Kalɛ 18:5 - NYANMIƐN NDƐ'N 1998

⁵ Kɛ ɔ ´yo nan m'an fa-man amún wun ya kun'n ti, amun bɔbɔ amun `di junman sua nga n yi min wun nglo nun'n nin min sɔwlɛ su.

Kalɛ 18:5 ပူးပေါင်းရင်းမြစ်များ

1 Be Nyoliɛ 23:24

Levi akpasua sufuɛ nga be kali be awlobo-awlobo'n yɛ be o lɛ-ɔ. Be kali be kunngunngun yɛ be klɛli be dunman-an. Be ti awlobo kpɛnngbɛn mun. Kɛ be di afuɛ ablaɔn'n, annzɛ afuɛ ablaɔn gua su'n yɛ be bo Nyanmiɛn i sua'n nun lɔ junman'n dilɛ'n i bo-ɔ.

1 Be Nyoliɛ 23:32

Be nian tannin sua'n nin Nyanmiɛn i lika kpa'n su. Anannganman i sua'n nun junman bɔ Aarɔn osu'n nunfuɛ'm bɔ be ti be niaan'm be kle be'n, be nian su be di .

1 Be Nyoliɛ 24:5

Be tuli fɔtɔ yɛ be cɛcɛli be-ɔ. Eleazar nin Itamar osu'n nunfuɛ wie'm be ti Nyanmiɛn sua'n su kpɛn, yɛ wie'm be nian Nyanmiɛn i sulɛ'n su.

1 Be Nyoliɛ 9:19

Kɔre i wa Salɔm nin i si i mma mun yɛ be nian tannin sua'n i anuan'n su-ɔ. Salɔm i si'n yɛlɛ Kɔre, Kɔre liɛ'n yɛlɛ Ɛbzazaf, yɛ Ɛbzazaf i si liɛ'n, be flɛ i kɛ Kɔre. Be nannan mun yɛ be niannin Anannganman i nvle'n nunfuɛ'm be nanmue'n su laa nin-ɔn.

1 Be Nyoliɛ 9:23

Be sieli be kɛ be nin be osu'n nunfuɛ'm be nian Anannganman i tannin sua'n i anuan'm be su.

1 Be Nyoliɛ 9:33

Levifuɛ nga be ti awlobo kpɛnngbɛn bɔ be to jue'n, be la Nyanmiɛn i sua'n i sua ba'm be nun. Be di-man junman uflɛ. Kɔnguɛ nin wia su be o be junman liɛ sɔ'n su.

Ezipt Lɔ Tulɛ'n 27:21

Man Aarɔn nin i mma'm be jin like nga be taka kannin'm bé su'n tannin sua'n nun lɔ. Be `jin i rido ng'ɔ kpɛ min alaka'n i nyin'n i nyrun lɛ. Man kannin'm be jue min nyrun lɛ nnɔsua lele nglɛmun. Man i sɔ mmla liɛ'n yo Izraɛlfuɛ nga be o lɛ ndɛkɛn kɛ e ´se yɛ'n nin be nga be wa jaso su'n be kwlakwla be liɛ. Ɔ fata kɛ be osu'n nunfuɛ'm be fa su tititi.»

Zeremi 23:15

Ɔ man ndɛ bɔ Anannganman b'ɔ sie mɛn wunmuan'n kan man Nyanmiɛn nuan ijɔfuɛ sɔ mun'n yɛ. I waan: «N wa man be kondu man be di, n ´gua nzue'n nun duwlɛ man be nɔn, afin sa tɛ nga ɔ'a tru mɛn wunmuan nun yɛ'n ɔ fin Zerizalɛm lɔ be nga be tɔn be wun suɛn kɛ be ti min nuan ijɔfuɛ mun.»

Ezekiɛl 44:15

«Min nyrun jranfuɛ bɔ be ti Levifuɛ mun'n, bɔ be fin Zadɔk osu nun'n, be liɛ'n, be niannin n sua i su mmla'm be su kpa blɛ nga bɔ Izraɛlfuɛ'm be kaci be sin be sili min Anannganman'n. I sɔ'n ti, be kunngba cɛ yɛ be ´kwla jran min nyrun be ´man min nnɛn lui nin nnɛn mmoja nin-ɔn.» Anannganman Nyanmiɛn yɛ ɔ kan sɔ-ɔ.

Ezekiɛl 44:16

«Be ngunmin yɛ be ´wlu n sua nun-ɔn. Yɛ be yɛ be ´wunnge tabli nga be sieli i kɛ be ´fa su min'n i wun-ɔn. Be wa fa tabli i wun mmla nga n fa mannin be'n i su kpa.

