Kalɛ 17:3 - NYANMIƐN NDƐ'N 1998

³ Yɛlɛ kɛ be fa be mannin min, kannzɛ bɔ be ti sran nga be yoli sa tɛ bɔ be wuli'n be liɛ'n, man be fa yo like paplaapla mun, bɔ be ´fa kata min sɔwlɛ'n i wun, kpɛkuun i sɔ'n ɔ ´yo Izraɛlfuɛ'm be wla kpɛnlɛ like.»

Kalɛ 17:3 ပူးပေါင်းရင်းမြစ်များ

Ezipt Lɔ Tulɛ'n 6:16

Levi i mma'm be nin be mma mun yɛ: Levi wuli ba nsan. Be yɛ: Gɛrsɔn, Keat, Mɛrari. Levi dili afuɛ ya afuɛ ablasan-nin-nso.

Ezipt Lɔ Tulɛ'n 6:20

Amram jali i si i niaan bla Zokebɛd, ɔ nin i be wuli ba nnyɔn. Be yɛlɛ Aarɔn nin Moiz. Ɔ dili afuɛ ya afuɛ ablasan-nin-nso.

Zeremi 42:20

Amun bu i kɛ sran yɛ amun su lɛkɛ i-ɔ! Amun bɔbɔ yɛ amun su laka amun wun-ɔn! Afin amun wa seli min kɛ: ‹Yaci, srɛ Anannganman e Nyanmiɛn man ye nan i kwlaa ng'ɔ bua wɔ'n kan kle ye.

Ezekiɛl 37:16

«Klɔ sran, fa waka kun nan klɛ su kɛ: ‹nin Izraɛlfuɛ nga be o famiɛn diwlɛ nga nun'n.› Fa waka bue uflɛ nan klɛ su kɛ: ‹Zozɛf nin Izraɛlfuɛ nga be o famiɛn diwlɛ nga nun'n.›

Kalɛ 17:2

«Se min nyrun jranfuɛ Aarɔn i wa Eleazar kɛ ɔ `yiyi sɛnmlɛn guawlɛ ninnge bɔ be o sin'n i afiɛn'n nan ɔ `sanndi sɛnmlɛn ng'ɔ o be nun'n guɛ i mmua lɔ. Afin sɛnmlɛn guawlɛ ninnge'm bé ti min liɛ klonglo.

Kalɛ 17:4

Sɛnmlɛn guawlɛ ninnge bɔ be fali aaba yɛ be yoli'n, bɔ be nga sin yrali be'n be fa bali Anannganman i manlɛ'n, Nyanmiɛn i nyrun jranfuɛ Eleazar fa yoli like paplaapla mun bɔ be ´fa kata Nyanmiɛn sɔwlɛ'n i wun'n.

Kalɛ 18:1

Yɛ Anannganman seli Aarɔn kɛ: «Wɔ, a nin ɔ mma mun, ɔ nin wɔ osufuɛ mun, amun yɛ amun wa fa sa tɛ kwlaa nga sran'm be yo i sua nga n yi min nglo nun'n i su afɛ nin-ɔn. Sanngɛ a nin ɔ mma mun amun ngunmin yɛ amun ´sua sa tɛ kwlaa nga amun yo i amun junman'n i dilɛ nun'n i su afɛ nin-ɔn.

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Kalɛ 26:10

Kpɛkuun asiɛ'n nun kpacili nan ɔ'a mɛn be nin Kɔre i minniɛn sɔ nga be jasoli Anannganman i wun'n yɛ Kɔre bɔbɔ, nan b'a wu. Cɛn kunngba sɔ'n nun yɛ Kɔre i minniɛn'm be wuli, bɔ sin yrali be sran ya nnyɔn sran ablenun nin-ɔn. I sɔ sa'n yoli nan be nga mun b'a fa tu bé wun fɔ nun.