Kalɛ 14:30 - NYANMIƐN NDƐ'N 1998

³⁰ amún ja sa su tia-man mɛn nga n seli amun kɛ amun ´tran nun'n i nun wie . San Zɛfine i wa Kalɛb nin Nɛn i wa Zozie be ngunmin yɛ be ´ju lɔ-ɔ.

Kalɛ 14:30 ပူးပေါင်းရင်းမြစ်များ

Bo Bolɛ 14:22

Yɛ Abram se i kɛ: «Mín sa'n yɛ m'an man su m'an kle Anannganman Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n yɛ.

Jue Mun 95:11

N fali be wun ya kpa nan m'an ta nda kɛ be su ju-man wunmiɛn delɛ lika nga m'an siesie'n nun lɔ .»

Ezipt Lɔ Tulɛ'n 6:8

N ´fa amun n ´kɔ mɛn nga n tali Abraam, nin Izaak, nin Zakɔb be nda kɛ n ´fa man be'n i nun lɔ. M bɔbɔ min Anannganman, n ´fa mɛn sɔ'n ´man amun.› »

Ezekiɛl 20:15

Aawlɛ flɛnnɛn nun lɔ'n, m bɔbɔ min ekun yɛ n tali be nda kɛ n fa-man be n kɔ-man mɛn klanman nga min waan n ´fa man be i nun lɔ kun nin-ɔn. Mɛn sɔ'n i nun lɔ asiɛ'n ɔ yo like ye kpa, yɛ i kunngba'n ɔ ti nnɛn tawlɛ klanman. Mɛn sɔ'n i klanman tra mɛn'm be kwlaa.

Ezekiɛl 20:38

N ´yi nyin keklefuɛ nga be o amun nun'n nin be nga be jasoli mín wun'n. Mɛn nga be ɔli nun'n, n ´fa be n ´jaso lɛ, sanngɛ be su sa-man bé sin Izraɛl asiɛ'n su kun. Yɛ amun wa si jrɛiin kɛ min yɛ n ti Anannganman nin-ɔn .

Kalɛ 13:6

Zida akpasua'n su'n, Zɛfine i wa Kalɛb yɛ ɔ ɔli-ɔ,

Kalɛ 14:24

Kɛ bɔ min sufuɛ Kalɛb fali akunndan kpa, b'ɔ yoli min klun sa'n ti, i liɛ'n, n ´yo man lika nga i ja tiali lɔ lɛ'n, ɔ ´kaci i ɔ nin i mma'm be liɛ .

Kalɛ 14:38

Sran nga be ɔli mɛn sɔ'n i nianlɛ be bali'n, be kwlaa sɔ'n be wuli kpan, san Nɛn i wa Zozie nin Zɛfine i wa Kalɛb yɛ be kali lɛ-ɔ.

Kalɛ 26:65

Afin Anannganman dun mmua seli be kɛ be nun kun sa su ka-man lɛ, nan be kwlaa be ´wu aawlɛ flɛnnɛn'n nun lɔ, san Zɛfine i wa Kalɛb nin Nɛn i wa Zozie yɛ be kali lɛ-ɔ.

Kalɛ 32:12

San Zɛfine i wa Kalɛb b'ɔ fin Kɛnaz osu nun'n nin Nɛn wa Zozie yɛ be ´ju lɔ-ɔ. Afin be liɛ'n be fali mín nuan ndɛ'n su.› »

Sa nglô yile 10:6

Ɔ seli kɛ: «N kan Nyanmiɛn b'ɔ ti anannganman'n, b'ɔ yili nyanmiɛn su lɔ'n nin ninnge nga be o lɔ'n be kwlaa, nin asiɛ'n nin ninnge nga be o su'n be kwlaa'n, nin jenvie'n nin ninnge nga be o nun'n be kwlaa'n, kɛ sɛ be minndɛ ekun'n, wuun nán min-ɔn!»