Saun Yolɛ 10:6

Moiz wa seli Aarɔn nin i klun ba yasua nnyɔn uflɛ Eleazar nin Itamar be kɛ yoo: «Nán amun yaci amún ti ndrɛ'n lɛ man ɔ yo sukusuku, yɛ nán amun titi amún wun tralɛ'm be nun. Sɛ amun yo i sɔ-ɔ, wuun amun su kunndɛ amun bɔbɔ amun wie, yɛ amun su klɔklɔ Anannganman nan ɔ `fɛ i ya'n gua Izraɛlfuɛ'm bé su. Amun `yaci amun niaan mun ɔ nin Izraɛlfuɛ'm be nun man be sun be bɔ Anannganman fa sin kunnin be'n.

Saun Yolɛ 24:3

Man Aarɔn taka kannin siewlɛ'n tannin sua'n nga n yi mín wun nglo nun lɔ'n i nun, man ɔ tɛkɛ i tannin dan ng'ɔ kpɛ min alaka'n i nyrun'n i wun lɛ. Man kannin'm be jue nnɔsua lele aliɛ'n `cɛn be min nyrun lɛ. I sɔ mmla liɛ'n, amun nin amun osu nunfuɛ mun amun `di bé su tititi.

Zakari 10:3

«Aofuɛ nga be waan be su sie min sran mun'n, e nin be e wa yia nun. Sakpa, m bɔbɔ min Anannganman bɔ n sie mɛn wunmuan'n, min waan. Zidafuɛ'm bɔ be ti kɛ min sa nun nnɛn sa, n wa nian be lika, n ´fa be n ´kɔ alɛ kunlɛ kɛ nnɛn kpanngɔ nga be lɛ nyrun'n sa .

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 18:4

Be yɛ be ´uka amun junman'm be kwlaa be dilɛ nun tannin sua'n nun lɔ-ɔ. Nán sran uflɛ fi mantan amun.

Kalɛ 4:18

«Levifuɛ kun nga'm be nun'n, nán amun ti Keatfuɛ mun yi.

Kalɛ 8:19

N fali Levifuɛ mun m mannin Aarɔn nin i mma mun kɛ be `jran Izraɛlfuɛ'm be nuan be `di min junman'n tannin sua'n nun. Be yɛ n kpali be Izraɛlfuɛ'm be afiɛn kɛ be `yi Izraɛlfuɛ'm be ti tɛ mun-ɔn. Kɛ ɔ yo sɔ'n, Izraɛlfuɛ'm be su wun-man nyrɛnnɛn dandan ng'ɔ fata kɛ be wun be'n, afin be su wunnge-man lika ng'ɔ ti min liɛ klonglo'n i wun kun.»

Kalɛ 8:2

`kan ndɛ nga kle Aarɔn. I waan ɔ `se i kɛ: «Blɛ bɔ a ´fa kannin mun siesie'n, nian su kpa man be kpaja kannin siewlɛ'n i nyrun.»

1 Timote 1:18

Mín wa Timote, afɔtuɛ nga n ´fa man wɔ yɛ'n, ɔ nin ɔ́ wun ndɛ nga be bo su kleli min laa'n ɔ ti kun. Fa ndɛ sɔ'n, mian ɔ́ nyin yo sa ng'ɔ ti kpa'n

1 Timote 3:15

Sanngɛ sɛ m'an kwla ɔ-man icra'n, fluwa nga nun ndɛ'n ɔ ´yo man a ´si sa nga a ´yo i Nyanmiɛn i awlo'n nun'n. Awlo sɔ'n yɛlɛ Nyanmiɛn b'ɔ lafi-man'n i Asɔnun'n. Sɛ nanwlɛ'n ti sua'n, wuun Asɔnun'n ti i kuatrɛn nin i kofiaja.

1 Timote 5:21

Fa ndɛ nga m'an kan kle wɔ yɛ'n su kpa, sɛ a nian ti-man sran kun i nuan nun ndɛ'n, nán bu i fɔ, nán bu sran'n wie kpa tra wie. Nyanmiɛn, nin Krist-Jésus, ɔ nin Nyanmiɛn i anz'm b'ɔ kpali be'n be ti min lalofuɛ kɛ n kan ndɛ sɔ'n kleli wɔ.

1 Timote 6:20

Timote, n sran kpa, fa sa nga be kan kleli wɔ'n su kpa. Ndɛ ngbɛn-ngbɛn b'ɔ nin Nyanmiɛn ndɛ'n ti-man kun'n, nin akplowa nga be bɔ be bu bé wun kɛ be si sa'n be si'n, nán sie ɔ su bé su.