Kalɛ 18:20 - NYANMIƐN NDƐ'N 1998

²⁰ Yɛ Anannganman seli Aarɔn kɛ: «Asiɛ nga n wa fa man Izraɛlfuɛ mun, n su man-man wɔ wie. Min yɛ n ti ɔ lika liɛ bɔ a ko nyɛn i nin-ɔn, min yɛ n ti wɔ anyanbeun like liɛ Izraɛlfuɛ'm be afiɛn-ɔn.»

Kalɛ 18:20 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Jue Mun 142:5

To ɔ́ nyin mín su wa nian: sran fi sa si-man min, n lɛ-man wanndi kɔwlɛ, sran fi ndɛ nun-man min ndɛ nun.

Jue Mun 16:5

Anannganman, min like liɛ nga n nyɛnnin i'n, yɛlɛ wɔ. Wɔ yɛ a ti min wun nyan-man nun-ɔn. Ɔ sa nun yɛ min nguan'n ɔ wo-ɔ.

Jue Mun 73:26

Nyanmiɛn, kannzɛ min wunnɛn'n ´wiewie o, kannzɛ mín wla'n ´bo mín wun o, sran nga n kisɛ i su b'ɔ ti min liɛ mlɔnmlɔn titi'n yɛlɛ wɔ.

Ngwlɛ Yilɛ 3:24

N wan yoo: «Anannganman ti min like kpa yɛ m'an nyɛn i-ɔ. Nga ti bɔ mín wla'n ɔ o i su'n yɛ ɔ o lɛ-ɔ.»

Ezekiɛl 44:28

«M bɔbɔ min yɛ n ti be like liɛ nin-ɔn. Be like liɛ'n nga be nyɛnnin i yɛ ɔ o lɛ-ɔ. Nán amun man be asiɛ Izraɛl lɔ. M bɔbɔ yɛ n ´kaci be asiɛ liɛ nin-ɔn .

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Kalɛ 26:62

Yasua nga b'a di anglo kun nin anglo kun gua su bɔ be klɛli be dunman'n, be kwlaa be ti sran akpi-akpi ablaɔn-nin-nsan (23.000). B'a klɛ-man be dunman Izraɛlfuɛ'm be nun wie, afin b'a man-man be asiɛ kɛ Izraɛlfuɛ kun nga'm be sa.

Mmla'n 10:9

I sɔ'n ti yɛ Levifuɛ'm b'a nyan-man asiɛ kɛ be niaan'm be sa nin-ɔn. Be like liɛ nga be nyɛnnin i'n yɛlɛ Anannganman i sulɛ kɛ Anannganman amun Nyanmiɛn'n kan kleli be'n sa.

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 14:27

Kɛ amun ´yo sɔ'n, nán amún wla tra Levifuɛ nga amun nin be tran lɛ'n bé su, afin be lɛ-man asiɛ'n wie kɛ amun sa.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.

Zozie 13:33

Ɔ'a fa-man lika fi ɔ'a man-man Levi akpasua sufuɛ mun. Ɔ seli be kɛ be liɛ nga be ko nyɛn i'n yɛlɛ Anannganman b'ɔ ti Izraɛl Nyanmiɛn'n i sulɛ.

Zozie 14:3

Moiz dun mmua fali lika ng'ɔ o Zurdɛn i bue ng'ɔ kpɛ wia afiliɛ lɔ'n fa cɛcɛli akpasua nnyɔn nin bue'n bé ti nun ti nun, ɔ'a man-man Levi akpasua'n sufuɛ'm be wie,

Zozie 18:7

Levifuɛ'm be su nyan-man lika'n wie. Ng'ɔ ti be liɛ'n yɛlɛ Anannganman i nyrun jranlɛ junman'n. Gad nin Ribɛn be akpasua mun ɔ nin Manase i akpasua'n i bue be kusu be dun mmua nyannin be lika liɛ Zurdɛn'n i wia afiliɛ lɔ. Moiz bɔbɔ b'ɔ ti Anannganman i sufuɛ'n yɛ ɔ fa mannin be-ɔ.»

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .