Kalɛ 16:16 - NYANMIƐN NDƐ'N 1998

¹⁶ Moiz seli Kɔre kɛ: «A nin ɔ sran mun, ainman amun bla min nyrun. Aarɔn `bla wie.

Kalɛ 16:16 ပူးပေါင်းရင်းမြစ်များ

Ezipt Lɔ Tulɛ'n 16:9

Moiz seli Aarɔn kɛ: «Kan kle Izraɛlfuɛ'm be kwlakwla kɛ be bla Anannganman nyrun, afin ɔ tili trikilɛ nga be trikili i su'n.»

Kalɛ 12:4

Kpɛkuun Anannganman seli Moiz, nin Aarɔn, ɔ nin Mari be kɛ: «Amun sran nsan'n amun `wɔ tannin sua'n nun lɔ.» Yɛ be nsan'n be fiteli ngblaliɛ'n nun be ɔli-ɔ.

Kalɛ 16:15

Wafa nga be fa tɛli Moiz su'n ti, ɔ fali ya dan kpa. Yɛ ɔ seli Anannganman kɛ: «Nán sɔ be cɛlɛ like'n nun. N nian de-man be like fi le, nnɛn kpanngɔ kun bɔ sa n nian de-man be le, n nian yo-man be nun kun sa i tɛ le.»

Kalɛ 16:17

Amun `fa amun sɛnmlɛn guawlɛ mun, amun `gua be nun ansans nan sran kun fɛ i liɛ'n blɛ Anannganman. Ɔ su sufuɛ sran ya nnyɔn sran ablenun'm be `fa be liɛ kunngun'n be bla. Aarɔn nin wɔ kusu an `fa amun liɛ mun blɛ Anannganman wie.»

2 Timote 2:14

Kan ndɛ nga mun kle be kwlaa, kan flan nun. Nyanmiɛn ti ɔ lalofuɛ, srɛ be kpa kɛ be `yaci ndɛ'm be su utre dilɛ'n b'ɔ yo-man like fi ye'n, b'ɔ saci be bɔ be ti'n.

1 Samiɛl 12:3

Min yɛ n wo yɛ, Anannganman ɔ nin famiɛn b'ɔ sieli'n be ti min lalofuɛ. Amun `kan sa nga n yoli'n, sɛ n fali sran wie nannin-ɔn, ɔ `kan. Sɛ n fali sran wie i aflunmun-ɔn, ɔ `kan. Sran nga n dili i lufle-ɔ, ɔ `kan. Sran nga n yoli i sa b'ɔ ti-man su-ɔ, ɔ `kan. Sran ng'ɔ mannin min like kɛ n fa nan sɛ ɔ yo sa tɛ-ɔ, n yo kɛ n wun-mɛn i sa'n, sɛ i sɔfuɛ o wa'n man ɔ kan. Like nga n fali'n b'ɔ ti-mɛn i su'n, amun `kan man n yi man amun.»

1 Samiɛl 12:7

Ɔ man amun `bla Anannganman i ja su man n kan sa kpakpa ng'ɔ yoli mannin amun nin amun nannan mun'n, bé nun ndɛ weiin-weiin n kle amun.