Kalɛ 17:5 - NYANMIƐN NDƐ'N 1998

⁵ I sɔ'n, ɔ ´kpɛn Izraɛlfuɛ'm bé wla kɛ sran ng'ɔ ti-man Aarɔn i osu'n nun sran'n, ɔ lɛ-man atin kɛ ɔ yra ansans Anannganman i nyrun. Sran nga bɔ ɔ'a di-man su nan ɔ ko yo i sɔ sa'n, sa kunngba ng'ɔ juli Kɔre nin i minniɛn'm bé su'n, ɔ ´ju i su wie kɛ Anannganman man Moiz kan kleli Aarɔn'n sa.

Kalɛ 17:5 ပူးပေါင်းရင်းမြစ်များ

2 Be Nyoliɛ 26:16

I nyrun b'ɔ nyɛnnin i'n ti'n, ɔ tuli i wun. Ɔ man ɔ yoli sa tɛ. Ɔ fɔnnin Anannganman b'ɔ ti i Nyanmiɛn'n wun. Cɛn kun ɔ wluli Anannganman i sua'n nun lɔ. I bɔbɔ ko yrali ansans kan be yrɛ i lɛ'n.

Ɛsdras 2:62

Sran sɔ'm be kunndɛli be fluwa nga be nannan'm be dunman klɛ nun mun lele ngbɛn. Ɔ man be niannin be kɛ sran bɔ be ti fiɛn sa, b'a man-man be atin kɛ be di Nyanmiɛn nyrun jranlɛ junman'n wie.

Jue Mun 105:26

Nan ɔ'a sunman Moiz b'ɔ ti i sufuɛ'n, ɔ nin Aarɔn b'ɔ kpɛli i'n.

Ezipt Lɔ Tulɛ'n 16:7

Ainman nglɛmun kusu amun wa wun Anannganman i nyrun nyannyan'n, afin ɔ tili trikilɛ nga amun trikili i su'n. ?Wan yɛlɛ e bɔ amun triki e su-ɔ?»

Ezai 11:1

Sran kun ɔ ´jaso su Izai osu'n nun kɛ waka sama'n ɔ fɛfɛ waka'n i bo'n su'n sa. Ɔ wa jaso su kɛ waka nɔnman'n ɔ fɛfɛ waka i olui'n su'n sa .

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 27:6

Sɛ Zakɔb ti waka'n, wuun n ´se kɛ cɛn wie lele i osu'n nunfuɛ'm be ´nyan olui, be ´fɛfɛ, yɛ be ´bo nyrɛ, yɛ be mma'n be ´tru mɛn'n nun .

Ezai 5:24

I sɔ'n ti, sɛ be ti waka'n, wuun n ´se kɛ, kɛ sin'n ɔ fa yra awie ja'n sa'n, kɛ sin'n ɔ fa di ijre kee'n sa'n, be olui'n ɔ ´saci, yɛ be nyrɛ'n be ´yo munkun-munkun be ´kaci kɛ ndutre sa. Afin be yili Anannganman b'ɔ sie mɛn wunmuan'n i mmla'n i ase, yɛ be yoli Izraɛl Nyanmiɛn'n i nuan ndɛ'n i finfin.

Ezekiɛl 16:41

Be ´wɔ ɔ́ sua'm be nun. Be ´di wɔ jɔlɛ bla kpanngban kpa be nyrun. Wafa nga n wa fa nunnun ɔ tekle bolɛ'n yɛ ɔ lɛ-ɔ, yɛ a su tannin-man sran kalɛ kun.

Ezekiɛl 23:27

N wa sie ɔ wlaka nin ɔ tekle nga a sɔ i bolɛ su Ezipt lɔ'n i ti. Ɔ nyin su blo-man sran wun kun. A su bu-man Eziptfuɛ'm be akunndan kun.›

Ndɛ Nga Nyanmiɛn I Nuan Ijɔfuɛ Oze Kannin'n 14:5

«N ´yo man Izraɛlfuɛ'm be ´yaci bé nyin nyɔnnyɔn siesielɛ. N wa klo be klolɛ kpa, n su fa-man bé wun ya tɛ kun.

Kalɛ 1:51

Sɛ amun su tu amun bo kɔ lika uflɛ'n, be yɛ be ti i tutufuɛ-ɔ. Blɛ bɔ amun ´kplan amun ngblaliɛ mun'n, be yɛ be ti tannin sua'n i kplanfuɛ-ɔ. Sɛ ɔ min kun bɔ a ti-man Levifuɛ a ko mantan mín tannin sua'n, be ´kun wɔ.

Kalɛ 11:1

Cɛn kun Izraɛlfuɛ'm be ijɔli Nyanmiɛn tɛtɛ kpa. Kɛ Anannganman tili i sɔ'n, ɔ fali ya nan sin ɔ'a nunnun ngblaliɛ'n i bue kun.

Kalɛ 16:11

Sa nga ti yɛ a nin ɔ minniɛn mun amun cicili Anannganman wun'n yɛ ɔ o lɛ-ɔ. ?Afin waan yɛlɛ Aarɔn bɔ amun kɛn i ndɛ tɛtɛ nin-ɔn?»

Kalɛ 16:5

nan ɔ'a se Kɔre nin be nga be su i su'n be kɛ: «Ainman nglɛmun'n, Anannganman wa kle sran ng'ɔ ti i liɛ klonglo b'ɔ fata kɛ ɔ mɛntɛn i'n. Ɔ wa yo man sran nga i bɔbɔ kpɛli i'n, sran sɔ'n ɔ wa mɛntɛn i .

Kalɛ 17:10

«Amun `jaso sran nga'm be afiɛn man n nunnun be kpɛ kunngba.» Moiz nin Aarɔn be tɔli yɛ be utuli be nyin ase.

Kalɛ 17:6

Kɛ aliɛ'n cɛnnin cɛ'n, yɛ sran'm be kwlaa be tɔli Moiz nin Aarɔn be ndɛ tɛtɛ kanlɛ su-ɔ. Be kan se kɛ: «Amu'an kun Anannganman i sran mun.»

Kalɛ 17:8

Moiz nin Aarɔn be ɔli ko jrannin tannin sua'n i nyrun lɛ.

1 Korɛntfuɛ Mun 10:10

Nán an ijɔ amun konviabo kɛ be nun wie'm be ijɔli b'ɔ man wie'n tɔli be nun nunnunnin be'n sa .

Zozie 4:7

Amun `se be kɛ: ‹Kɛ be ´fa Anannganman i alaka'n kpɛ Zurdɛn nzue'n, nzue nun'n kpɛli. Nzue'n nun kpɛli sakpa Nyanmiɛn i alaka'n i nyrun. I sɔ'n ti, yɛbuɛ sɔ'm be ti Izraɛlfuɛ'm be wla kpɛnlɛ like tititi.› »