Kalɛ 18:16 - NYANMIƐN NDƐ'N 1998

¹⁶ Kɛ bɔ ba klikli'n ɔ'a di anglo kun'n, man be tannin i ti jɛtɛ ufue nnun, min sulɛ sua'n nun lɔ sika sunnzunliɛ'n su yɛ be `sunnzun-ɔn, jɛtɛ ufue kun ti gram blu.

Kalɛ 18:16 ပူးပေါင်းရင်းမြစ်များ

Ezipt Lɔ Tulɛ'n 30:13

Like ng'ɔ fata kɛ be nga be ´tran sran nga be ´ka be'n be nun'n be yi'n yɛ: sran kun ´yi jɛtɛ ufue gram nnun. Be `nian min tannin sua'n nun lɔ sika'n i sunnzunliɛ'n su yɛ be `sunnzun-ɔn. Be `bu lɔ sunnzunliɛ nun sɛsɛ yɛ be `fa-a .

Ezipt Lɔ Tulɛ'n 38:24

Sika ɔkwlɛ'n i kwlakwla nga Izraɛlfuɛ'm be yili bɔ be fa dili Nyanmiɛn i tannin sua'n i wun junman'n ti kilo ya mɔcuɛ kilo ableso-nin-nso ɔ nin i su gram ya nsan. Be sunnzunnin i tannin sua'n i ninnge sunnzunliɛ'n nun.

Ezekiɛl 45:12

Yɛ sika nga be flɛ i sikli'n ɔ ´ju gera ablaɔn, yɛ ɔ fata kɛ be nyɛn i sɔ ablesiɛn nan ɔ'a ju mini kun.

Saun Yolɛ 27:25

Sika nga be di su min tannin sua nun'n, i su yɛ be `nian be `kpɛ gua nin-ɔn. I sɔ sika liɛ'n i jɛtɛ ufue kun ti gram blu.»

Kalɛ 18:15

Like kwlaa i wa klikli nga be fa blɛ min'n, sɛ sran o, sɛ nnɛn o, ɔ ti amun liɛ. Sanngɛ amun `kpɔ sran'm be wa klikli'm be ti, amun `kpɔ nnɛn nga be ti fiɛn'n bé wa klikli'm bé ti wie.

Kalɛ 18:17

Be kpɔ-man nannin ba klikli'n nin bua nga ɔ'a kpɛ cro'n nin boli nga ɔ'a kpɛ cro'n be ti wie, afin be ti min liɛ klonglo. Sɛ amun kun be'n, amun `fa be mmoja'n utu min sɔwlɛ'n su. Yɛ amun `fa be lui lika'n be yi tɛ bɔ be yrɛ i nnɛn'n kɔlikɔli'n, nan ɔ `bɔn min bue nun fannin.

Kalɛ 3:46

Kɛ bɔ Izraɛlfuɛ'm be mma klikli'm be sɔnnin tra Levifuɛ'm be lele sran ya nnyɔn sran ableso-nin-nsan'n ti, man be kpɔ sran ya nnyɔn sran ableso-nin-nsan sɔ'm be ti.

Kalɛ 3:47

I sɔ'n ti, fa sran sɔ'm be kwlaa be ti sika jɛtɛ ufue mma nnun-nnun. Jɛtɛ mma kun ti gram blu. Man bé sunnzun sika sɔ'n min sua'n nun lɔ like sunnzunliɛ'n nun.