Kalɛ 14:8 - NYANMIƐN NDƐ'N 1998

⁸ Sɛ Anannganman jran é sin-ɔn, ɔ ´fa e kɔ mɛn sɔ'n nun lɔ yɛ ɔ ´fa man ye. Mɛn sɔ'n, i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Kalɛ 14:8 ပူးပေါင်းရင်းမြစ်များ

2 Samiɛl 22:20

Ɔ yili min mianlɛ nun fiteli. Klolɛ b'ɔ klo min'n ti, ɔ deli min.

1 Famiɛn Mun 10:9

Anannganman ɔ Nyanmiɛn'n, bɔ ɔ́ wun yoli i fɛ b'ɔ kpali wɔ kɛ a yo Izraɛl famiɛn'n, n ´yo i mo. Anannganman i klolɛ ng'ɔ fa klo Izraɛlfuɛ mun'n, ɔ lɛ-man awieliɛ. I ti yɛ ɔ fali wɔ sieli famiɛn kɛ ɔ ´yo nan ɔ'a di sran'm be jɔlɛ kɛ ɔ fata sa'n ti.»

2 Famiɛn Mun 18:32

Cɛn nga m ba'n, n ´fa amun n ´kɔ mɛn kun b'ɔ ti kɛ amun liɛ sa'n nun. Mɛn sɔ'n i asiɛ'n ti kpa. Ble nga be fa yo kpaun'n, nin vinyi nga be fɛ i mma'n yi nzan'n, ɔ nin olivie nga be fɛ i mma'n yi ngo'n, ninnge sɔ'm be yo ye lɔ kpa. Awɛma nzue o lɔ ekun. Amun su wu-man, sanngɛ amun ´nyan nguan. I ti nán amun tie Ezekias b'ɔ kpɛ amun gblɛ'n i nuan ndɛ'n. Ɔ se amun kɛ: Anannganman ´de ye! Gblɛ yɛ ɔ kpɛ-ɔ!

Jue Mun 22:8

Be kwlaa nga be wun min'n, be fa min yiyi be nyin su, be keje bé ti'n sɛkɛsɛkɛ .

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Ezai 62:4

Be su flɛ-man wɔ kɛ klɔ Bɔ B'a Niɛn-mɛn i Nyrun Kun. Be su flɛ-mɛn ɔ mɛn'n kɛ Lika Srolo kun. Sanngɛ be ´flɛ wɔ kɛ Klɔ Bɔ i Wun Yo Min Fɛ'n. Be ´flɛ wɔ mɛn'n kɛ Bla Bɔ Lɛ Bian. Afin ɔ́ wun ´yo Anannganman i fɛ, yɛ sɛ n kwla ´se'n, wɔ asiɛ'n ɔ ´nyan bian.

Zeremi 32:41

Kɛ n ´di be nɛnnɛn'n, n ´di i nin aklunjuɛ. N ´tu n klun yo kwlaa nga n ko yo nan b'a taka kpa mɛn nga nun'n.› »

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Kalɛ 13:27

Ndɛ nga be kan kleli Moiz'n yɛ: «E ɔli lele e juli mɛn nga a sunmannin e lɔ'n i nun lɔ kpɔ. Nanwlɛ o, ɔ ti mɛn kun bɔ lɔ asiɛ'n ɔ yo like ye kpa sakpa, i kunngba'n ti nnɛn tawlɛ klanman. Lɔ waka mma'n wie yɛ.

Kalɛ 16:14

Nanwlɛ, a fa-man ye a ba-man lika bɔ be yo like nun-ɔn ɔ yo ye'n nun, a man-man e fie nin vinyi. ?A bu i kɛ wuun e ti anyansifuɛ mun ti-ɔ? E kɔ-man lika fi.»

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Mmla'n 10:15

Amun nannan'm be kunngba cɛ yɛ Anannganman fɛli i wun mantannin be-ɔ. Be kunngba cɛ yɛ ɔ kloli be-ɔ. Ɔ man nvle'm be kwlaa be nun'n, ɔ fali amun bɔ amun wo lɛ ndɛkɛn yɛ'n, bɔ amun ti be anunman mun'n. Amun si sɔ.

Zozie 14:12

I ti oka lika nga Anannganman boli i kasiɛ kleli min kɛ ɔ ´fa man min'n, fa man min. N seli wɔ kɛ Anakfuɛ bɔ be ti blamiɛn'n be tranwlɛ'n yɛlɛ lɛ. Be klɔ'm be ti dandan yɛ be si bé wun talɛ. Sɛ Anannganman jran mín sin'n n ´fuan be lɛ kɛ ɔ fa kannin'n sa.»