Kalɛ 16:22 - NYANMIƐN NDƐ'N 1998

²² Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Kalɛ 16:22 ပူးပေါင်းရင်းမြစ်များ

Bo Bolɛ 18:32

Abraam waan: «Nannan, nán fa ya o, kɛ n kan nga-a, n su kan-man wie kun. ?Sɛ sran kpa blu yɛ be o lɔ'n nin?» Anannganman waan: «Sɛ be ti blu-ɔ, n su saci-man klɔ'n.»

2 Samiɛl 24:1

Anannganman fali ya Izraɛlfuɛ'm bé wun ekun, ɔ man David cuɛnnin sa yili bé su. Anannganman suli i bo kɛ ɔ ka Izraɛlfuɛ mun nin Zidafuɛ mun.

2 Samiɛl 24:17

Kɛ David nian bɔ anz'n su ´saci sran mun'n, ɔ seli Anannganman kɛ: «Min yɛ n fɔnnin-ɔn, min yɛ n yoli sa nin-ɔn. Minniɛn nga'm b'a yo-man sa fi. E nin min osufuɛ mun yɛ ɔ fata kɛ a nin e nyɛn i-ɔ.»

Zɔb I Nyrɛnnɛn Wunlɛ 12:10

Nyanmiɛn sa nun yɛ like kwlaa wo-ɔ. I sa nun yɛ sran'm be kwlaa be nguan'n wo-ɔ.

Jue Mun 99:6

Moiz nin Aarɔn bɔ be ti Anannganman nyrun jranfuɛ'n, ɔ nin Samiɛl b'ɔ bo i dunman'n, kɛ be kpan flɛli i'n, ɔ tɛli be su.

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Ezai 57:16

N su ka-man fɔ bulɛ'n su sa tititi, n su ka-man ya falɛ'n su sa tititi. Sɛ ɔ yo sɔ-ɔ, be nga n yili be'n, be su nyan-man nguan.

Zeremi 32:27

«Nian, min yɛ n ti Anannganman nin-ɔn. Like nga be nyin o su'n be kwlaa be Nyanmiɛn yɛlɛ min. Sa'n wie fi ti-man kekle mín sa nun.

Zeremi 38:16

Yɛ famiɛn Sedesias tali nda ɔ nin Zeremi be sran nnyɔn'n be nyrun lɛ kɛ: «N kan Anannganman, i b'ɔ jrali min'n, n su kun-man wɔ. Yɛ kusu n su fa-man wɔ n wla-man be nga be kunndɛ kɛ be kun wɔ'm be sa nun.»

Ezekiɛl 18:4

Nian, sran'm be kwlaa, i ba o, i siɛ o, be nguan nyanman'n wo min sa nun. Be nnyɔn'n be nguan nyanman'n wo min sa nun, be ti min liɛ. Sran ng'ɔ yo sa tɛ'n yɛ ɔ ´wu-ɔ .

Saun Yolɛ 10:6

Moiz wa seli Aarɔn nin i klun ba yasua nnyɔn uflɛ Eleazar nin Itamar be kɛ yoo: «Nán amun yaci amún ti ndrɛ'n lɛ man ɔ yo sukusuku, yɛ nán amun titi amún wun tralɛ'm be nun. Sɛ amun yo i sɔ-ɔ, wuun amun su kunndɛ amun bɔbɔ amun wie, yɛ amun su klɔklɔ Anannganman nan ɔ `fɛ i ya'n gua Izraɛlfuɛ'm bé su. Amun `yaci amun niaan mun ɔ nin Izraɛlfuɛ'm be nun man be sun be bɔ Anannganman fa sin kunnin be'n.

Saun Yolɛ 4:3

Sɛ min nyrun jranfuɛ'm be kpɛnngbɛn'n yɛ ɔ yo i sɔ sa liɛ'n b'ɔ man sa tɛ sɔ'n ɔ'a sa mɛn mma'm be kwlaa'n, man ɔ fa nannin tola kun bɔ lɛ nun-mɛn i wun'n, ɔ `fa kpata min i sa tɛ b'ɔ yoli'n ti.

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

Kalɛ 14:5

Moiz nin Aarɔn be kotoli sa klo, bé nyin utu asiɛ wun Izraɛlfuɛ'm be kwlaa be nyrun lɛ.

Kalɛ 16:23

Anannganman tɛli Moiz su kɛ:

Kalɛ 16:4

Kɛ Moiz tili ndɛ tɛtɛ sɔ mun'n, ɔ tɔli asiɛ wun, ɔ utuli i nyin ase

Kalɛ 27:16

«Anannganman, ɔ bɔ a man like kwlaa nga a yili be'n be nguan'n, fa sran kun sie nvle'n i ti su.

Rɔmfuɛ Mun 5:18

I sɔ'n ti'n, kɛ Nyanmiɛn fa sran kunngba i sa ng'ɔ yoli'n i lɔnglɛ cili sran'm be kwlaa'n, i kunngba'n, sran kunngba kusu i sa kpa ng'ɔ yoli'n ɔ man Nyanmiɛn bu sran'm be kwlaa be sran kpa, ɔ man be ´nyan nguan.

1 Korɛntfuɛ Mun 13:7

Sran b'ɔ klo sran'n, sa'n kwlaa sɔn i nun, sa'n kwlaa nun ɔ lafi Nyanmiɛn su, i wla'n wo i su, ɔ trɛ i anwlɛn sa'n kwlaa nun, yɛ ɔ si-man afɛ.

Hébreu 12:9

E si'm be tu e fɔ, yɛ e bu be sran. Sɛ ɔ ti sɔ'n, man e bu e Si nga e wawɛ'n wo i sa nun'n i sran tra be nan y'a nyan nguan.

Zozie 22:18

Yɛ ndɛ yɛ amu'an kaci amún sin a si Anannganman nin-ɔn. Sɛ ndɛ amun yo nyin kekle Anannganman su'n, ainman Izraɛl nvle wunmuan'n su yɛ i ya'n ɔ ´tɔ-ɔ.