Kalɛ 15:21 - NYANMIƐN NDƐ'N 1998

²¹ Amun `fa gato klikli nga an dun mmua kɛɛn'n fa man min. Ba nga be wa wu be'n, be ´di i sɔ mmla'n su wie.»

Kalɛ 15:21 ပူးပေါင်းရင်းမြစ်များ

Neemi 10:38

E waan e ´man Nyanmiɛn nyrun jranfuɛ mun e sanmlɛn mlɛnnɛnnɛn kpa'n wie, ɔ nin e ndidiɛ ninnge nga be fa yi sraka'n be wie, ɔ nin e waka'm be kwlaa be mma'm be wie, ɔ nin nzan lɔflɛ'n, nin ngo'n wie. E ´fa kɔ e Nyanmiɛn i sua ba'm be nun lɔ. E fie'm be su blusu'n b'ɔ ti Levifuɛ'm be liɛ'n, e waan be bɔbɔ be `wlan-wlan klɔ'n kwlaa su be `fa e junman'n nuan like'm be blusu'n.

Ezipt Lɔ Tulɛ'n 23:19

Amun `fa amun fie'm bé su ninnge'm be mma klikli'n be fa bla min Anannganman mín sua'n nun. Nán amun fa boli'n i nin i nyɔnflɛn nzue fa tɔn i wa'n i nnɛn'n.»

Ezipt Lɔ Tulɛ'n 29:28

I sɔ'n ti, blɛ kwlaa nun'n, kɛ Izraɛlfuɛ'm be ´yi bo kun yolɛ i su tɛ'n, man be yi nnɛn i lika sɔ mun be fa man Aarɔn nin i osu'n nunfuɛ mun tititi, afin be ti be liɛ.

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Saun Yolɛ 23:14

Amun fie'n su ninnge mun'n, nán amun dun mmua di wie nan cɛn nga be ´fa ble sɔlɛ'n be ´blɛ min'n ɔ'a ju. Ninnge sɔ mun yɛlɛ nga be fa tɔn kpaun'n nin nga be kɛɛn'n, ɔ nin ble uflɛ-uflɛ'n. I sɔ mmla liɛ'n, kan kwlaa bɔ amun wo'n, amun `di bé su.»

Kalɛ 15:20

Amun ble sanmlɛn mlɛnnɛnnɛn kpa bɔ amun fɔtɔ be fa tɔn gato'n, i gato klikli'n, amun `fa yi sraka be man min. Ɔ ti kɛ ble mma klikli nga be fa yi sraka man min'n sa.

Kalɛ 15:22

«Mmla nga n fa mannin Moiz kɛ amun `di su'n, ɔ ti amun nin amun mma mun, ɔ nin amun anunman'm be liɛ. Sɛ kɛ ɔ fin i bo bolɛ nun nin o, sɛ kusu blɛ ng'ɔ ´ba lɔ nun nin o, sɛ sa wie fa amun ase nan amun fɔn mmla sɔ'n i wie nun likawlɛ'n,

Kalɛ 18:26

ɔ `kan kle Levifuɛ'm be kɛ: «Kɛ bɔ Izraɛlfuɛ'm be yi blusu'm be blɛ min bɔ n fa man amun'n, amun kusu amun `yi i su blusu'n be man min.