Kalɛ 15:3 - NYANMIƐN NDƐ'N 1998

³ amun `yi tɛ bɔ be yra be nnɛn'n kɔlikɔli'n, annzɛ bo kun yolɛ'n i su tɛ mun be man min. Man tɛ sɔ'm be yo kɛ sran wie tali min nda wie yɛ ɔ su yi i su tɛ-ɔ, annzɛ man be yo amun klun klo tɛ, annzɛ amun cɛn dilɛ wie su tɛ. Man i sɔ tɛ liɛ nga amun ´yi be man min'n be yo nannin, annzɛ bua, annzɛ boli, ɔ bɔn min bue nun fannin.

Kalɛ 15:3 ပူးပေါင်းရင်းမြစ်များ

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Ɛsdras 7:17

Fɛ i sɔ sika liɛ'n to nannin tola mun, nin bua nene mun, nin bua nga b'a kpɛ cro'n, nin be su cɛlɛ, ɔ nin be su nzan nga be guɛ i ase'n! Fɛ i kwlakwla sɔ'n yi tɛ amun Nyanmiɛn'n i sɔwlɛ ng'ɔ o Zerizalɛm lɛ'n su.

Jue Mun 54:6

Sanngɛ Nyanmiɛn ´uka min, ɔ ´suan min bo.

Ezipt Lɔ Tulɛ'n 29:18

Yra nnɛn wunmuan'n min sɔwlɛ'n su. Ɔ ti tɛ kun b'ɔ be yrɛ i nnɛn'n kɔlikɔli'n b'ɔ bɔn fannin min Anannganman min bue nun .

Ezipt Lɔ Tulɛ'n 29:25

I sin fa ninnge sɔ mun bé sa nun, nan yra be min sɔwlɛ su. Yra be nin tɛ nnɛn nga be yrɛ i kɔlikɔli'n. Ɔ ti tɛ kun bɔ be yrɛ i nnɛn'n kɔlikɔli min nyrun, b'ɔ bɔn fannin min Anannganman min bue nun.

Ezipt Lɔ Tulɛ'n 29:41

Kɛ be ´fa nnɔsua nun bua liɛ be ´kɔ tɛ'n i yilɛ'n, man be fa like nga be fa man'n, ɔ nin nzan, kɛ be fa yoli i nglɛmun nun'n sa. Man be yra tɛ sɔ'n, ɔ ´bɔn min bue nun fannin.

Saun Yolɛ 10:13

San kan Anannganman o lɛ'n, lɛ yɛ amun kwla di be-ɔ. Mmla nga Anannganman fa mannin min'n kɛ ɔ kɛnnin i nun sɔ-ɔ.» I waan: «Ninnge nga be fa blɛ i Anannganman'n i onga sɔ'n, ɔ ti wɔ Aarɔn, a nin ɔ mma mun amun liɛ.

Saun Yolɛ 27:2

ɔ `kan ndɛ yɛ mun kle Izraɛlfuɛ mun. I waan: «Sɛ sran kun jran su kɛ ɔ ´fa sran man min'n, yɛ sɛ i sin ɔ bu akunndan kɛ ɔ ´fa sika sin sran sɔ'n i osu'n, man ɔ yo.

Saun Yolɛ 7:16

Sɛ sran kun yi i klun klo bo kun yolɛ i su tɛ man min'n, sɛ wie kusu-ɔ, ɔ tali min nda wie yɛ ɔ yi su tɛ man min'n, tɛ sɔ'm be nnɛn'n, be `di i bue kun cɛn kunngba nga be yili tɛ'n i nun'n, kpɛkuun kɛ i aliɛ'n cɛn'n, be `di i bue kun ng'ɔ ka lɛ'n ekun.

Kalɛ 28:27

Amun `fa nannin tola nga b'a kpɛ cro'n sɔ nnyɔn, nin bua nene kun, ɔ nin bua nga b'a kpɛ cro'n bɔ b'a di afuɛ kun'n, i sɔ nso, amun `fa yi tɛ nga be yrɛ i nnɛn'n kɔlikɔli'n b'ɔ bɔn min bue nun fannin'n.

Kalɛ 29:8

Amun `fa nannin tola nga b'a kpɛ cro'n sɔ kun, nin bua nene kun, ɔ nin bua nga b'a kpɛ cro'n sɔ nso bɔ b'a di afuɛ kun'n, nán lɛ fi tran nnɛn sɔ'm bé wun.

Kalɛ 6:15

Ɔ `fa gbogbo, ɔ `gua nun kpaun nga bɔ b'a gua-man nun kpaun ayre'n, bɔ be kɛɛnnin i ngo nun'n, ɔ nin kpaun paplapa nga bɔ b'a gua-man nun kpaun ayre'n bɔ b'a gua su ngo'n, ɔ nin ble sanmlɛn mlɛnnɛnnɛn kpa'n b'ɔ ti like cɛlɛ liɛ'n, yɛ nzan ng'ɔ uka tɛ nnɛn'm bé su'n, ɔ `fa blɛ min ekun.

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

2 Korɛntfuɛ Mun 2:15

Afin e ti kɛ parfɛn bɔ Krist fa man Nyanmiɛn'n sa, e ti sɔ be nga be su fite nun'n nin be nga be su mlin'n be nyrun.

2 Korɛntfuɛ Mun 2:16

Be nga be su mlin'n be liɛ'n ɔ ti kɛ duwlɛ kpukpuwa sa, ɔ kun sran, yɛ be nga be su fite nun'n be liɛ'n ɔ ti like kpa, ɔ man be nyan nguan. ?Wan yɛ ɔ kwla di i sɔ junman nin-ɔn?

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:17

Nán amun tran amun klɔ'm be su be di amun ble'm be blusu mun nin amun ngo'm be blusu mun. Nán amun tran lɔ be nɔn amun nzan lɔflɛ'm be blusu mun. Amun nannin mun, nin amun bua mun, ɔ nin amun boli'm be mma klikli mun, nán amun tran lɔ kun be di. Nda nga amun ta Anannganman'n i nuan ninnge mun, nin amun klun klo sraka mun, ɔ nin amun fie'n su ninnge klikli mun, nán amun tran lɔ di be.

Mmla'n 12:6

Amún tɛ nga be yra be nnɛn'n kɔlikɔli'n, nin amun sraka mun, nin amun blusu mun, nin amun fie su ninnge klikli mun, nin nda talɛ nuan ninnge mun, nin amun klun klo ninnge nga amun ´fa man'n, ɔ nin amun nannin mun, nin amun bua mun, nin amun boli mun nnɛn sɔ'm be talua ba mun, lɛ yɛ amun `fa be bla-a.

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .