Kalɛ 16:7 - NYANMIƐN NDƐ'N 1998

⁷ nan ainman amun `gua be nun sɛnmlɛn, yɛ amun `fa ansans be `gua be su nan amun `fa be `sie Anannganman nyrun. Kpɛkuun e wa wun sran nga Anannganman kpɛli i'n. I yɛ ɔ ti i liɛ klonglo nin-ɔn. Amun Levifuɛ mun amun liɛ'n, ɔ'a flan min ngboko siɛn'n.»

Kalɛ 16:7 ပူးပေါင်းရင်းမြစ်များ

Jue Mun 106:16

Kɛ be o nanmue nun lɔ'n, be fali bé nyin cili Moiz nin Aarɔn bɔ be fɛli i be wlali Anannganman sa nun'n,

Kalɛ 16:3

Be wa kpɛ sin yiali Moiz nin Aarɔn yɛ be seli be kɛ: «Amun liɛ'n ɔ'a flan ye ngboko, sran nga be ti Izraɛlfuɛ'n be kwlaa be ti Anannganman liɛ klonglo, yɛ Anannganman o e kwlaa e afiɛn. ?Yɛ wuun ɔ yo sɛ ti yɛ amun bu amún wun kɛ amun kpa tra Anannganman i sran'm be kwlaa nin-ɔn?»

Kalɛ 16:5

nan ɔ'a se Kɔre nin be nga be su i su'n be kɛ: «Ainman nglɛmun'n, Anannganman wa kle sran ng'ɔ ti i liɛ klonglo b'ɔ fata kɛ ɔ mɛntɛn i'n. Ɔ wa yo man sran nga i bɔbɔ kpɛli i'n, sran sɔ'n ɔ wa mɛntɛn i .

Kalɛ 16:6

I sɔ'n ti, Kɔre a nin ɔ su sufuɛ mun, amun `yo like nga: amun `fa sɛnmlɛn guawlɛ ninnge mun,

Kalɛ 16:8

I sin Moiz seli Kɔre kɛ: «Amun Levifuɛ mun, amun `tie:

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

2 Tɛsalonikfuɛ Mun 2:13

Aniaan mun, amun bɔ an ti e Min'n i sran kpa'n, amun ti ɔ fata kɛ e la Nyanmiɛn ase tititi. Afin kɛ ɔ fin i bo bolɛ nun'n, ɔ fali amun kɛ i Wawɛ'n man an kaci i liɛ yɛ an lafi nanwlɛ'n su nan an nyan amún ti.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .