Kalɛ 16:5 - NYANMIƐN NDƐ'N 1998

⁵ nan ɔ'a se Kɔre nin be nga be su i su'n be kɛ: «Ainman nglɛmun'n, Anannganman wa kle sran ng'ɔ ti i liɛ klonglo b'ɔ fata kɛ ɔ mɛntɛn i'n. Ɔ wa yo man sran nga i bɔbɔ kpɛli i'n, sran sɔ'n ɔ wa mɛntɛn i .

Kalɛ 16:5 ပူးပေါင်းရင်းမြစ်များ

Jue Mun 105:26

Nan ɔ'a sunman Moiz b'ɔ ti i sufuɛ'n, ɔ nin Aarɔn b'ɔ kpɛli i'n.

Jue Mun 115:10

Aarɔn osu nunfuɛ mun, an `fa amun wla'n guɛ i Anannganman su. «Ɔ ti sran'm be ukafuɛ, ɔ sasa be kɛ nyrɛn sa.»

Jue Mun 65:4

E fɔnlɛ nga e fɔn'n, e suɛn i bo-ɔ ɔ yo-man ye, sanngɛ a ´yaci be cɛ ye.

Ezipt Lɔ Tulɛ'n 28:1

«Moiz, fa ɔ niaan bian Aarɔn nin i wa Nadab, nin Abii, nin Eleazar, ɔ nin Itamar man be bla ɔ́ wun wa. Sie be ngunmin man be di min nyrun jranlɛ junman'n.

Ezipt Lɔ Tulɛ'n 28:41

Wɔ, Moiz, fa ɔ niaan bian Aarɔn nin i mma'm be tralɛ mun wla be, nan fa ngo gua bé ti su. I sin fa junman'n wla bé sa nun. Sie be ngunmin kɛ ng'ɔ o lɛ'n sa kɛ ɔ ´yo nan b'a su min nan b'a yo min nyrun jranfuɛ mun'n ti.

Ezipt Lɔ Tulɛ'n 28:43

Man Aarɔn nin i mma'm be wla cɛkoto sɔ mun blɛ bɔ be ´wlu tannin sua'n nun lɔ'n, annzɛ blɛ bɔ be ´mantan min sɔwlɛ'n be ´di min nyrun jranlɛ junman'n min lika kpa'n nun'n. Kɛ ɔ yo sɔ'n, i liɛ'n, fɔ su tran-man bé wun, yɛ be su wu-man. Ɔ ti mmla kun b'ɔ ti Aarɔn nin i osu'n nunfuɛ'm be liɛ b'ɔ ´ka lɛ tititi.»

Zeremi 30:21

Be nvle'n nunfuɛ kun yɛ ɔ ´yo be kpɛnngbɛn-ɔn. Be nvle'n nunfuɛ kun yɛ ɔ ´yo be siefuɛ-ɔ. N ´yo man Zakɔb ´fɛ i wun mantan min ɔ ´ba min wun. ?Afin kɛ wan sa yɛ i bɔbɔ kwla si i wue nun kɛ ɔ ´fɛ i wun mantan min-ɔn?» Anannganman'n yɛ ɔ usa sɔ-ɔ.

Zeremi 49:19

«N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn nzue ti lika'n i ndɛnman trele'n sa. Be nyinma bulɛ kun nun'n, n ´fuan Edɔmfuɛ mun sekeseke. N ´fa min sran liɛ'n n ´sie Edɔm su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› ?Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Zeremi 50:44

N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn lɔ nzue ti lika'n i ndɛnman trele'n sa. Be nyinma bulɛ kun nun'n, n ´fuan be. N ´fa min sran liɛ'n n ´sie Babilɔni su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Ezekiɛl 40:46

Sua ba nga i nyin kpɛ nglo lɔ'n, ɔ ti Nyanmiɛn nyrun jranfuɛ bɔ be jran min sɔwlɛ nyrun'n be liɛ. Levi i akpasua su'n, san Zadɔk anunman'm be yɛ be kwla wlu Nyanmiɛn i sua'n nun be su Nyanmiɛn-ɔn.»

Ezekiɛl 43:19

Fa nannin tola kun man Levifuɛ nga be ti min nyrun jranfuɛ bɔ be fin Zadɔk i osu nun'n. Be ngunmin yɛ m mannin be atin kɛ be su min Anannganman Nyanmiɛn nin-ɔn. Be ´fa yi tɛ kɛ ɔ ´yo nan b'a nyan be sa tɛ yaci cɛlɛ'n ti.

