Kalɛ 16:12 - NYANMIƐN NDƐ'N 1998

¹² Moiz yili sran kɛ be ko flɛ Datan nin Eliab i wa Abiram kɛ be bla. Sanngɛ be seli sran'n kɛ ɔ ko se Moiz kɛ: «E kɔ-man lika fi.

Kalɛ 16:12 ပူးပေါင်းရင်းမြစ်များ

Nyanndra Mun 29:9

Sɛ ngwlɛlɛfuɛ kun nin sinnglinfuɛ kun be nyan akplowa silɛ'n, man ngwlɛlɛfuɛ'n ɔ fa ya sɛ annzɛ kusu man ɔ sri sɛ, nán kɛ be wa ti bé wun aniɛn ti-ɔ.

Ezai 3:5

Nvle sɔ nun'n, nga ´jaso ɔ ´yo i wiengu sa, nga ´jaso ɔ ´yo i wiengu sa. Gbanflɛn'n ɔ ´yo kpɛnngbɛn'n i like kekle. Sran finfinfuɛ'n ɔ ´jaso sran kpa'n i wun.

Kalɛ 16:1

Zizear i wa Kɔre b'ɔ ti Levifuɛ, b'ɔ fin Keat akpasua'n su'n, ɔ suli Datan nin Abiram bɔ be ti Eliab i wa'n, ɔ nin Pelɛt i wa Ɔn bé bo kɛ be `jaso Moiz wun . Be nsan sɔ'm be fin Ribɛn akpasua'n su.

Kalɛ 16:11

Sa nga ti yɛ a nin ɔ minniɛn mun amun cicili Anannganman wun'n yɛ ɔ o lɛ-ɔ. ?Afin waan yɛlɛ Aarɔn bɔ amun kɛn i ndɛ tɛtɛ nin-ɔn?»

Kalɛ 16:13

A fa e jasoli mɛn kun bɔ i asiɛ'n ɔ yo like ye kpa, bɔ i kunngba'n ɔ ti nnɛn tawlɛ klanman'n i nun. A fali e bali kɛ e wa wu aawlɛ flɛnnɛn nga nun wa. Ɔ nyin a yi-mɛn i sɔ liɛ bɔ a yoli'n, kpɛkuun ɔ waan a ´tran é su kpɛnngbɛn a ´uka su ekun.

Jude 1:8

Ndɛkɛn sran sɔ'm be si sɔ, sanngɛ be bu akunndan tɛtɛ'n lele be saci, be bu-man Nyanmiɛn like fi, yɛ be kpɛ nyanmiɛn su lɔ sran nga be lɛ nyrun'n be nzowa.