Kalɛ 17:11 - NYANMIƐN NDƐ'N 1998

¹¹ Moiz seli Aarɔn kɛ: «Ko fa sɛnmlɛn guawlɛ'n nan fa sin Nyanmiɛn sɔwlɛ'n su lɔ nan gua nun sɛnmlɛn, kpɛkuun fa ansans sie su, nan kɔ sran'm bé wun lɔ trɛlɛlɛ ko yo like nga be yo bɔ Nyanmiɛn yaci bé wun sa tɛ'n cɛ be'n. Afin Anannganman i ya'n ɔ'a jaso, yɛ nyrɛnnɛn'n ɔ'a bo i bo.»

Kalɛ 17:11 ပူးပေါင်းရင်းမြစ်များ

2 Be Nyoliɛ 19:10

Blɛ bɔ amun niaan nga be o be klɔ'm bé su be wa kan sa wie kle amun'n, sɛ sran kunlɛ ndɛ o, sɛ mmla fanunfanun'n wie su ndɛ o, amun `yiyi sa sɔ'n nun wein-wein kle be. I liɛ'n, be su fɔn-man Anannganman wun, yɛ Anannganman su fa-man amun nin amun niaan'm bé wun ya. Amun `yo kɛ ng'ɔ o lɛ'n sa, i liɛ'n, amun su fɔn-man.

Saun Yolɛ 16:15

Kpɛkuun boli'n b'ɔ ti mɛn mma'm bé tɛ i ti srɛlɛ liɛ'n, ɔ `kpɛ i kɔmin, nan ɔ `fa boli'n i mmoja'n wlu kɛ tannin dan'n ɔ kpɛ lɛ'n i sin lɔ, nan like kunngba nga b'ɔ fali nannin tola'n i mmoja'n yoli'n, ɔ `fa yo i sɔ, ɔ `fa kpɛntɛn-kpɛntɛn alaka tre'n i bue ng'ɔ kaci wia afiliɛ lɔ'n su, yɛ ɔ fa kpɛntɛn-kpɛntɛn alaka'n i nyrun wa'n su.

Saun Yolɛ 16:16

Izraɛlfuɛ'm be sa tɛ fanunfanun nga be yo'n b'ɔ ti fiɛn b'ɔ o bé wun'n, bɔ i sɔ fiɛn liɛ'n ɔ'a sa min lika kpa tra su'n, lika sɔ'n i fiɛn salolɛ like'n, man ɔ yo. Kpɛkuun ɔ `yo i sɔ ekun tannin sua'n i onga'n nun lɔ. Afin sran nga sua sɔ'n ɔ jin be afiɛn'n, be ti fiɛn, ɔ man i sɔ fiɛn'n ɔ sali sua'n.

Kalɛ 11:33

Sanngɛ kwlaa nan be je a kan nnɛn sɔ'n, Anannganman fali ya dan kpa nan ɔ'a fa nyrɛnnɛn ɔ'a yi bé su.

Kalɛ 17:10

«Amun `jaso sran nga'm be afiɛn man n nunnun be kpɛ kunngba.» Moiz nin Aarɔn be tɔli yɛ be utuli be nyin ase.

Kalɛ 17:12

Aarɔn fali sɛnmlɛn guawlɛ'n kɛ Moiz seli i'n sa, yɛ ɔ wanndi ɔli sran'm be afiɛn lɔ-ɔ. Ɔ ´ju lɔ o, sakpa nyrɛnnɛn'n ɔ'a bo i bo nvlefuɛ'm be afiɛn. Ɔ yili ansans sraka'n, yɛ ɔ yoli like ng'ɔ fata kɛ ɔ yo'n nan Nyanmiɛn ɔ'a yaci bé wun sa tɛ'n ɔ'a cɛ be'n.