Kalɛ 16:9 - NYANMIƐN NDƐ'N 1998

⁹ ?Kɛ amun yɛ Anannganman Nyanmiɛn kpali amun Izraɛlfuɛ'm be nun kɛ amun `mɛntɛn i nan amun `niɛn i sɔwlɛ sua'n i lika'n, nan amun `jran i bɔbɔ Nyanmiɛn i nyrun sran'm be kwlaa bé nuan'n, ɔ ju-man amun?

Kalɛ 16:9 ပူးပေါင်းရင်းမြစ်များ

Bo Bolɛ 30:15

Lea tɛli i su kɛ: «Ɔ li sa! ?Kɛ a fali mín wun'n ɔ ju-man wɔ, kpɛkuun a ´ba mín wa'n i mandragɔr'n i falɛ ekun?» Yɛ Rasɛl waan: «Yoo, man ɔ la ɔ sin ndɛ nan n fa ɔ́ wa'n i mandragɔr'n.»

2 Samiɛl 7:19

Yɛ sanngɛ min Min Anannganman, kan w'a fa ye a ju lɛ'n, ɔ ti kaan ɔ nyrun. ?Sa nga a wa yo man min osu'n nunfuɛ mun cɛn wie'n yɛ a su kɛn i ndɛ ekun-ɔn? ?Yɛ m bɔ n ti klɔ sran'n, yɛ a bo ndɛ nga su kle min-ɔn?

2 Be Nyoliɛ 35:3

Levifuɛ'm be ti Nyanmiɛn liɛ. Be junman liɛ bɔ be di'n yɛlɛ sran'm be like klelɛ. Zozias seli be kɛ: «Amun `fa Anannganman i alaka'n be sie sua bɔ David wa Salomɔn b'ɔ ti Izraɛl famiɛn'n kplannin'n nun. Nán amun suɛ i amun wati su kun. Siɛn'n, amun `di Anannganman amun Nyanmiɛn'n i junman'n, yɛ amun `di wie mɛn i sran mun.

Neemi 12:44

I blɛ sɔ nun'n, be sieli sran wie mun kɛ be `nian sua nga be fali ndidiɛ ninnge nga be fa yi sraka'n, nin fie'm bé su mma klikli'n, ɔ nin blusu'm be gua nun'n i su. Nyanmiɛn nyrun jranfuɛ'm be aliɛ nga mmla'n kleli kɛ be man be'n, kɛ be ko fɛ i klɔ'm be su be ba'n, sran nga be sieli be'n be yɛ be sɔ nun yɛ be fa sie i sua'm be nun-ɔn. Yɛ be yɛ be nian su-ɔ. Zidafuɛ'm be klun jɔli junman nga Nyanmiɛn nyrun jranfuɛ mun, nin Levifuɛ'm be dili'n su.

Ezai 7:13

Nan Ezai ɔ'a se i kɛ: «Wɔ bɔ a nin wɔ awlofuɛ mun amun ti David i osu'n nunfuɛ mun'n, amun `sie amún su! ?Kɛ amun yo bɔ sran'm be di amlin lele be fɛ'n, i sɔ yolɛ'n ɔ ju-man amun, yɛ amun waan amun ´yo nan min Nyanmiɛn'n ɔ `fɛ amlin dilɛ nun ekun-ɔn?

Ezekiɛl 34:18

?Kɛ bɔ amun di like lika kpa nun'n, i sɔ'n ti kaan ngboko amun nyrun ti yɛ like ng'ɔ ka lɛ'n, amun tiatia su be saci i-ɔ? ?Nzue klanman nga amun nɔn'n ɔ ti kaan ti yɛ ng'ɔ ka'n amun kputu i nin amún ja nin-ɔn?

Ezekiɛl 44:16

«Be ngunmin yɛ be ´wlu n sua nun-ɔn. Yɛ be yɛ be ´wunnge tabli nga be sieli i kɛ be ´fa su min'n i wun-ɔn. Be wa fa tabli i wun mmla nga n fa mannin be'n i su kpa.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 16:13

A fa e jasoli mɛn kun bɔ i asiɛ'n ɔ yo like ye kpa, bɔ i kunngba'n ɔ ti nnɛn tawlɛ klanman'n i nun. A fali e bali kɛ e wa wu aawlɛ flɛnnɛn nga nun wa. Ɔ nyin a yi-mɛn i sɔ liɛ bɔ a yoli'n, kpɛkuun ɔ waan a ´tran é su kpɛnngbɛn a ´uka su ekun.

Kalɛ 16:8

I sin Moiz seli Kɔre kɛ: «Amun Levifuɛ mun, amun `tie:

Kalɛ 3:6

«Fa Levifuɛ mun wunnge wa man min nyrun jranfuɛ Aarɔn nian bé su, nan be `di junman be `mɛn i.

Kalɛ 3:9

Fa Levifuɛ mun fa man Aarɔn nin i mma mun. Man be yo i liɛ mlɔnmlɔn, yɛ man be di Izraɛlfuɛ kun nga'm bé nuan junman.

Sa nga bé yôli'n 13:2

Le kun kɛ be ´kpɛ srɛ nun bɔ be ´yo asɔnun'n, Nyanmiɛn Wawɛ'n seli be kɛ: «An `fa Barnabas nin Sɔl man min man be di junman nga ti yɛ n flɛli be'n.»

1 Korɛntfuɛ Mun 4:3

Sɛ an bu min sɛ o, sɛ jɔlɛ difuɛ'm be bu min sɛ o, n liɛ'n, ɔ ti-man n like fi, nán m bɔbɔ yɛ n di min wun jɔlɛ nin-ɔn.

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

1 Samiɛl 18:23

Sail i sufuɛ'm be kan kleli David. David tɛli be su kɛ: «?Kɛ be se kɛ sran kun nin famiɛn'n be ti sia'n, amun bu i kɛ ɔ ti like pɔpɔ?»