Kalɛ 16:26 - NYANMIƐN NDƐ'N 1998

²⁶ Ɔ seli nvlefuɛ'm be kɛ: «Amun `jaso sa tɛ yofuɛ nga'm bé tannin sua'm bé wun lɛ. Nán amun kan bé sa nun like fi, afin sɛ amun kan be'n, amun nin be be ´wu bé sa tɛ'm bé ti.»

Kalɛ 16:26 ပူးပေါင်းရင်းမြစ်များ

Bo Bolɛ 19:17

Kɛ be fali be ko sieli i lɔ'n, kun seli Lɔt kɛ: «Wanndi kɔ nan w'a nyan ɔ́ ti. Ɔ kɔlɛ su'n, nán nian ɔ sin, nán jran lika fi wa asa'n su. Wanndi kɔ oka'n bo lɔ nan w'a wu-man.»

Ezai 52:11

Amun bɔ amun sua Anannganman i sulɛ ninnge mun'n, amun `wɔ, amun `wɔ, amun `fite! Nán amun kan ninnge fiɛn fi. Amun `fin Babilɔni lɔ fite, amun `yo amún wun saun !

Zeremi 51:6

An `wanndi Babilɔni lɔ be bla. Amun kwlaa be `wanndi. Nán be kun amun ngbɛn bé sa tɛ'n ti. Anannganman i klunngbɔ tulɛ blɛ'n yɛ ɔ'a ju yɛ. Sa nga Babilɔni fa yoli i wiengu mun'n, Anannganman ɔ ´yi be mɛn i .

Kalɛ 16:25

Moiz jasoli, ɔ ɔli Datan nin Abiram be wun lɔ. Kɛ ɔ ´kɔ'n, Izraɛl nvle'n nun kpɛnngbɛn'm be suli i su.

Matthieu 10:14

Sɛ b'a sɔ-man amun nun yɛ sɛ be tie-man amun ndɛ'n, an `jao awlo sɔ'n nun annzɛ klɔ sɔ'n su. Yɛ kɛ amun ´kɔ'n an `kpukpu amún ja wun ndutre'n guɛ i lɛ.

Sa nga bé yôli'n 13:51

Pɔl nin Barnabas be kpukpuli bé ja wun ndutre'n guɛli be wun, nan b'a ɔ Ikoni.

Sa nga bé yôli'n 8:20

Yɛ Piɛr seli i kɛ: «Man a nin ɔ sika'n be wɔ nyrɛnnɛn lika'n nun lɔ yɛlɛ kɛ a bu i kɛ a kwla fa sika to Nyanmiɛn like b'ɔ fa cɛ'n.

2 Korɛntfuɛ Mun 6:17

I sɔ'n ti'n, e Min Nyanmiɛn seli kɛ: «An `jao be nun, nán an fa amun wun mantan be. Nán an kan fiɛn , yɛ n ´sɔ amun nun.

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

1 Timote 5:22

Nán kpli sie ɔ́ sa sran su ndɛndɛ kɛ ɔ di Nyanmiɛn junman. Nán fa ɔ wun wlɛ i sa tɛ nga be wie'm be yo'n nun. Nian ɔ wun, nán yo sa tɛ fi.

Sa nglô yile 18:4

Yɛ n tili sran kun ekun nɛn nyanmiɛn su lɔ, ɔ seli kɛ: «N sran mun, an `fin klɔ'n nun fite nan amu'an yo-man sa tɛ ng'ɔ yo'n wie, an fite nan nyrɛnnɛn ng'ɔ wa tɔ i su'n ɔ'a tɔ-man amun su wie .