Kalɛ 18:1 - NYANMIƐN NDƐ'N 1998

¹ Yɛ Anannganman seli Aarɔn kɛ: «Wɔ, a nin ɔ mma mun, ɔ nin wɔ osufuɛ mun, amun yɛ amun wa fa sa tɛ kwlaa nga sran'm be yo i sua nga n yi min nglo nun'n i su afɛ nin-ɔn. Sanngɛ a nin ɔ mma mun amun ngunmin yɛ amun ´sua sa tɛ kwlaa nga amun yo i amun junman'n i dilɛ nun'n i su afɛ nin-ɔn.

Kalɛ 18:1 ပူးပေါင်းရင်းမြစ်များ

Ezipt Lɔ Tulɛ'n 28:38

Man ɔ tran Aarɔn i ngban su blɛ b'ɔ o min Anannganman min nyrun'n. Sɛ ɔ yo sɔ'n, i liɛ'n, n ´sɔ Izraɛlfuɛ be sraka nga be fa man min'n nun. Kannzɛ bɔ be fɔn yɛ be fa man min o, n ´si be aunnvuɛ.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Ezekiɛl 4:4

I sin'n, la ɔ́ sa bɛ'n su, blɛ'n kwlaa nga a ´la ɔ́ sa bɛ su sɔ'n, a wa sua Izraɛl famiɛn diwlɛ'n nunfuɛ'm bé sa tɛ mun, yɛ a wa fɛ bé sa tɛ sɔ'm bé su afɛ'n.

Saun Yolɛ 10:17

«?Nguɛ ti yɛ amu'an di-man tɛ'n i nnɛn'n kan Anannganman o lɛ nin-ɔn? Afin ɔ ti Anannganman liɛ. Anannganman i bɔbɔ i nnɛn b'ɔ mannin amun kɛ amun fa yi tɛ nan amun sua Izraɛlfuɛ'm bé sa tɛ'n, nan amun `fa de bé nin-ɔn. ?Nguɛ ti yɛ amu'an di-mɛn i kan Anannganman o lɛ nin-ɔn?

Saun Yolɛ 22:16

Sɛ be fa man sran ngbɛn-ngbɛn'm be kɛ be di'n, wuun b'a kuku sa tɛ trɔ b'a jin i Izraɛlfuɛ'm bé ti su. M bɔbɔ min Anannganman'n, min yɛ n yi like nga be fa blɛ min'n i nun fiɛn'n nin-ɔn.»

Saun Yolɛ 22:9

Kɛ ɔ ko yo nan aliɛ ndɛ ti min nyrun jranfuɛ'm b'a kan-man fiɛn'n nan ɔ'a yo-man bé wie'n ti'n, ɔ fata kɛ mmla nga n fa mannin be'n, be `tu be klun be `nanti su sɛsɛsɛ. Min yɛ n ti Anannganman nin-ɔn. Min yɛ n fa be n sieli kɛ be `di min nyrun jranlɛ junman nin-ɔn.

Kalɛ 14:34

Amun fali cɛn ba ablanan yɛ amun fa nian-niannin mɛn nin-ɔn. N kusu n ´fa afuɛ ablanan n ´fa tu amun fɔ, afuɛ kun afɛ'n ɔ ti cɛn kun nun nyin kekle'n i akatua. Kpɛkuun amun ´si kɛ sɛ bé nyin yi-man min'n ɔ ti like tɛ.

Kalɛ 16:10

Wɔ Kɔre, a nin ɔ niaan Levifuɛ'm be kwlaa, Anannganman fali amun kɛ amun mɛntɛn i, kpɛkuun amun waan amun ´yo i nyrun jranfuɛ.

Kalɛ 17:13

Ɔ jrannin be nga be wuli'n nin be nga be nyin tɛ o su'n be afiɛn. Kpɛkuun kpe yɛ nyrɛnnɛn'n kpɛli-ɔ.

Kalɛ 17:3

Yɛlɛ kɛ be fa be mannin min, kannzɛ bɔ be ti sran nga be yoli sa tɛ bɔ be wuli'n be liɛ'n, man be fa yo like paplaapla mun, bɔ be ´fa kata min sɔwlɛ'n i wun, kpɛkuun i sɔ'n ɔ ´yo Izraɛlfuɛ'm be wla kpɛnlɛ like.»

Kalɛ 17:7

Izraɛlfuɛ'm be wa kpɛ sin yiali Moiz nin Aarɔn nan b'a fa ndɛnngan b'a wla bé sin. Kpɛkuun be ´nian tannin sua'n wun lɔ-ɔ, sin wɛnsrɛn'n ɔ'a kata su, kpɛkuun nyannyannyan Anannganman su yi i wun nglo.

Kalɛ 18:11

Amun `fa cɛlɛ ninnge nga Izraɛlfuɛ'm be fa man min sran'm be kwlakwla be nyrun'n i bue be uka amun liɛ'n su. Amun liɛ lika nga n ´fa man amun, a nin ɔ osu nun sran mun tititi'n yɛ ɔ o lɛ-ɔ. Be kwlaa nga be ti saun'n, be yɛ be `di-ɔ.

Kalɛ 3:6

«Fa Levifuɛ mun wunnge wa man min nyrun jranfuɛ Aarɔn nian bé su, nan be `di junman be `mɛn i.

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Hébreu 13:17

Man amún nyin yi amun kpɛnngbɛn mun, an `bu be sran. Be nian amún su titi, afin be wa kan be junman'n i su ndɛ kle Nyanmiɛn. An `yo sa nga b'ɔ man be klun ´jɔ be junman'n su'n. Sɛ amu'an yo-mɛn i sɔ bɔ be oto'n, ɔ man be su kwla uka-man amun.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

Jɔlɛ Difuɛ Mun 17:12

Mika fali gbanflɛn'n sieli i amuɛn'm be nyrun tranfuɛ.