Kalɛ 18:12 - NYANMIƐN NDƐ'N 1998

¹² Fie su ninnge klikli'n, n ´fa man amun: sɛ ngo o, sɛ nzan o, sɛ ble o, ninnge sɔ'm be klikli'n bɔ Izraɛlfuɛ'm be fa man min'n, n ´fa man amun.

Kalɛ 18:12 ပူးပေါင်းရင်းမြစ်များ

Bo Bolɛ 27:28

Nyanmiɛn man bɔlɛ ufue `gua man wɔ, nan ɔ fie su ninnge'm be `yo ye. Man ɔ ble fie'n yo ye kpa, man ɔ nzan'n sɔn.

2 Famiɛn Mun 4:42

Le kun bian kun fin Baal-Salisa bali. Ɔ blɛli Nyanmiɛn sran'n i ɔrz kpaun ablaɔn, be fali ɔrz sanmlɛn uflɛ-uflɛ yɛ be fa yoli-ɔ. Ɔ fali ble nga b'a kpɛ i uflɛ'n i mma bajɛ kun ekun ukali su bali. Elize seli i sufuɛ'n kɛ ɔ cɛ nun man sran bɔ be o lɛ mun.

2 Be Nyoliɛ 31:5

Kɛ Izraɛlfuɛ'm be tili ndɛ sɔ'n, be kwlaa be fali be fie'm be su ninnge'm be mma klikli'm be bali kaka kpa: ble nin nzan, nin ngo, nin awɛma nzue, ɔ nin like uflɛ mun. Yɛ be fali be fie kunngba'm be su ninnge nga be nyannin be'n be blusu'n bali ekun .

Jue Mun 147:14

Amun asiɛ liɛ nga amun tran su'n, fɔundi bɔ cɛ yɛ ɔ fa man amun-ɔn. Ble'n i kpakpafuɛ'n, ɔ yo man amun di amun ku yi.

Jue Mun 81:16

Kpɛkuun wuun Anannganman i kpɔfuɛ'm be ´yaci bé wun tulɛ akunndan'n, yɛ ɔ ´tu be fɔ.

Ezipt Lɔ Tulɛ'n 22:29

Nannin mun, nin bua mun, ɔ nin boli'm bé wa klikli nga be wu be'n, kɛ be ko di cɛn ba nso be nin bo wun'n, amun `fa be yi tɛ man min be le mɔcuɛ'n su.

Ezipt Lɔ Tulɛ'n 23:19

Amun `fa amun fie'm bé su ninnge'm be mma klikli'n be fa bla min Anannganman mín sua'n nun. Nán amun fa boli'n i nin i nyɔnflɛn nzue fa tɔn i wa'n i nnɛn'n.»

Ezipt Lɔ Tulɛ'n 34:26

Amun `fa amun fie'm bé su lɔ ninnge'm be mma klikli mun fa blɛ min Anannganman bɔ n ti amun Nyanmiɛn'n. Amun `fa be blɛ min mín sua'n nun lɔ. Nán amun tɔn boli ba'n i nin i nyɔnflɛn nzue'n nun.»

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Saun Yolɛ 2:12

Fie su ninnge nga be nyɛn i'n, blɛ bɔ be ´fɛ i klikli'n be ´fa ko man min'n, i liɛ'n, be yrɛ-mɛn i wie kɛ be fa yra ninnge nga mun min sɔwlɛ'n su bɔ be bɔn min bue nun fannin'n sa.

Saun Yolɛ 2:14

Amun fie su ninnge klikli nga amun nyan be'n, bɔ amun ´fa ko man min'n, bɔ be ti kɛ ble sa'n, amun `kɛɛn wie yɛ amun `si wie. Kɛ amun ´fa ko man min'n,

Saun Yolɛ 23:17

Amun `fa kpaun nnyɔn nnyɔn amun awlobo-awlobo'm be nun, nan amun `toto be min nyrun lɛ. Sɛ amun ´tɔn kpaun kun-ɔn, amun `fa ble sanmlɛn mlɛnnɛnnɛn kpa'n i kilo nsan. Amun `gua nun kpaun ayre. Man ɔ yo amun fie'm bé su ninnge klikli mun.

Saun Yolɛ 23:20

Kɛ be ´fa kpaun'm be ´man min'n, man min nyrun jranfuɛ'n ɔ fa nnɛn sɔ mun uka su. Nán man bua bɔ b'a kpɛ cro'm be ka siɛn. Man ɔ toto ninnge sɔ mun min nyrun. I sɔ ninnge liɛ'm be kwlakwla be ti min nyrun jranfuɛ'n i liɛ. Min liɛ yɛ n fa mannin i-ɔ.

Mmla'n 18:3

Like ng'ɔ ti bɔ Izraɛlfuɛ'm be `fa man Nyanmiɛn nyrun jranfuɛ'm be yɛ: sɛ be kun nannin tola, annzɛ bua, annzɛ boli be fa yi tɛ be man Anannganman'n, i walɛ'n nin i aoje'n, ɔ nin i fle'n be ti be liɛ.

Mmla'n 18:4

Amun ble klikli, nin amun nzan lɔflɛ klikli, nin amun ngo klikli nga amun nyɛn i'n, ɔ nin amun bua ndrɛ klikli nga amun kpɛkpɛ'n, amun `fa man be.

Mmla'n 26:2

amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.

Mmla'n 32:14

Ɔ nɔnnin nannin mun nin bua'm be nyɔnflɛn nzue'n. Ɔ dili bua nga b'a kpɛ cro nin Bazan lɔ bua nene mun, ɔ nin boli nga be ti lowa kpa'n be nnɛn'n. Ɔ dili ble'n i kpafuɛ'n. Ɔ nɔnnin vinyi mma'n i nzue'n b'ɔ yɛlɛ nzan'n.