Kalɛ 15:20 - NYANMIƐN NDƐ'N 1998

²⁰ Amun ble sanmlɛn mlɛnnɛnnɛn kpa bɔ amun fɔtɔ be fa tɔn gato'n, i gato klikli'n, amun `fa yi sraka be man min. Ɔ ti kɛ ble mma klikli nga be fa yi sraka man min'n sa.

Kalɛ 15:20 ပူးပေါင်းရင်းမြစ်များ

Neemi 10:37

E waan e ´fa e talua ba yasua mun, ɔ nin e nnɛn'm be talua ba mun, e ´fa be ba kɛ ɔ ti klɛwa mmla'n nun'n sa. E ´fa be ba e Nyanmiɛn i sua'n nun, e ´fa be blɛ Nyanmiɛn nyrun jranfuɛ mun bɔ be di e Nyanmiɛn i sua'n nun junman'n. E ´fa e nannin mun nin e bua'm be talua ba mun e ba.

Ezipt Lɔ Tulɛ'n 23:19

Amun `fa amun fie'm bé su ninnge'm be mma klikli'n be fa bla min Anannganman mín sua'n nun. Nán amun fa boli'n i nin i nyɔnflɛn nzue fa tɔn i wa'n i nnɛn'n.»

Ezipt Lɔ Tulɛ'n 34:26

Amun `fa amun fie'm bé su lɔ ninnge'm be mma klikli mun fa blɛ min Anannganman bɔ n ti amun Nyanmiɛn'n. Amun `fa be blɛ min mín sua'n nun lɔ. Nán amun tɔn boli ba'n i nin i nyɔnflɛn nzue'n nun.»

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Saun Yolɛ 2:12

Fie su ninnge nga be nyɛn i'n, blɛ bɔ be ´fɛ i klikli'n be ´fa ko man min'n, i liɛ'n, be yrɛ-mɛn i wie kɛ be fa yra ninnge nga mun min sɔwlɛ'n su bɔ be bɔn min bue nun fannin'n sa.

Saun Yolɛ 2:14

Amun fie su ninnge klikli nga amun nyan be'n, bɔ amun ´fa ko man min'n, bɔ be ti kɛ ble sa'n, amun `kɛɛn wie yɛ amun `si wie. Kɛ amun ´fa ko man min'n,

Saun Yolɛ 23:10

ɔ `kan ndɛ yɛ mun kle Izraɛlfuɛ mun. I waan: «Mɛn nga n ´fa man amun kɛ amun ko tran nun'n, sɛ amun kɔ nan amun gua like kɛ ble sa nan ɔ ju i kpɛlɛ'n, i sɔlɛ klikli nga amun kpɛ'n, amun `fa ko man min nyrun jranfuɛ'n.

Saun Yolɛ 23:20

Kɛ be ´fa kpaun'm be ´man min'n, man min nyrun jranfuɛ'n ɔ fa nnɛn sɔ mun uka su. Nán man bua bɔ b'a kpɛ cro'm be ka siɛn. Man ɔ toto ninnge sɔ mun min nyrun. I sɔ ninnge liɛ'm be kwlakwla be ti min nyrun jranfuɛ'n i liɛ. Min liɛ yɛ n fa mannin i-ɔ.

Kalɛ 15:21

Amun `fa gato klikli nga an dun mmua kɛɛn'n fa man min. Ba nga be wa wu be'n, be ´di i sɔ mmla'n su wie.»

Kalɛ 18:12

Fie su ninnge klikli'n, n ´fa man amun: sɛ ngo o, sɛ nzan o, sɛ ble o, ninnge sɔ'm be klikli'n bɔ Izraɛlfuɛ'm be fa man min'n, n ´fa man amun.

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Rɔmfuɛ Mun 11:16

Kpaun bɔ be ´tɔn'n, sɛ be dun mmua kpɛ Nyanmiɛn liɛ'n, wuun i wunmuan'n kwlaa ti i liɛ, yɛ sɛ waka'n i bo'n ti Nyanmiɛn liɛ'n, wuun i sama'n ti i liɛ .

1 Korɛntfuɛ Mun 15:20

Ɔ ti-man sɔ mlɔnmlɔn, sanngɛ Nyanmiɛn cɛnnin Krist sakpa, ɔ man ɔ ti be nga be wu bɔ be ´cɛn'n be nun klikli.

Mmla'n 14:22

Afuɛ kwlakwla amun `yi amun fie su lɔ ninnge'm be blusu'n.

Mmla'n 14:23

Lika nga Anannganman amun Nyanmiɛn'n kle kɛ lɛ yɛ ɔ ´tran'n, amun `wɔ lɔ. Amun `ko di amun ble, nin amun nannin mun, nin amun bua mun, ɔ nin amun boli'm be mma klikli mun. Amun `ko nɔn amun nzan lɔflɛ'n nin amun ngo'n be blusu'n i nyrun lɔ. Kpɛkuun amun nyin `yi Anannganman amun Nyanmiɛn'n titi.

Mmla'n 16:13

Kɛ amun ko kpɛ amun ble nin amun ɔrz mun, bɔ amun ko wie amun vinyi mma nzue'n i cuɛn'n, amun `di kpata bo tranlɛ cɛn'n lele cɛn ba nso.

Jacques 1:18

I ndɛ nanwlɛ'n ti ɔ fa e kaci i wa i klun klo su nan y'a yo like ng'ɔ yili be'n be kwlaa be nun klikli.

Sa nglô yile 14:4

Sran sɔ mun yɛlɛ be nga b'a fɔnndɔn-man bé wun bla kunndɛlɛ nun'n, afin be niannin bé wun su kpa. Lika kwlaa nga Bua Gbanflɛn'n ´kɔ'n, be su i su. Be kpɔli bé ti sran'm be nun kɛ be `yo Nyanmiɛn nin Bua Gbanflɛn'n be sran'm be nun klikli.