Kalɛ 18:19 - NYANMIƐN NDƐ'N 1998

¹⁹ Cɛlɛ ninnge nga be ti min liɛ klonglo'n bɔ Izraɛlfuɛ'm be fa man min'n i kwlaa'n, n ´fa man wɔ, ɔ ti wɔ nin ɔ wa bla mun nin ɔ wa yasua mun amun liɛ tititi. Aenguɛ nga e nin wɔ nin wɔ osu'n nunfuɛ mun e ´trɛ i yɛ'n, ɔ ´ka lɛ tititi.»

Kalɛ 18:19 ပူးပေါင်းရင်းမြစ်များ

2 Famiɛn Mun 12:16

Sran nga be fa sika'n wla bé sa nun kɛ be fa man sua'n i su junman difuɛ mun'n, be usa-man be kɛ be kan sika i wun ndɛ, afin be si kɛ sran sɔ'm be ti nanwlɛfuɛ.

2 Be Nyoliɛ 13:5

?Amun si-man kɛ Anannganman Nyanmiɛn b'ɔ ti Izraɛl Nyanmiɛn'n fali Izraɛl i sielɛ'n mannin David nin i mma mun nin i anunman mun tititi? Nda ng'ɔ tali be'n, be kaci i-ɔ ɔ kaci-man.

2 Be Nyoliɛ 31:4

Famiɛn'n seli Zerizalɛmfuɛ'm be kwlaa kɛ be fa like ng'ɔ ti Nyanmiɛn nyrun jranfuɛ mun nin Levifuɛ'm be liɛ'n man be, kɛ ɔ ´yo nan b'a fa bé wun b'a man junman nga Anannganman i mmla'n kleli'n i ngunmin'n ti.

Ezipt Lɔ Tulɛ'n 29:27

Kɛn i weiin kɛ bua nene i wue'n bɔ be toto i Anannganman i nyrun'n, ɔ nin i walɛ bɔ be fa kleli i'n, be ti i liɛ klonglo.

Ezekiɛl 43:24

fa be blɛ min Anannganman Nyanmiɛn min nyrun jranfuɛ mun. Be `kun be nan be fa njin guagua be nnɛn'n su. Yɛ be `fa be yi tɛ nga be yrɛ i nnɛn'n kɔlikɔli'n be man min.

Saun Yolɛ 2:13

Ble annzɛ like ng'ɔ ti kɛ ble sa bɔ be ´fa man min'n, be `gua su njin. Aenguɛ nga min nin amun e trali'n, i nzɔliɛ like'n yɛlɛ njin'n. Man njin ɔ tran ble annzɛ like ng'ɔ ti kɛ ble sa'n bɔ amun ´fa yi sraka ´man min'n i nun titi .

Saun Yolɛ 21:22

Like nga be fa yi tɛ be man min'n, ɔ kwla di wie. Aliɛ nga be fa man min'n i kwlakwla: ng'ɔ ti min nanndoliɛ kpa o, ɔ nin aliɛ nga mun o, ɔ kwla di wie.

Saun Yolɛ 7:14

I sɔ ninnge fanunfanun nga be fa bali'n, be `fa nga su wie be `fa nga su wie, be `fa man min. Nan be `fɛ i onga'n be man min nyrun jranfuɛ ng'ɔ fali nnɛn'n i mmoja guaguali min sɔwlɛ'n i nvɛn wun nvɛn wun'n.

Kalɛ 18:11

Amun `fa cɛlɛ ninnge nga Izraɛlfuɛ'm be fa man min sran'm be kwlakwla be nyrun'n i bue be uka amun liɛ'n su. Amun liɛ lika nga n ´fa man amun, a nin ɔ osu nun sran mun tititi'n yɛ ɔ o lɛ-ɔ. Be kwlaa nga be ti saun'n, be yɛ be `di-ɔ.

Kalɛ 18:8

Anannganman seli Aarɔn kɛ: «Nian, cɛlɛ ninnge kwlaa nga Izraɛlfuɛ'm be fa man min'n, bɔ be yra-man be'n, wɔ yɛ a ti be sunianfuɛ-ɔ. N fa be m mannin wɔ, ɔ liɛ lika'n yɛ ɔ o lɛ-ɔ. I sɔ ninnge'm be ti a nin wɔ osu nunfuɛ mun amun liɛ tititi.

Kalɛ 31:29

Min liɛ lika nga be yi'n, fa man Eleazar b'ɔ ti min nyrun jranfuɛ'n.

Kalɛ 31:41

Moiz fali Anannganman liɛ lika ng'ɔ o nun'n mannin Nyanmiɛn nyrun jranfuɛ Eleazar kɛ Anannganman kan kleli i kɛ ɔ `yo'n sa.

Mmla'n 12:26

Amun ninnge nga amu'an sie be ngunmin kɛ amun ´fa man Nyanmiɛn'n, ɔ nin nda nga amun ta Nyanmiɛn'n i nuan ninnge'm be liɛ'n, amun `fa ko man Anannganman lika ng'ɔ ko kle'n i nun lɔ.

Mmla'n 12:6

Amún tɛ nga be yra be nnɛn'n kɔlikɔli'n, nin amun sraka mun, nin amun blusu mun, nin amun fie su ninnge klikli mun, nin nda talɛ nuan ninnge mun, nin amun klun klo ninnge nga amun ´fa man'n, ɔ nin amun nannin mun, nin amun bua mun, nin amun boli mun nnɛn sɔ'm be talua ba mun, lɛ yɛ amun `fa be bla-a.