Kalɛ 15:31 - NYANMIƐN NDƐ'N 1998

³¹ Kɛ b'ɔ yoli min ndɛ'n i finfin b'ɔ fɔnnin min mmla'n, i sɔ ti yɛ be `kɛn i bo-ɔ. I bɔbɔ yɛ ɔ ´fɛ i sa tɛ'n i su afɛ nin-ɔn.»

Kalɛ 15:31 ပူးပေါင်းရင်းမြစ်များ

2 Samiɛl 12:9

?Yɛ ɔ yo sɛ ti yɛ a yoli min ndɛ'm be finfin, bɔ a yoli sa nga n klo-mɛn i nin-ɔn? A kunnin Iri b'ɔ ti Ɛtfuɛ'n. A yoli man Amɔnfuɛ'm be kunnin i alɛ'n nun, kpɛkuun a fɛli i yi'n yoli ɔ liɛ .

Jue Mun 107:11

Be yoli nyin kekle, b'a fa-man Nyanmiɛn i ndɛ b'ɔ kannin'n be su. Nyanmiɛn b'ɔ like fi nun-mɛn i sin'n, ɔ mannin be afɔtuɛ b'a fa-man.

Jue Mun 119:126

Anannganman, ɔ mmla'n yɛ be ´fɔn i lɛ, nga a ´ko yo'n, yo.

Jue Mun 38:4

Ɔ ya dan'n i su like bɔ a yoli min'n ti, min wunnɛn'n i lika fi ti-man klonglo. Sɛ n ´kwla se'n, min sa tɛ bɔ n yoli'n ti, min owie'n kwlaa ti bubuwa.

Ezipt Lɔ Tulɛ'n 30:33

Sɛ sran kun nian ngo nga su sɛnngɛn i liɛ'n nan ɔ fa gua sran ngbɛn wie su'n, be `kɛn i bo i nvlefuɛ'm be afiɛn.› »

Nyanndra Mun 13:13

Sran nga be kan ndɛ kle i-ɔ ɔ kpa su'n, ɔ bo kalɛ. Sran nga kusu bɔ be kpɛn i su-ɔ ɔ kpiti'n, ɔ nyan su muae.

Ezai 30:12

Amun `nian, Izraɛl Nyanmiɛn'n wan yoo: «Kɛ bɔ amun fa-man ndɛ nga n kan kle amun'n su'n, bɔ amun fa amún wla guɛ i akpo bolɛ nin gblɛgblɛ ninnge'm be su'n,

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Ezekiɛl 18:20

Sran ng'ɔ yo sa tɛ'n, i yɛ ɔ ´wu-ɔ. Ba'm be su tannin-man bé si'm be sa tɛ'n i ti kalɛ. Yɛ siɛ'm be su tua-man be mma'm bé sa tɛ'n i ti kalɛ. Sran ng'ɔ yo sa kpa'n, be ´tuɛ i sa kpa sɔ'n i ti kalɛ be mɛn i. Sran ng'ɔ yo sa tɛ'n, be ´tuɛ i sa tɛ'n i ti kalɛ be mɛn i.»

Saun Yolɛ 26:15

aenguɛ nga e nin amun e trali'n, sɛ amun waan amun di-man i mmla'n su kun'n, yɛ min mmla fanunfanun nga m mannin amun'n, sɛ amun kaci amun sin si be'n,

Saun Yolɛ 26:43

I blɛ nga be fa ´tran lɔ'n, be mɛn liɛ nga be jasoli nun'n kusu ɔ ´fa de wunmiɛn. I sɔ blɛ liɛ nun'n, n ´kle be nyrɛnnɛn, afin min mmla nga n kleli be'n, be kacili bé sin be sili be, yɛ ndɛ nga n kan kleli be'n, b'a fa-man bé su.

Saun Yolɛ 5:1

«Sɛ sa wie tɔ bɔ be wun-mɛn i wun lalofuɛ'n, sɛ be bo ndolo sin klɔ'n nun kɛ be le lalofuɛ awuliɛ kpongbogbo'n, sran ng'ɔ wunnin i sɔ sa'n nun bɔ ɔ'a ba-man'n, i sɔfuɛ'n, sa tɛ sɔ'n i trɔ'n kwlakwla jin i ti su.

Kalɛ 9:13

Sɛ sran kun ti saun'n, sɛ kusu ɔ'a ɔ-man lika nan i waan ɔ di-man Delɛ-cɛn'n wie'n, man be tu i min nvlefuɛ'm be afiɛn, kɛ bɔ sran sɔ'n ɔ'a yi-mɛn i cɛlɛ ninnge nga be kleli i blɛ kɛ be `yi'n ti'n, ɔ wa sua i tɛ trɔ'n.

Mmla'n 17:12

Ndɛ nga Nyanmiɛn nyrun jranfuɛ b'ɔ di junman Anannganman amun Nyanmiɛn'n i sua'n nun'n annzɛ jɔlɛ difuɛ'n be kan'n, sɛ wun tufuɛ wie fa-man su'n, man be kun i sɔfuɛ'n. Amun `yi sa tɛ'n Izraɛl mɛn'n nun kɛ ng'ɔ o lɛ'n sa.

1 Tɛsalonikfuɛ Mun 4:8

I sɔ'n ti, sran ng'ɔ fa-man ndɛ sɔ su'n, nán sran yɛ ɔ'a bu-mɛn i sran-an, Nyanmiɛn b'ɔ fɛli i Wawɛ'n mannin amun'n yɛ ɔ'a bu-mɛn i sran-an.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

2 Piɛr 2:21

Sɛ b'a wun-man atin ng'ɔ ti kpa'n, ɔ ti kpa tra kɛ be wunnin i bɔ be yaci Nyanmiɛn mmla'n b'ɔ fa mannin be'n.

1 Samiɛl 3:14

I sɔ'n ti, n fua kleli i awlofuɛ'm be kɛ fɔnlɛ nga Eli i awlofuɛ'm be fɔnnin min wun'n, kannzɛ man be yi tɛ o, annzɛ man be cɛ min like o, n su yaci cɛ-man be le.»