Kalɛ 15:24 - NYANMIƐN NDƐ'N 1998

²⁴ sɛ nán amun nyinfu yɛ amun yoli sa sɔ'n, amun kwlaa amún bo `yo kun, amun `man min nannin tola kun, amun `fa yi tɛ nga be yrɛ i nnɛn'n kɔlikɔli'n b'ɔ bɔn min bue nun fannin'n.

Kalɛ 15:24 ပူးပေါင်းရင်းမြစ်များ

Ɛsdras 6:17

Sua'n i nglo yilɛ sɔ nun'n, be kunnin nannin tola ya, bua nene ya nnyɔn'n, bua nga b'a kpɛ cro ya nnan. Yɛ kɛ Izraɛlfuɛ'm be akpasua i nuan'n fa ti'n, be niannin su be kunnin boli blu-nin-nnyɔn bé fa yili Izraɛlfuɛ'm be wunmuan be ti tɛ.

Ɛsdras 8:35

Izraɛlfuɛ nga be trali be lomuɛn bɔ be sali be sin'n, be yili tɛ mun be mannin Izraɛl Nyanmiɛn'n. Izraɛl wunmuan'n i dunman nun, be mannin nannin tola blu-nin-nnyɔn, nin bua nene ablangwlan-nin-nsiɛn, nin bua nga b'a kpɛ cro'n ableso-nin-nso, be fa yili tɛ nga be yrɛ i nnɛn kɔlikɔli'n. Be mannin boli kpakpuɛ blu-nin-nnyɔn, be fa yili Nyanmiɛn i kpatalɛ tɛ. Nnɛn sɔ'n kwlakwla be yrali be nnɛn kɔlikɔli be mannin Anannganman.

Saun Yolɛ 23:19

Amun `fa boli yasua kun be `yi min kpatalɛ tɛ'n. Bua ba nga be lɛ afuɛ kunngun'n, be `fa nnyɔn be `yi bo kun yolɛ i su tɛ'n.

Saun Yolɛ 4:2

ɔ `kan ndɛ ng'ɔ yɛ'n kle Izraɛlfuɛ mun. I waan: «Like nga min mmla'n tannin kɛ nán be yo i mlɔnmlɔn'n, bɔ sran kun ɔ'a sunnzun-man kɛ ɔ ´yo i sɔ sa'n, bɔ ɔ'a yo'n, like ng'ɔ fata kɛ ɔ yo'n yɛ:

Saun Yolɛ 4:22

«Sɛ siefuɛ kun yɛ like nga min Anannganman b'ɔ n ti i Nyanmiɛn'n min mmla'n tannin kɛ nán be yo i mlɔnmlɔn'n, b'ɔ sunnzun-man kɛ ɔ ´yo, kpɛkuun i sɔ sa liɛ'n ɔ'a yo'n, wuun ɔ'a yo sa tɛ.

Saun Yolɛ 4:23

Kɛ ɔ ko wun i kɛ ɔ'a yo sa tɛ'n, man ɔ fa boli kpakpuɛ kun yɛ ɔ `fa yi tɛ kpata min-ɔn. I sɔ nnɛn liɛ'n, nán man lɛ trɛn i wun.

Saun Yolɛ 5:15

«Sɛ sran kun ɔ'a sunnzun-man kɛ ɔ ´yo sa tɛ, kpɛkuun ninnge nga be fa mannin min'n i wie a kɛ i sa nun'n, like ng'ɔ fata kɛ ɔ yo'n yɛ: man ɔ fa bua nene kun blɛ min. Ɔ ti i nin min e afiɛn siesielɛ like. I sɔ nnɛn liɛ'n, nán lɛ kan sa trɛn i wun. N sua nun lɔ sika'n bɔ be di su'n, man bua nene'n sɔ'n i gua'n ɔ ju nun.

Saun Yolɛ 5:18

Man ɔ fa bua nene kun blɛ min nyrun jranfuɛ'n. I sɔ bua liɛ'n, nán lɛ kan sa trɛn i wun, yɛ kusu man n sua nun lɔ sika nga be di su'n, man bua nene sɔ'n i gua'n ɔ ju nun. Afiɛn siesielɛ tɛ-ɔ. Kɛ ɔ'a fa ba sɔ'n, man min nyrun jranfuɛ'n ɔ yo i yowlɛ nga be yo i titi'n su, kɛ ɔ ko yo sɔ'n, sa tɛ nga sran'n ´yo-ɔ ɔ'a si-man nun'n, n ´yaci n ´cɛ i.

Kalɛ 15:26

N ´yaci sran'm be kwlaa bé wun sa'n n ´cɛ be, i aofuɛ o, i ɔnvuɛ o, afin sran'm be kwlaa bé ti su ndɛ-ɔ.

Kalɛ 28:15

Man be fa boli kpakpuɛ kun be yi tɛ be fa kpata min. I li nun-man tɛ nga be yrɛ i titi'n nin nzan nga be guɛ i ase manndimaan'n be nun wie.»