Kalɛ 18:3 - NYANMIƐN NDƐ'N 1998

³ Be ´di junman be ´man amun, yɛ be ´di junman min tannin sua'n nun. Kɛ ɔ ´yo nan b'a wu-man nan amun bɔbɔ kusu amu'an wu-man'n ti, nán be mantan ninnge nga be ti min liɛ klonglo'n mun annzɛ min sɔwlɛ'n.

Kalɛ 18:3 ပူးပေါင်းရင်းမြစ်များ

Ezekiɛl 44:13

Be su jran-man min nyrun be ko di-man n junman'n kun, yɛ be su mantan-man like nga be ti n liɛ klonglo'n kun nin min lika'n kun. Be nyannzuɛn sa'n nin be tete sa nga be yoli'n, be su afɛ'n yɛ ɔ o lɛ-ɔ.

Kalɛ 1:51

Sɛ amun su tu amun bo kɔ lika uflɛ'n, be yɛ be ti i tutufuɛ-ɔ. Blɛ bɔ amun ´kplan amun ngblaliɛ mun'n, be yɛ be ti tannin sua'n i kplanfuɛ-ɔ. Sɛ ɔ min kun bɔ a ti-man Levifuɛ a ko mantan mín tannin sua'n, be ´kun wɔ.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 18:4

Be yɛ be ´uka amun junman'm be kwlaa be dilɛ nun tannin sua'n nun lɔ-ɔ. Nán sran uflɛ fi mantan amun.

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Kalɛ 3:25

Anannganman i tannin sua ng'ɔ yi i wun nglo nun'n, i lika nga be fa wlali Gɛrsɔnfuɛ'm bé sa nun kɛ be `nian su'n yɛ: tannin sua'n i klun nin i sin'n, ɔ nin like nga be fa kata tannin sua'n su'n, ɔ nin rido ng'ɔ o tannin sua'n i anuan'n nun'n,

Kalɛ 3:31

Nyanmiɛn i alaka'n nin i tabli'n, ɔ nin kannin siewlɛ'n, ɔ nin Nyanmiɛn sɔwlɛ lika mun, ɔ nin ninnge nga be fa di junman Nyanmiɛn i lika'n nun'n, nin rido ng'ɔ o Nyanmiɛn i lika'n i klun lɔ'n, Keatfuɛ'm be yɛ be nian ninnge sɔ'm be lika-a.

Kalɛ 3:36

Nyanmiɛn i lika'n i waka paplaapla nin waka nga be fa jaja nun'n, ɔ nin sua'n i ja'm be takawlɛ mun, yɛ ninnge'm bé onga'm be kwlaa, be yɛ be nian bé su-ɔ.

Kalɛ 31:30

Izraɛlfuɛ'm bé onga'm be liɛ lika'n nun kusu'n, min liɛ ng'ɔ o nun'n yɛlɛ nga: sran ablenun su'n, min liɛ ti kun, nnɛn ablenun su'n, min liɛ ti kun. Sɛ nannin o, sɛ aflunmun o, sɛ bua o, sɛ boli o, nnɛn uflɛ kwlaa o, sɛ be fa ablenun'n, min liɛ kun o nun. Fa min liɛ lika sɔ'n man Levifuɛ nga be di mín sua bɔ n yi min wun nglo nun'n i nun junman'n.»

Kalɛ 4:15

Kɛ Aarɔn nin i mma mun be ko wie min ninnge nga be o min lika nun'n bé wun cici'n, bɔ Izraɛlfuɛ'm be ´tu bé bo be ´kɔ'n, Keatfuɛ mun yɛ be wa sua ninnge sɔ mun-ɔn. Sanngɛ nán be kan like bɔ be ti min liɛ klonglo mun kɛ ɔ ´yo nan b'a wu-man'n ti. Junman ng'ɔ ti Keatfuɛ'm be liɛ tannin sua'n nun'n yɛ ɔ o lɛ-ɔ.