Kalɛ 15:5 - NYANMIƐN NDƐ'N 1998

⁵ Yɛ be `fa nzan litri kun nin sin be `fa sie i bua nga ɔ'a kpɛ cro b'ɔ ti tɛ nga be yrɛ i nnɛn'n kɔlikɔli'n annzɛ b'ɔ ti bo kun yolɛ i su tɛ'n su.

Kalɛ 15:5 ပူးပေါင်းရင်းမြစ်များ

2 Be Nyoliɛ 29:35

Ng'ɔ o su ekun'n, tɛ nga be yra be nnɛn'n kɔlikɔli'n be sɔnnin dan kusu ɔ fata kɛ be gua tɛ sɔ'n be kwlaa be ti nzan ase. I sin'n, ɔ fata kɛ be fa nnɛn'm be luilui lika'n be yi bo kun yolɛ'n i su tɛ mun. Kɛ be mannin Anannganman i sulɛ bɔ be su i i sua'n nun lɔ'n i su kɛ ng'ɔ o lɛ'n sa.

Ɛsdras 7:17

Fɛ i sɔ sika liɛ'n to nannin tola mun, nin bua nene mun, nin bua nga b'a kpɛ cro'n, nin be su cɛlɛ, ɔ nin be su nzan nga be guɛ i ase'n! Fɛ i kwlakwla sɔ'n yi tɛ amun Nyanmiɛn'n i sɔwlɛ ng'ɔ o Zerizalɛm lɛ'n su.

Jue Mun 116:13

M ´man bé ti nyanlɛ klowa'n su, yɛ n ´kpan flɛ Anannganman.

Ezipt Lɔ Tulɛ'n 29:40

Kɛ be ´fa nglɛmun nun bua liɛ'n be ´kɔ yi tɛ'n, man be fa ble sanmlɛn kilo nsan. Man be bo sanmlɛn'n nin olivie ngo litri kun nin sin. Man be fa nzan litri kun nin sin. Ɔ ti ase gualɛ liɛ.

Ngɔjue Fɛfɛ Kpa'n 1:4

Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Saun Yolɛ 1:10

Sɛ sran kun waan ɔ ´fa bua, wie kusu-ɔ, ɔ ´fa boli yi tɛ nga be yrɛ i nnɛn'n kɔlikɔli'n, man nnɛn sɔ'n yo yasua, yɛ nán man lɛ trɛn i wun.

Saun Yolɛ 23:13

Amun `sie su ble sanmlɛn mlɛnnɛnnɛn kpa'n i kilo nsiɛn, nán be `fɔtɔ i nin ngo. I sɔ like liɛ'n, man be yrɛ i, afin ɔ bɔn min bue nun fannin fannin. Man be sie su nzan litri kun nin sin.

Saun Yolɛ 3:6

Sɛ bua o annzɛ boli o yɛ sran kun waan ɔ ´fa yi i sɔ tɛ man min'n, nnɛn ng'ɔ ´fa'n, sɛ bla o, sɛ yasua o, nán man lɛ trɛn i wun.

Saun Yolɛ 3:7

Sɛ ɔ ti bua bɔ ɔ'a kpɛ cro yɛ ɔ fa'n, man ɔ fa bla min nyrun lɔ ko `kle min.

Zakari 9:17

I lika sɔ'n i kpa ng'ɔ wa yo'n, yɛ i klanman ng'ɔ wa yo'n, ɔ lɛ-man wunsu. Gbanflɛn'm be wa di ble'n be ´nyin, yɛ talua'm be wa nɔn vinyi nzue lɔflɛ'n be ´nyin wie kusu.

Kalɛ 15:11

Blɛ kwlaa nga bɔ sɛ be ´fa nannin o, sɛ bua nene o, sɛ bua bɔ ɔ'a kpɛ cro o, annzɛ boli bɔ ɔ'a kpɛ cro o, be ´fa yi tɛ be ´man min'n, kɛ be `yo i sɔ-ɔ.

Kalɛ 15:6

Sɛ kusu bua nene kun yɛ be ´fa blɛ min'n, man be sunnzun ble sanmlɛn mlɛnnɛnnɛn kpa kilo nsiɛn, be `fɔtɔ i nin ngo litri nnyɔn, nan be ´fa `sie su.

Kalɛ 28:14

Nzan nga be guɛ ase'n kusu, litri nsan yɛ be `fa sie i nannin tola kun su-ɔ, litri nnyɔn yɛ be `fa sie i bua nene kun su-ɔ, yɛ litri kun yɛ be `fa sie i bua nga ɔ'a kpɛ cro'n kun su-ɔ. Kɛ amun wlu anglo uflɛ kwlaa nun'n, tɛ ng'ɔ fata kɛ amun yi'n yɛ ɔ o lɛ-ɔ. Amun `yi i sɔ afuɛ nuan kun nun anglo'n kwlaa nun.

Kalɛ 28:7

Man be fa nzan litri kun nin sin be `uka bua bɔ ɔ'a kpɛ cro nga be fa yi nglɛmun nun tɛ'n i su. Nzan sɔ'n, man be guɛ i ase man min, be guɛ i ase min lika kpa i nun.

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.

2 Timote 4:6

N liɛ'n, m'an kaci kɛ nzan bɔ be fa gua man Nyanmiɛn'n sa, n kɔlɛ'n ɔ'a ju.

Jɔlɛ Difuɛ Mun 9:13

Vinyi waka'n seli be kɛ: ‹?N `yaci min nzan b'ɔ man amuɛn mun nin sran'm be klun jɔ nan n `ko wlan-wlan waka'm bé su?›