Kalɛ 18:23 - NYANMIƐN NDƐ'N 1998

²³ Levifuɛ'm be ngunmin yɛ be `di junman tannin sua'n nun-ɔn, yɛ sa tɛ kwlaa nga be yo i lɔ'n, be ngunmin yɛ be ´fɛ i su afɛ nin-ɔn. Amun `nian mmla nga su kpa tititi. Asiɛ nga n wa fa man Izraɛlfuɛ kun nga mun'n, n su man-man Levifuɛ'm be wie.

Kalɛ 18:23 ပူးပေါင်းရင်းမြစ်များ

Ezipt Lɔ Tulɛ'n 27:21

Man Aarɔn nin i mma'm be jin like nga be taka kannin'm bé su'n tannin sua'n nun lɔ. Be `jin i rido ng'ɔ kpɛ min alaka'n i nyin'n i nyrun lɛ. Man kannin'm be jue min nyrun lɛ nnɔsua lele nglɛmun. Man i sɔ mmla liɛ'n yo Izraɛlfuɛ nga be o lɛ ndɛkɛn kɛ e ´se yɛ'n nin be nga be wa jaso su'n be kwlakwla be liɛ. Ɔ fata kɛ be osu'n nunfuɛ'm be fa su tititi.»

Ezekiɛl 44:10

«Levifuɛ nga be yacili min'n bɔ be kacili be sin sili min'n, bɔ be nin Izraɛlfuɛ'm be onga mun be ko sɔli amuɛn fiɛnfiɛn mun'n, be liɛ'n, be wa fɛ be sa tɛ'n i su afɛ'n.

Kalɛ 18:1

Yɛ Anannganman seli Aarɔn kɛ: «Wɔ, a nin ɔ mma mun, ɔ nin wɔ osufuɛ mun, amun yɛ amun wa fa sa tɛ kwlaa nga sran'm be yo i sua nga n yi min nglo nun'n i su afɛ nin-ɔn. Sanngɛ a nin ɔ mma mun amun ngunmin yɛ amun ´sua sa tɛ kwlaa nga amun yo i amun junman'n i dilɛ nun'n i su afɛ nin-ɔn.

Kalɛ 18:20

Yɛ Anannganman seli Aarɔn kɛ: «Asiɛ nga n wa fa man Izraɛlfuɛ mun, n su man-man wɔ wie. Min yɛ n ti ɔ lika liɛ bɔ a ko nyɛn i nin-ɔn, min yɛ n ti wɔ anyanbeun like liɛ Izraɛlfuɛ'm be afiɛn-ɔn.»

Kalɛ 19:21

Man Izraɛlfuɛ'm be di mmla nga su tititi. Sran ng'ɔ fa fiɛn kplolɛ nzue fa kplo sran ng'ɔ o fiɛn nun'n i fiɛn'n, man i bɔbɔ kusu ɔ kpu i wun ninnge mun. Sran ng'ɔ kan nzue nga be fa tu fiɛn'n, ɔ ´yo fiɛn lele fa ju nnɔsua.

Kalɛ 26:62

Yasua nga b'a di anglo kun nin anglo kun gua su bɔ be klɛli be dunman'n, be kwlaa be ti sran akpi-akpi ablaɔn-nin-nsan (23.000). B'a klɛ-man be dunman Izraɛlfuɛ'm be nun wie, afin b'a man-man be asiɛ kɛ Izraɛlfuɛ kun nga'm be sa.

Kalɛ 3:7

Man be di junman min tannin sua bɔ n yi mín wun nglo nun'n i nyrun lɛ. Be `di junman sɔ'n be `man Aarɔn nin Izraɛlfuɛ'm be kwlaa. Man be `di min tannin sua'n i wun junman.

Kalɛ 35:29

Lika kwlaa nga amun tran lɛ'n, amun `di mmla nga su tititi.

Mmla'n 10:9

I sɔ'n ti yɛ Levifuɛ'm b'a nyan-man asiɛ kɛ be niaan'm be sa nin-ɔn. Be like liɛ nga be nyɛnnin i'n yɛlɛ Anannganman i sulɛ kɛ Anannganman amun Nyanmiɛn'n kan kleli be'n sa.

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.