Kalɛ 15:40 - NYANMIƐN NDƐ'N 1998

⁴⁰ An `bu min mmla'm bé su falɛ'n i akunndan, i sɔ'n yɛ ɔ kle kɛ amun ti min liɛ-ɔ.

Kalɛ 15:40 ပူးပေါင်းရင်းမြစ်များ

Jue Mun 103:18

Sɛ sakpa be nian aenguɛ ng'ɔ nin be trali'n su be yo i su sa'n, yɛ sɛ be fa mmla ng'ɔ fa sie be nyrun'n sie be klun nan be fa su'n, ɔ yo i sɔ sa mun man be.

Saun Yolɛ 19:2

ɔ `kan ndɛ yɛ mun kle Izraɛlfuɛ mun. I waan: «Min yɛ n ti Anannganman amun Nyanmiɛn nin-ɔn. Man amun nzuɛn'n ɔ fa min liɛ'n. Afin min nzuɛn liɛ'n nin klɔ sran liɛ'n ti-man kun .

Saun Yolɛ 22:31

Min mmla nga n fa be mannin amun lɛ'n, amun `nian bé su kpa. Min yɛ n ti Anannganman nin-ɔn.

Kalɛ 15:41

Min yɛ n ti Anannganman amun Nyanmiɛn nin-ɔn. N fali amun Ezipt lɔ m bali kɛ n ´yo amun Nyanmiɛn. Min yɛ n ti Anannganman amun Nyanmiɛn nin-ɔn.»

Rɔmfuɛ Mun 12:1

Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Kolɔsfuɛ Mun 1:2

e ´klɛ fluwa nga blɛ amun bɔ an ti Nyanmiɛn sran kpa bɔ an ti e niaan, sran wunmuan bɔ e nin Krist ti'n ti, bɔ an wo Kolɔs lɔ'n. Man e Si Nyanmiɛn man an nyan ye, yɛ man amún wun jɔ amun fɔuun!

1 Tɛsalonikfuɛ Mun 4:7

Afin Nyanmiɛn a flɛ-man e kɛ e yo sa tɛtɛ, sanngɛ ɔ flɛli e kɛ e yo i liɛ mlɔnmlɔn.