Kalɛ 16:14 - NYANMIƐN NDƐ'N 1998

¹⁴ Nanwlɛ, a fa-man ye a ba-man lika bɔ be yo like nun-ɔn ɔ yo ye'n nun, a man-man e fie nin vinyi. ?A bu i kɛ wuun e ti anyansifuɛ mun ti-ɔ? E kɔ-man lika fi.»

Kalɛ 16:14 ပူးပေါင်းရင်းမြစ်များ

Ezipt Lɔ Tulɛ'n 22:5

Sɛ sran kun wɔ susrɛ kun nun'n, nan sin'n ko tɔ ble kwle'm be nun, annzɛ ble nga be nian kpɛ-man, annzɛ ble nga b'a cici i sɔlɛ-sɔlɛ'n be nun'n, ɔ fata kɛ i sɔfuɛ'n tuɛ i kalɛ man sran ng'ɔ lɛ fie sɔ'n.

Ezipt Lɔ Tulɛ'n 23:10

«Fa afuɛ nsiɛn lua asiɛ'n su ninnge nan ti be su mma.

Ezipt Lɔ Tulɛ'n 23:11

Sanngɛ afuɛ'n i nso'n su'n, yaci asiɛ'n lɛ man ɔ de wunmiɛn kpa. Ɔ nvle'n nun yalɛfuɛ'm be ´nyan like nun be fa ta bé wun, yɛ blo nnɛn'm be kusu be ´di ng'ɔ ka lɛ'n. Yo ɔ vinyi nin ɔ olivie'm be sɔ wie.

Ezipt Lɔ Tulɛ'n 3:17

I sɔ'n ti, i waan ɔ ´de amun Eziptfuɛ sɔ'm bɔ be kle amun nyrɛnnɛn'n bé sa nun, nan ɔ ´fa amun kɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be mɛn liɛ'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman.›

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Saun Yolɛ 20:24

I sɔ'n ti yɛ n seli amun kɛ: Be asiɛ nga be o su lɔ'n, ɔ ti amun liɛ nan min yɛ n fa n wlali amún sa nun nin-ɔn. Asiɛ sɔ'n ɔ yo like ye kpa. I kunngba'n, ɔ ti nnɛn tawlɛ klanman. Min yɛ n ti Anannganman amun Nyanmiɛn nin-ɔn. Min yɛ man amun nin nvle kun nga mun b'a sanngan-man nin-ɔn.

Kalɛ 13:27

Ndɛ nga be kan kleli Moiz'n yɛ: «E ɔli lele e juli mɛn nga a sunmannin e lɔ'n i nun lɔ kpɔ. Nanwlɛ o, ɔ ti mɛn kun bɔ lɔ asiɛ'n ɔ yo like ye kpa sakpa, i kunngba'n ti nnɛn tawlɛ klanman. Lɔ waka mma'n wie yɛ.

Kalɛ 14:8

Sɛ Anannganman jran é sin-ɔn, ɔ ´fa e kɔ mɛn sɔ'n nun lɔ yɛ ɔ ´fa man ye. Mɛn sɔ'n, i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Kalɛ 20:5

?Nzu ti yɛ amun fali ye Ezipt lɔ bali lika tɛ kain nga nun wa-a? Be kwla lua-man like wa, be nyan-man figie wa, be nyan-man vinyi, ɔ nin grenadie wa. Be nyan-man nzue bɔbɔ be nɔn-mɛn wa.»

Jɔlɛ Difuɛ Mun 16:21

Filistifuɛ'm be trɛli i, be boboli i nyinma nnyɔn'n, be fɛ i be ɔli Gaza. Be cili i nin aaba jrɔkɔ nnyɔn, yɛ be miɛnnin i kɛ ɔ kpɛ be bisua sua lɔ mannzin ng'ɔ si ble'n i wun.

1 Samiɛl 11:2

Amɔn famiɛn'n waan: «N tili, sanngɛ m ´bobo amun kwlaa amun nyinma fama'n nan y'a tra aenguɛ sɔ'n. N ´yo i sɔ n fa gua Izraɛl nvle nunfuɛ'm be kwlaa be nyin ase.»