Kalɛ 18:24 - NYANMIƐN NDƐ'N 1998

²⁴ Be like liɛ nga m ´man be'n yɛlɛ blusu nga Izraɛlfuɛ kun nga'm be ´fa blɛ min'n. I sɔ'n ti yɛ n se kɛ be su nyan-man asiɛ kɛ Izraɛlfuɛ'm bé nga'm be sa nin-ɔn.»

Kalɛ 18:24 ပူးပေါင်းရင်းမြစ်များ

Neemi 10:38

E waan e ´man Nyanmiɛn nyrun jranfuɛ mun e sanmlɛn mlɛnnɛnnɛn kpa'n wie, ɔ nin e ndidiɛ ninnge nga be fa yi sraka'n be wie, ɔ nin e waka'm be kwlaa be mma'm be wie, ɔ nin nzan lɔflɛ'n, nin ngo'n wie. E ´fa kɔ e Nyanmiɛn i sua ba'm be nun lɔ. E fie'm be su blusu'n b'ɔ ti Levifuɛ'm be liɛ'n, e waan be bɔbɔ be `wlan-wlan klɔ'n kwlaa su be `fa e junman'n nuan like'm be blusu'n.

Neemi 13:12

Kpɛkuun Zidafuɛ'm be kwlaa be fali ble'n, ɔ nin nzan lɔflɛ'n, ɔ nin ngo'n i blusu'n be bali kan be sie ninnge'm be lɛ'n .

Saun Yolɛ 27:30

Fie su like nga be tɔn be di'n, ɔ nin waka mma mun'n, sɛ be nyan blu'n, kun ti min liɛ. Ng'ɔ ti min liɛ'n yɛ ɔ o lɛ-ɔ.

Kalɛ 18:25

Anannganman seli Moiz kɛ

Kalɛ 18:26

ɔ `kan kle Levifuɛ'm be kɛ: «Kɛ bɔ Izraɛlfuɛ'm be yi blusu'm be blɛ min bɔ n fa man amun'n, amun kusu amun `yi i su blusu'n be man min.

Kalɛ 26:62

Yasua nga b'a di anglo kun nin anglo kun gua su bɔ be klɛli be dunman'n, be kwlaa be ti sran akpi-akpi ablaɔn-nin-nsan (23.000). B'a klɛ-man be dunman Izraɛlfuɛ'm be nun wie, afin b'a man-man be asiɛ kɛ Izraɛlfuɛ kun nga'm be sa.

Mmla'n 10:9

I sɔ'n ti yɛ Levifuɛ'm b'a nyan-man asiɛ kɛ be niaan'm be sa nin-ɔn. Be like liɛ nga be nyɛnnin i'n yɛlɛ Anannganman i sulɛ kɛ Anannganman amun Nyanmiɛn'n kan kleli be'n sa.

Mmla'n 26:12

Afuɛ nuan nsan kwlaa ng'ɔ ju'n, b'ɔ ti blusu yilɛ afuɛ'n, kɛ amun ´yi amun fie su ninnge'm be blusu'n, amun `fa man Levifuɛ mun, nin aika mma mun, ɔ nin angboti bla nga be o amun klɔ'n su'n man be di nan be ku yi.

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.