Ezekiɛl 45:4

Mɛn'n i lika sɔ'n ɔ ´yo min liɛ klonglo, be `sie i ngunmin be man min nyrun jranfuɛ mun bɔ be di junman min sua nun'n. Lɛ yɛ be ´kplan be sua mun-ɔn. Man be nyan lika ng'ɔ ti min liɛ klonglo'n i lika liɛ'n.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Saun Yolɛ 8:2

«Flɛ Aarɔn nin i wa yasua mun man be wɔ tannin sua nga n yi min wun nglo nun'n i nyrun lɔ. Tralɛ nga min nyrun jranfuɛ'm be wla'n, ɔ nin ngo nga be fa gua bé ti su'n, fa be bla. Nannin tola nga be fa yi min kpatalɛ tɛ'n, fa bla. Bua nene nnyɔn'n nin gbogbo nga kpaun nga b'a gua-man nun kpaun ayre'n o nun'n, fa be bla.

Malasi 3:18

Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»

Kalɛ 16:3

Be wa kpɛ sin yiali Moiz nin Aarɔn yɛ be seli be kɛ: «Amun liɛ'n ɔ'a flan ye ngboko, sran nga be ti Izraɛlfuɛ'n be kwlaa be ti Anannganman liɛ klonglo, yɛ Anannganman o e kwlaa e afiɛn. ?Yɛ wuun ɔ yo sɛ ti yɛ amun bu amún wun kɛ amun kpa tra Anannganman i sran'm be kwlaa nin-ɔn?»

Kalɛ 16:6

I sɔ'n ti, Kɔre a nin ɔ su sufuɛ mun, amun `yo like nga: amun `fa sɛnmlɛn guawlɛ ninnge mun,

Kalɛ 17:5

I sɔ'n, ɔ ´kpɛn Izraɛlfuɛ'm bé wla kɛ sran ng'ɔ ti-man Aarɔn i osu'n nun sran'n, ɔ lɛ-man atin kɛ ɔ yra ansans Anannganman i nyrun. Sran nga bɔ ɔ'a di-man su nan ɔ ko yo i sɔ sa'n, sa kunngba ng'ɔ juli Kɔre nin i minniɛn'm bé su'n, ɔ ´ju i su wie kɛ Anannganman man Moiz kan kleli Aarɔn'n sa.

Kalɛ 17:8

Moiz nin Aarɔn be ɔli ko jrannin tannin sua'n i nyrun lɛ.

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Sa nga bé yôli'n 1:2

lele fa juli cɛn nga Nyanmiɛn mɛnnin i su fa ɔli Nyanmiɛn su lɔ'n. Jésus yoli man Nyanmiɛn Wawɛ'n dun mmua kleli be b'ɔ fali be b'ɔ sunmannin be'n, like ng'ɔ fata kɛ be yo'n, i sin nan ɔ'a wɔ.

Sa nga bé yôli'n 1:24

Yɛ be kan kleli Nyanmiɛn kɛ: «Nannan Nyanmiɛn, ɔ bɔ a si sran'm be kwlaa be anwlɛn'n, sran nnyɔn nga, kle ye be nun kun nga a fɛli i'n,

Sa nga bé yôli'n 13:2

Le kun kɛ be ´kpɛ srɛ nun bɔ be ´yo asɔnun'n, Nyanmiɛn Wawɛ'n seli be kɛ: «An `fa Barnabas nin Sɔl man min man be di junman nga ti yɛ n flɛli be'n.»

Sa nga bé yôli'n 15:7

Kɛ be sili akplowa lele bɔ be tɔli nun'n, Piɛr jao seli be kɛ: «Nja mun, an si kɛ laa Nyanmiɛn yili min kɛ n ko bo jasin fɛ'n kle be bɔ be ti-man Zuif'n, nan be fa su.

Sa nga bé yôli'n 22:14

Ɔ seli kɛ: ‹E nannan'm be Nyanmiɛn'n ɔ fali wɔ sieli kɛ a si i klun sa'n nan a wun Nanwlɛfuɛ'n yɛ a ti i nuan ndɛ'n.

Efɛzfuɛ Mun 2:13

Amun bɔ laa amun nin Nyanmiɛn di-man'n, siɛn'n sran wunmuan bɔ amun nin Krist-Jésus amu'an kaci'n ti, kɛ ɔ wuli bɔ i mmoja'n guali'n, ɔ'a yo man amun nin i a di.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

Sa nglô yile 1:6

yɛ ɔ man y'a kaci e Si Nyanmiɛn i awlo sran bɔ e trɛn i nyrun. Man e yi i ayɛ, man e se kɛ ɔ ti kpli tititi! Man ɔ yo sɔ !

1 Samiɛl 2:28

N kpali ɔ nannan Aarɔn Izraɛl akpasua'm be kwlakwla be nun kɛ ɔ yo min nyrun jranfuɛ nan ɔ `kan mín nuan su ndɛ'n kle sran mun, nan ɔ `fu min sɔwlɛ'n su'n, ɔ `yra ansans. N fali Izraɛlfuɛ'm bé tɛ nga be yrɛ i nnɛn'n kɔlikɔli'n n fa mannin i nin i osu nunfuɛ mun.