Kalɛ 15:22 - NYANMIƐN NDƐ'N 1998

^22-23 «Mmla nga n fa mannin Moiz kɛ amun `di su'n, ɔ ti amun nin amun mma mun, ɔ nin amun anunman'm be liɛ. Sɛ kɛ ɔ fin i bo bolɛ nun nin o, sɛ kusu blɛ ng'ɔ ´ba lɔ nun nin o, sɛ sa wie fa amun ase nan amun fɔn mmla sɔ'n i wie nun likawlɛ'n,

Kalɛ 15:22 ပူးပေါင်းရင်းမြစ်များ

Jue Mun 19:12

Anannganman, min bɔ n ti ɔ sufuɛ'n, n nyan bé su ngwlɛlɛ. Sran ng'ɔ fa be su'n, ɔ nyan bé su mmlusuɛ.

Saun Yolɛ 4:2

ɔ `kan ndɛ ng'ɔ yɛ'n kle Izraɛlfuɛ mun. I waan: «Like nga min mmla'n tannin kɛ nán be yo i mlɔnmlɔn'n, bɔ sran kun ɔ'a sunnzun-man kɛ ɔ ´yo i sɔ sa'n, bɔ ɔ'a yo'n, like ng'ɔ fata kɛ ɔ yo'n yɛ:

Saun Yolɛ 4:22

«Sɛ siefuɛ kun yɛ like nga min Anannganman b'ɔ n ti i Nyanmiɛn'n min mmla'n tannin kɛ nán be yo i mlɔnmlɔn'n, b'ɔ sunnzun-man kɛ ɔ ´yo, kpɛkuun i sɔ sa liɛ'n ɔ'a yo'n, wuun ɔ'a yo sa tɛ.

Saun Yolɛ 4:27

«Sɛ klɔ'n su sran ngbɛn wie yɛ like nga min mmla'n tannin kɛ nán be yo, bɔ ɔ'a sunnzun-man kɛ ɔ ´yo i sɔ sa liɛ'n, kpɛkuun-ɔn ɔ'a yo'n, wuun ɔ'a yo sa tɛ.

Saun Yolɛ 5:13

Like ng'ɔ fata kɛ min nyrun jranfuɛ'n ɔ yo nan m'an yaci ngbata sefuɛ'n i wun sa m'an cɛ i'n yɛ ɔ o lɛ-ɔ. I sɔ like liɛ'n, min nyrun jranfuɛ'n `yo i kɛ nga be fa yo ble annzɛ like b'ɔ ti kɛ ble sa'n i su sa'n.»

Kalɛ 15:21

Amun `fa gato klikli nga an dun mmua kɛɛn'n fa man min. Ba nga be wa wu be'n, be ´di i sɔ mmla'n su wie.»

JÉSUS-CHRIST I DYASIN FE'N BO LUC KLELI'N 12:48

Sanngɛ sran ng'ɔ si-man nun nan ɔ yo sa wie b'ɔ nin fɔ tulɛ fata'n, be ´bo i kaan sa. Sran nga be mɛn i like kpanngban'n, sran sɔ'n yɛ be ´se i kɛ ɔ `fa kpanngban bla-a, yɛ nga bɔ be fa like kpanngban wlɛ i sa nun'n, be ´jran su kɛ ɔ fa kpanngban kpa bla .»