Kalɛ 14:3 - NYANMIƐN NDƐ'N 1998

³ ?Ɔ yo sɛ ti yɛ man Anannganman waan ɔ ´fa e ´kɔ mɛn sɔ'n nun lɔ nan alɛ ko di ye nan é yi nin e mma kanngan mun e ko kaci alɛ nnɛn nin-ɔn? ?Sɛ e sa é sin Ezipt lɔ bɔbɔ'n, ɔ flunman-man? »

Kalɛ 14:3 ပူးပေါင်းရင်းမြစ်များ

Neemi 9:17

Bé nyin ɔ'a yi-man wɔ. Bé wla fili atrɛ fanunfanun nga a yili be'n. Be kpali be bɔbɔ bé su kpɛn. Be waan san be ´sa be sin Ezipt lɔ be ko yo kanga ekun. Sanngɛ ɔ liɛ'n, a ti Nyanmiɛn kun bɔ a yaci sa tɛ'n cɛ. A si aunnvuɛ, sran yo wɔ annvɔ. A fa-man ya ndɛndɛ, ɔ klun-ufue liɛ'n be kan-man, ɔ man w'a yi-man be ase.

Jue Mun 78:40

I wun nga be jasoli aawlɛ flɛnnɛn'n nun lɔ'n ɔ sɔnnin. Be klɔklɔli i lika kee sɔ'n nun lɔ kpa.

Ezipt Lɔ Tulɛ'n 16:3

Izraɛlfuɛ'm be waan: «Sɛ ɔ ti kɛ Anannganman kunnin ye Ezipt lɔ i nun bɔ e ti nnɛn sɛ'm be sin'n, bɔ e nyan aliɛ kpa e di'n, wuun ɔ yoli kpa. Kpɛkuun amun fali e bali aawlɛ flɛnnɛn nga nun wa kɛ awe'n nunnun e ngba.»

Ezipt Lɔ Tulɛ'n 5:21

Yɛ be seli be kɛ: «Man Nyanmiɛn wun nga amun yoli i lɛ'n, nan ɔ `bu amun fɔ. Amun ti'n, famiɛn'n nin i mantanfuɛ'm b'a kpɔ ye. Amu'an man be tokofi kɛ be fa kun ye.»

Zeremi 42:14

sɛ an se kɛ: ‹E ´kɔ Ezipt, lɔ liɛ'n e su wun-man alɛ'n, e su ti-man alɛ awɛ'n bɔ be bo'n i ngan, lɔ liɛ'n e su la-man awe, i ti-ɔ lɔ yɛ e ´ko tran-an,

Zeremi 42:19

Zeremi kɛnnin i ekun kɛ: «Amun bɔ amun ti Zidafuɛ'm be onga'n, Anannganman'n kan ndɛ kle amun. I waan nán amun wɔ Ezipt, amun tie i kpa, yɛ n ´kan kle amun kpongbogbo ndɛ yɛ.

Zeremi 9:3

«An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Kalɛ 11:20

Amun ´di i lele anglo klonglo kun, ɔ ´flan amun siɛn'n, lele ɔ ´bɔn amun bue nun. Kɛ bɔ amun yoli min bɔ n wo amun afiɛn'n min finfin, bɔ amun sun guali min wun, bɔ amun seli kɛ: ?Nguɛ ti yɛ e fin Ezipt lɔ e bali'n? Sa nga amun yoli'n i nuan fɔ nga n ´tu amun'n yɛ ɔ o lɛ-ɔ? › »

Kalɛ 16:13

A fa e jasoli mɛn kun bɔ i asiɛ'n ɔ yo like ye kpa, bɔ i kunngba'n ɔ ti nnɛn tawlɛ klanman'n i nun. A fali e bali kɛ e wa wu aawlɛ flɛnnɛn nga nun wa. Ɔ nyin a yi-mɛn i sɔ liɛ bɔ a yoli'n, kpɛkuun ɔ waan a ´tran é su kpɛnngbɛn a ´uka su ekun.

Kalɛ 20:3

Be kunndɛli Moiz i utre, be seli i kɛ: «Sɛ ɔ ti kɛ kɛ Anannganman ´kun e niaan mun'n yɛ ɔ ka lɛ kunnin e kwlakwla'n, wuun man i li flunman.

Kalɛ 21:5

yɛ be tɔli Moiz nin Nyanmiɛn bé wun ndɛ tɛtɛ kanlɛ'n su-ɔ. Be waan: «?Nzu ti yɛ amun fali e Ezipt lɔ bali wa-a? ?E kunlɛ ti yɛ amun fali e bali aawlɛ flɛnnɛn'n nun wa-a? Be nyan-man aliɛ be di-mɛn i wa, yɛ be nyan-man nzue be nɔn-mɛn i wa, yɛ nyrɛnnɛn aliɛ nga ɔ'a flan ye .»

Sa nga bé yôli'n 7:39

Sanngɛ e nannan'm b'a fɛ-mɛn i ndɛ'n su, be kɛnnin i bo, yɛ bé nyin trannin Ezipt lɔ ,

Mmla'n 1:39

Amun mma kanngan bɔ amun waan be wa ka aawlɛ flɛnnɛn'n nun lɔ nan alɛ ´di be'n, ɔ nin amun mma nga kɛ e ´se yɛ'n be nian wun-man tɛ'n nin kpa'n be ngbaciɛ'n, be yɛ be ´ju mɛn sɔ'n nun lɔ-ɔ, be yɛ n ´fa man be-ɔ. Be yɛ be ´fa-a.