sua'n i nun junman su amu'an di-man, yɛ amun fali aofuɛ nga mun kɛ be sin amun ajalɛ nun be `yo.›

Saun Yolɛ 16:2

«Se ɔ niaan Aarɔn kɛ nán man ɔ wlu min lika kpa tra su'n i nun lɔ ngbɛn-ngbɛn, yɛ nán man ɔ sin tannin dan ng'ɔ o min alaka'n nin i su tre'n be nyrun lɛ'n i sin lɔ finfin. Sɛ ɔ wlu lɔ sɔ'n, ɔ ´wu. Afin i blɛ nga wɛnsrɛn'n ɔ ´jaso alaka tre'n su'n, i sɔ blɛ liɛ'n nun yɛ n ´yi mín wun nglo-ɔ .

Saun Yolɛ 7:35

Nnɛn'n i wue nin i sɔwa fama nga be yili be mannin Anannganman, be ti Aarɔn nin i wa yasua mun be liɛ. Kɛ ɔ fin cɛn bɔ be fa be sieli i Nyanmiɛn nyrun jranfuɛ'n, ɔ ti be liɛ.

Kalɛ 1:51

Sɛ amun su tu amun bo kɔ lika uflɛ'n, be yɛ be ti i tutufuɛ-ɔ. Blɛ bɔ amun ´kplan amun ngblaliɛ mun'n, be yɛ be ti tannin sua'n i kplanfuɛ-ɔ. Sɛ ɔ min kun bɔ a ti-man Levifuɛ a ko mantan mín tannin sua'n, be ´kun wɔ.

Kalɛ 18:20

Yɛ Anannganman seli Aarɔn kɛ: «Asiɛ nga n wa fa man Izraɛlfuɛ mun, n su man-man wɔ wie. Min yɛ n ti ɔ lika liɛ bɔ a ko nyɛn i nin-ɔn, min yɛ n ti wɔ anyanbeun like liɛ Izraɛlfuɛ'm be afiɛn-ɔn.»

Kalɛ 18:3

Be ´di junman be ´man amun, yɛ be ´di junman min tannin sua'n nun. Kɛ ɔ ´yo nan b'a wu-man nan amun bɔbɔ kusu amu'an wu-man'n ti, nán be mantan ninnge nga be ti min liɛ klonglo'n mun annzɛ min sɔwlɛ'n.

Kalɛ 3:10

Sie Aarɔn nin i mma'm be ngunmin, man be di min nyrun jranlɛ junman'n. Sɛ sran kun ti-man min nyrun jranfuɛ, nan ɔ fɛ i wun wla be nun'n, man be kun i.»

Kalɛ 3:38

Moiz, nin Aarɔn nin i mma'm be ngblaliɛ liɛ'n wo wia afiliɛ lɔ kan be sin be wlu Anannganman i tannin sua ng'ɔ yi i wun nglo nun'n nun lɔ'n. Be yɛ be ´di Nyanmiɛn i lika'n i nun junman Izraɛlfuɛ'm be kwlaa be dunman nun-ɔn. Sɛ sran wie b'ɔ ti-man Nyanmiɛn i nyrun jranfuɛ'n, i waan ɔ ´di i sɔ junman'n wie'n, be `kun i.

Matthieu 10:8

An `yo tukpacɛfuɛ'm be juejue, an `cɛn be bɔ be wuli'n, an `yo man kokowefuɛ'm be kokowe'n wie, an `fuan asiɛ usu mun sran'm be nun. N fɛ i sɔ yolɛ'n n cɛli amun, an kusu nán an `de like fi.

Jean 3:27

Zan seli be kɛ: «Like nga Nyanmiɛn a man-man sran kun'n, ɔ nyɛn-mɛn i.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Mmla'n 18:2

Be su nyan-man asiɛ'n wie Izraɛlfuɛ'm be nun. Be like liɛ bɔ be lɛ i'n, yɛlɛ Anannganman i sulɛ kɛ ɔ fa kan kleli be'n sa.

Hébreu 5:4

Sran fi jao se-man kɛ ɔ kunndɛ dunman kɛ be fɛ sie i Nyanmiɛn nyrun jranfuɛ'm be su kpɛn, Nyanmiɛn bɔbɔ yɛ ɔ flɛ sran kɛ be sie i i nyrun jranfuɛ'm be su kpɛn kɛ ɔ flɛli Aarɔn'n sa.

Zozie 18:7

Levifuɛ'm be su nyan-man lika'n wie. Ng'ɔ ti be liɛ'n yɛlɛ Anannganman i nyrun jranlɛ junman'n. Gad nin Ribɛn be akpasua mun ɔ nin Manase i akpasua'n i bue be kusu be dun mmua nyannin be lika liɛ Zurdɛn'n i wia afiliɛ lɔ. Moiz bɔbɔ b'ɔ ti Anannganman i sufuɛ'n yɛ ɔ fa mannin be-ɔ.»

1 Piɛr 5:2

an `nian Nyanmiɛn i bua fa b'ɔ fa be mannin amun'n be lika. Nán an yo i mianlɛ su, an `yo i kɛ Nyanmiɛn klo kɛ an yo'n sa. Nán an yo i kɛ amun wa nyan like ti, sanngɛ an `tu amun klun yo .

1 Piɛr 5:3

Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.

1 Samiɛl 2:28

N kpali ɔ nannan Aarɔn Izraɛl akpasua'm be kwlakwla be nun kɛ ɔ yo min nyrun jranfuɛ nan ɔ `kan mín nuan su ndɛ'n kle sran mun, nan ɔ `fu min sɔwlɛ'n su'n, ɔ `yra ansans. N fali Izraɛlfuɛ'm bé tɛ nga be yrɛ i nnɛn'n kɔlikɔli'n n fa mannin i nin i osu nunfuɛ mun.