Kalɛ 15:4 - NYANMIƐN NDƐ'N 1998

⁴ Sran ng'ɔ ´fa nnɛn'n blɛ min'n, ɔ `sie su ble sanmlɛn mlɛnnɛnnɛn kpa'n i sɔ kilo nsan annzɛ like ng'ɔ ti kɛ ble sa'n bɔ be fa yi sraka'n, ɔ `fa ngo litri kun nin sin fa fɔtɔ ble'n.

Kalɛ 15:4 ပူးပေါင်းရင်းမြစ်များ

Ɛsdras 7:17

Fɛ i sɔ sika liɛ'n to nannin tola mun, nin bua nene mun, nin bua nga b'a kpɛ cro'n, nin be su cɛlɛ, ɔ nin be su nzan nga be guɛ i ase'n! Fɛ i kwlakwla sɔ'n yi tɛ amun Nyanmiɛn'n i sɔwlɛ ng'ɔ o Zerizalɛm lɛ'n su.

Ezipt Lɔ Tulɛ'n 29:40

Kɛ be ´fa nglɛmun nun bua liɛ'n be ´kɔ yi tɛ'n, man be fa ble sanmlɛn kilo nsan. Man be bo sanmlɛn'n nin olivie ngo litri kun nin sin. Man be fa nzan litri kun nin sin. Ɔ ti ase gualɛ liɛ.

Ezai 66:20

Sran sɔ'm bɔ n ´sunman be'n, be ´fa amun niaan bɔ be o nvle-nvle'm be kwlaa be nun lɔ mun ´ba: be ´ba nnɛn kpanngɔ'm bé su, nin kakaklolo'm bé su, nin kakaklolo bɔ be kata bé su'm be su, nin milɛ'm bé su, ɔ nin nyɔnngɔnmɛn'm bé su. Be ´fa be ba lele ´ju min oka'n su Zerizalɛm wa. Ɔ ´yo kɛ be sraka liɛ yɛ be su yi be man min sa. N ´sɔ nun kɛ Izraɛlfuɛ'm be sraka ninnge'm bɔ be guɛ i like saun nun be fa blɛ min min sua'n nun lɔ'n sa.» Anannganman yɛ ɔ se sɔ-ɔ.

Ezekiɛl 46:14

Nglɛmun kwlaa be `fa ble sanmlɛn kilo nnun nan be fa ngo litri nnyɔn be fɔtɔ i be man Anannganman. I sɔ mmla liɛ'n, ɔ ´yo adudua, yɛ be ´yo i sɔ tititi.

Saun Yolɛ 1:13

Nnɛn'n i klun ninnge'n nin i ja mun, man sran'n ɔ salo bé wun yɛiin, nan min nyrun jranfuɛ'n ɔ `man su kle min nan ɔ'a yrɛ i ngba'n sin nga be trɔli i min sɔwlɛ'n su'n i su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 14:10

I le mɔcuɛ'n su'n, ɔ `fa bua bɔ b'a kpɛ cro'n i sɔ'n nnyɔn, ɔ nin bua ba bla kun bɔ ɔ'a nyan afuɛ kun'n, sanngɛ nán lɛ kaan sa tran bé wun, nan ɔ `fa ble sanmlɛn mlɛnnɛnnɛn kpa'n i kilo ngwlan, ɔ sɛnngɛn i nin ngo, yɛ ɔ fa ngo litri sin kun.

Saun Yolɛ 2:1

«Sɛ sran kun waan ɔ ´fa ble annzɛ like ng'ɔ ti kɛ ble sa ´fa yi sraka'n ´man min'n, ɔ `fa ble sanmlɛn mlɛnnɛnnɛn kpa'n, ɔ `gua su ngo nan ɔ `fa ansans sie su,

Saun Yolɛ 2:15

amun `dun mmua be `fa ngo be guagua su yɛ amun `fa ansans be sie su. Ble annzɛ like ng'ɔ ti kɛ ble sa bɔ be fa man min'n, i wie yɛ ɔ o lɛ-ɔ.

Saun Yolɛ 23:13

Amun `sie su ble sanmlɛn mlɛnnɛnnɛn kpa'n i kilo nsiɛn, nán be `fɔtɔ i nin ngo. I sɔ like liɛ'n, man be yrɛ i, afin ɔ bɔn min bue nun fannin fannin. Man be sie su nzan litri kun nin sin.

Saun Yolɛ 3:7

Sɛ ɔ ti bua bɔ ɔ'a kpɛ cro yɛ ɔ fa'n, man ɔ fa bla min nyrun lɔ ko `kle min.

Saun Yolɛ 6:14

I sɔ ble sanmlɛn mlɛnnɛnnɛn kpa liɛ'n, kɛ be ´bo'n, be `gua nun ngo, kpɛkuun be `kɛɛn i tɔlɛ'n puali nun. Kɛ be ko kɛɛn bɔ ɔ'a wie'n, be `bubu nun nan b'a fa man min. Ɔ bɔn min bue nun fannin.

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Kalɛ 28:12

Kɛ be man nnɛn kun'n, man be fa ble sanmlɛn mlɛnnɛnnɛn kpa nga be fa ngo be fɔtɔli i'n be sie su, nannin tola kun liɛ'n ti kilo mɔcuɛ, bua nene kun liɛ'n ti kilo nsiɛn.

Kalɛ 28:4

Man be fa bua bɔ ɔ'a kpɛ cro klikli'n be yi tɛ nglɛmun, yɛ i nnyɔn su'n, be `fa yi tɛ nnɔsua.

Kalɛ 29:6

Man be yi tɛ sɔ'n be fa uka tɛ ng'ɔ o yɛ'n bé su: anglo kwlaa i cɛn klikli'n su tɛ'n bɔ be yrɛ i nnɛn'n kɔlikɔli'n, nin tɛ nga be yi i cɛn kwlakwla'n, ɔ nin bé su ble sanmlɛn mlɛnnɛnnɛn kpa bɔ ngo yɛ be fa fɔtɔli'n, yɛ be `su nzan nga be kleli bɔ be guɛ i ase'n. Tɛ sɔ'm be ti tɛ bɔ be yra be nnɛn'n kɔlikɔli'n bɔ be bɔn min bue nun fannin.»

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Hébreu 13:16

Nán an yaci sa kpa nin sran ye yolɛ'n, afin i sɔ like'n yɛ be yo-ɔ ɔ jɔ Nyanmiɛn klun-ɔn.

Jɔlɛ Difuɛ Mun 9:9

Olivie waan: ‹?Min mma bɔ be yi i ngo be fa manman Nyanmiɛn nin sran mun'n, n `yaci i sulɛ nan n ko wlan-wlan waka'm be ti su nglo sa ngbɛn?›