Kalɛ 18:2 - NYANMIƐN NDƐ'N 1998

² Flɛ ɔ niaan bɔ be fin ɔ si Levi i akpasua'n su mun man be mantan wɔ. Kɛ bɔ a nin ɔ mma mun amun ´kɔ tannin sua bɔ min alaka'n wo nun'n nun lɔ'n, be ´yo amun ukafuɛ nin amun sufuɛ.

Kalɛ 18:2 ပူးပေါင်းရင်းမြစ်များ

Bo Bolɛ 29:34

Ɔ wunnzɛli ekun, ɔ wuli ba yasua kun ekun. I waan: «Siɛn liɛ'n, min wun'n ɔ wa klo min afin ba yasua'n i nsan su bɔ n ´wu i m mɛn i'n yɛ ɔ o yɛ.» Ɔ man Zakɔb flɛli i kɛ Levi.

2 Be Nyoliɛ 30:16

Be jranjrannin be jranwlɛ titi'm be nun kɛ Moiz b'ɔ ti Nyanmiɛn sran'n i mmla'n kle'n sa. Yɛ Levifuɛ'm be fa nnɛn nga be fa yi tɛ'n be mmoja man Nyanmiɛn nyrun jranfuɛ mun. Yɛ Nyanmiɛn nyrun jranfuɛ'm be fa gua Nyanmiɛn sɔwlɛ'n su.

Ezekiɛl 44:11

Mín sua'n nun lɔ be junman liɛ nga be ´di'n yɛlɛ anuan su jranlɛ nin junman wafa-wafa wie mun. Be ´kpɛ nnɛn nga be fa yi tɛ bɔ be yra be nnɛn'n kɔlikɔli'n nin tɛ kun mun be nnɛn'm be kɔmin. Be liɛ'n, be ´dun mmua sran'm be nyrun be ´uka be.

Ezekiɛl 44:15

«Min nyrun jranfuɛ bɔ be ti Levifuɛ mun'n, bɔ be fin Zadɔk osu nun'n, be liɛ'n, be niannin n sua i su mmla'm be su kpa blɛ nga bɔ Izraɛlfuɛ'm be kaci be sin be sili min Anannganman'n. I sɔ'n ti, be kunngba cɛ yɛ be ´kwla jran min nyrun be ´man min nnɛn lui nin nnɛn mmoja nin-ɔn.» Anannganman Nyanmiɛn yɛ ɔ kan sɔ-ɔ.

Malasi 2:4

Kpɛkuun amun ´wun i wlɛ kɛ, kɛ ɔ ko yo nan aenguɛ nga e nin Levi nin i osu'n nunfuɛ mun e trali'n ɔ'a tran lɛ titi'n, i ti yɛ n fali ndɛ cinnjin nga n juli amun nyrun-ɔn.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 17:7

Izraɛlfuɛ'm be wa kpɛ sin yiali Moiz nin Aarɔn nan b'a fa ndɛnngan b'a wla bé sin. Kpɛkuun be ´nian tannin sua'n wun lɔ-ɔ, sin wɛnsrɛn'n ɔ'a kata su, kpɛkuun nyannyannyan Anannganman su yi i wun nglo.

Kalɛ 18:4

Be yɛ be ´uka amun junman'm be kwlaa be dilɛ nun tannin sua'n nun lɔ-ɔ. Nán sran uflɛ fi mantan amun.

Kalɛ 3:5

Anannganman seli Moiz kɛ:

Kalɛ 4:15

Kɛ Aarɔn nin i mma mun be ko wie min ninnge nga be o min lika nun'n bé wun cici'n, bɔ Izraɛlfuɛ'm be ´tu bé bo be ´kɔ'n, Keatfuɛ mun yɛ be wa sua ninnge sɔ mun-ɔn. Sanngɛ nán be kan like bɔ be ti min liɛ klonglo mun kɛ ɔ ´yo nan b'a wu-man'n ti. Junman ng'ɔ ti Keatfuɛ'm be liɛ tannin sua'n nun'n yɛ ɔ o lɛ-ɔ.

Kalɛ 8:19

N fali Levifuɛ mun m mannin Aarɔn nin i mma mun kɛ be `jran Izraɛlfuɛ'm be nuan be `di min junman'n tannin sua'n nun. Be yɛ n kpali be Izraɛlfuɛ'm be afiɛn kɛ be `yi Izraɛlfuɛ'm be ti tɛ mun-ɔn. Kɛ ɔ yo sɔ'n, Izraɛlfuɛ'm be su wun-man nyrɛnnɛn dandan ng'ɔ fata kɛ be wun be'n, afin be su wunnge-man lika ng'ɔ ti min liɛ klonglo'n i wun kun.»

Kalɛ 8:22

Kɛ ɔ yoli sɔ'n, Levifuɛ'm be wa dili junman tannin sua'n nun. Kɛ be ´di junman sɔ'n, Aarɔn nin i mma mun yɛ be nian be su-ɔ. Kɛ Anannganman kan kleli Moiz kɛ be `fa yo Levifuɛ mun'n, i su yɛ be yoli-ɔ.

Hébreu 9:6

Kɛ be siesieli ninnge sɔ'n be kwlaa sɔ'n, cɛn'n kwlaa Nyanmiɛn nyrun jranfuɛ'm be wlu sua ba klikli'n nun be di be junman'n.