Kalɛ 18:21 - NYANMIƐN NDƐ'N 1998

²¹ Anannganman kan guali su kɛ: «Nian, kalɛ nga n ´fa tua Levifuɛ mun be junman nga be di i tannin sua nun'n ti'n, yɛlɛ blusu bɔ Izraɛlfuɛ'm be yi'n.

Kalɛ 18:21 ပူးပေါင်းရင်းမြစ်များ

Bo Bolɛ 14:20

Man manmanlɛ'n yo Nyanmiɛn b'ɔ o like'n kwlaa ti su'n i liɛ. Afin i yɛ ɔ fali ɔ kpɔfuɛ mun wlali ɔ́ sa nun-ɔn .» Nan Abram ɔ'a fa ninnge ng'ɔ nyɛnnin i'n i kwlaa i blusu'n ɔ'a mɛn i.

Bo Bolɛ 47:24

nan sɛ i kpɛlɛ ju'n, an `bu nun nnun nan an `fɛ i bue kun fa man Ezipt famiɛn'n. I bue nnan ng'ɔ ka amún sa nun'n, amun nin amun mma nin amun awlofuɛ mun an `lua wie, yɛ an `di wie.»

Bo Bolɛ 47:26

Zozɛf fali ng'ɔ yoli i lɛ'n kacili mmla bɔ ndɛ nin ndɛ be tɛ di su: Ezipt lɔ fie nga be di'n, i su like be bu nun nnun, kun ti Ezipt famiɛn'n i liɛ. San amuɛn nyrun tranfuɛ'm be asiɛ liɛ'n yɛ ɔ'a yo-man Ezipt famiɛn'n i liɛ-ɔ.

2 Be Nyoliɛ 31:12

Kɛ ɔ fɛ i lɛ'n, fie su ninnge nga sran'm be yi fa ba'n nin blusu'n, ɔ nin ninnge nga be fa man Anannganman'n, siɛn'n be fɛ i kwlakwla sɔ'n be guɛ i ninnge guawlɛ sɔ'm be nun tititi. Kɔnania b'ɔ ti Levifuɛ'n yɛ be fa sieli su kɛ ɔ nian su-ɔ. I niaan bian Simɛi mɛntɛn i.

Neemi 10:29

Izraɛlfuɛ kun nga'm be yɛ: Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, nin Nyanmiɛn i sua'n nun junman difuɛ bɔ be lɛ su kpɛn mun'n, ɔ nin be kwlaa nga be nin nvle uflɛ'm be tili nun afin be kunndɛ kɛ be ´fa Nyanmiɛn mmla'n su'n, be sɔfuɛ mun nin bé yi, nin be mma bla annzɛ yasua nga be wun sa wlɛ'n.

Neemi 10:37

E waan e ´fa e talua ba yasua mun, ɔ nin e nnɛn'm be talua ba mun, e ´fa be ba kɛ ɔ ti klɛwa mmla'n nun'n sa. E ´fa be ba e Nyanmiɛn i sua'n nun, e ´fa be blɛ Nyanmiɛn nyrun jranfuɛ mun bɔ be di e Nyanmiɛn i sua'n nun junman'n. E ´fa e nannin mun nin e bua'm be talua ba mun e ba.

Neemi 10:38

E waan e ´man Nyanmiɛn nyrun jranfuɛ mun e sanmlɛn mlɛnnɛnnɛn kpa'n wie, ɔ nin e ndidiɛ ninnge nga be fa yi sraka'n be wie, ɔ nin e waka'm be kwlaa be mma'm be wie, ɔ nin nzan lɔflɛ'n, nin ngo'n wie. E ´fa kɔ e Nyanmiɛn i sua ba'm be nun lɔ. E fie'm be su blusu'n b'ɔ ti Levifuɛ'm be liɛ'n, e waan be bɔbɔ be `wlan-wlan klɔ'n kwlaa su be `fa e junman'n nuan like'm be blusu'n.

Neemi 12:44

I blɛ sɔ nun'n, be sieli sran wie mun kɛ be `nian sua nga be fali ndidiɛ ninnge nga be fa yi sraka'n, nin fie'm bé su mma klikli'n, ɔ nin blusu'm be gua nun'n i su. Nyanmiɛn nyrun jranfuɛ'm be aliɛ nga mmla'n kleli kɛ be man be'n, kɛ be ko fɛ i klɔ'm be su be ba'n, sran nga be sieli be'n be yɛ be sɔ nun yɛ be fa sie i sua'm be nun-ɔn. Yɛ be yɛ be nian su-ɔ. Zidafuɛ'm be klun jɔli junman nga Nyanmiɛn nyrun jranfuɛ mun, nin Levifuɛ'm be dili'n su.

Neemi 12:47

Zorobabɛl nin Neemi be blɛ su'n, Izraɛlfuɛ'm be kwlaa be man jue tofuɛ nin anuan su nianfuɛ'm be like liɛ ng'ɔ fata kɛ be fa man be cɛn kwlakwla'n. Be fa ng'ɔ ti bɔ be sie i ngunmin man Nyanmiɛn'n, be fa man Levifuɛ mun yɛ Levifuɛ'm be kusu be fa ng'ɔ ti Aarɔn osu nunfuɛ'm be liɛ'n be fa man be.

Neemi 13:12

Kpɛkuun Zidafuɛ'm be kwlaa be fali ble'n, ɔ nin nzan lɔflɛ'n, ɔ nin ngo'n i blusu'n be bali kan be sie ninnge'm be lɛ'n .

Neemi 13:5

ɔ fali sua ba dan kun mɛnnin i. Sua sɔ'n i nun yɛ be sie ndidiɛ ninnge nga be fa yi sraka'n, nin ansans, nin Nyanmiɛn i sua'n nun kpongbo mun-ɔn. I kunngba'n, i nun yɛ be sie ble, nin nzan lɔflɛ, nin ngo'm be blusu nga be fa man Levifuɛ mun, nin anuan su nianfuɛ mun, nin jue tofuɛ, ɔ nin Nyanmiɛn nyrun jranfuɛ mun nin-ɔn.

Malasi 2:4

Kpɛkuun amun ´wun i wlɛ kɛ, kɛ ɔ ko yo nan aenguɛ nga e nin Levi nin i osu'n nunfuɛ mun e trali'n ɔ'a tran lɛ titi'n, i ti yɛ n fali ndɛ cinnjin nga n juli amun nyrun-ɔn.

Malasi 3:10

Amun ninnge nga amun nyɛn i'n, i ng'ɔ ti i blusu sakpa'n, amun `fa be ko guɛ i mín sua'n nun lɔ, nan nán aliɛ tu lɔ mlɔnmlɔn. Amun `sa min sɔ be nian, sɛ m'an tike-man nyanmiɛn su lɔ anuan'n m'an man-man amun nan m'an man-man amun ninnge kpakpa lele ɔ'a bobo-man amún su cɛ'n, wuun nán min-ɔn.

Kalɛ 18:6

Amun `nian, n nian-niannin Izraɛlfuɛ'm be nun yɛ n kpali Levifuɛ mun-ɔn, be ti min liɛ, yɛ n fali be m mannin amun kɛ be `di junman tannin sua'n nun.

Kalɛ 3:6

«Fa Levifuɛ mun wunnge wa man min nyrun jranfuɛ Aarɔn nian bé su, nan be `di junman be `mɛn i.

Kalɛ 31:28

Be nga be ko kunnin alɛ'n, be ninnge liɛ'm be nun'n, man be yi min liɛ lika'n be man min. Sran ya nnun su'n, man be man min sran kun, nnɛn ya nnun su'n, man be man min nnɛn kun. Sɛ nannin o, sɛ aflunmun o, sɛ bua o, sɛ boli o, min liɛ o nun.

Galasifuɛ Mun 6:6

Sran nga be kle i Nyanmiɛn ndɛ'n, i like kpakpa'n kwlaa ng'ɔ lɛ i'n, man ɔ mɛn i like klefuɛ'n wie.

Mmla'n 18:8

Like nga be nyɛn i lɔ be di'n, i kunngba'n yɛ ɔ ´nyɛn i-ɔ, sanngɛ sɛ ɔ lɛ i aja like wie nan ɔ yo i atɛ'n, i sika'n ti i liɛ .

Hébreu 7:5

Levifuɛ'm bɔ be di Nyanmiɛn nyrun jranlɛ junman'n, kannzɛ be nin be niaan Izraɛlfuɛ'm be kwlaa be ti Abraam anunman'n, be klɛli i mmla'n nun kɛ be `de be niaan sɔ mun be ninnge'm be blusu'n.