Kalɛ 14:22 - NYANMIƐN NDƐ'N 1998

²² Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

Kalɛ 14:22 ပူးပေါင်းရင်းမြစ်များ

Bo Bolɛ 31:41

N dili afuɛ ablaɔn ɔ́ sa nun. N dili ɔ́ wa nnyɔn'm bé sin sia afuɛ blu-nin-nnan. I sin n niannin ɔ nnɛn'm be su afuɛ nsiɛn ekun. A kacili min akatua'n kpɛ blu.

Bo Bolɛ 31:7

Sanngɛ amún si buli min lufle, ɔ kpɛli min akatua'n wun kpɛ blu. Nyanmiɛn kusu ɔ'a kplin-man su kɛ ɔ `yo min tɛ.

Zɔb I Nyrɛnnɛn Wunlɛ 19:3

Min nzowa kpɛlɛ'n i kpɛ blu yɛ amun ´kpɛ yɛ. ?Kɛ amun ´kle min yalɛ sa'n, ɔ ´yo-man amun nyannzuɛn?

Jue Mun 106:14

Kɛ be wo aawlɛ flɛnnɛn'n nun lɔ'n, bé nyin bloli like wie'm bé wun. Kpɛkuun be klɔklɔli Nyanmiɛn i nuan nun lika kee sɔ'n nun lɔ .

Jue Mun 106:26

Anannganman mɛnnin i sa su ɔ tali nda kɛ ɔ ´yo man be wu aawlɛ flɛnnɛn'n nun lɔ,

Jue Mun 78:41

Be kɛnnin i be niannin ekun. Be klɔklɔli i b'ɔ ti Izraɛl Nyanmiɛn'n.

Ezipt Lɔ Tulɛ'n 14:11

Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 15:24

Nzrafuɛ'm be trikili Moiz su, be seli i kɛ: «?Nzu yɛ e ´nɔn-ɔn?»

Ezipt Lɔ Tulɛ'n 16:2

Aawlɛ sɔ'n nun lɛ'n, Izraɛlfuɛ'm be wa plannin Moiz nin Aarɔn bé su.

Ezipt Lɔ Tulɛ'n 17:2

Be kunndɛli Moiz i utre, be seli i kɛ: «Man e nzue, man e nɔn.» Moiz usali be kɛ: «?Nzu ti yɛ amun kunndɛ min utre nin-ɔn? ?Nzu ti yɛ amun sa Anannganman be nian nin-ɔn?»

Ezipt Lɔ Tulɛ'n 17:3

Nzue we'n b'ɔ kun be dan'n ti be trikili Moiz su ekun, be waan: «?Nzu ti yɛ a fali e Ezipt lɔ bali wa-a? ?A fali e bali kɛ nzue we'n kun ye nin e mma mun, ɔ nin e nnɛn mun?»

Ezipt Lɔ Tulɛ'n 17:7

Be tɔnnin lika sɔ'n i dunman kɛ: Masa nin Mɛriba, i bo'n yɛlɛ Sa Nianlɛ nin Utre, afin Izraɛlfuɛ'm be kunndɛli Moiz i utre, kpɛkuun be sali Anannganman be niannin, be usali kɛ: «?Anannganman o e afiɛn annzɛ ɔ nun-man e afiɛn?»

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ezipt Lɔ Tulɛ'n 5:21

Yɛ be seli be kɛ: «Man Nyanmiɛn wun nga amun yoli i lɛ'n, nan ɔ `bu amun fɔ. Amun ti'n, famiɛn'n nin i mantanfuɛ'm b'a kpɔ ye. Amu'an man be tokofi kɛ be fa kun ye.»

Ezai 42:20

A wunnin ninnge kpanngban kpa, sanngɛ w'a bu-man be akunndan. Ɔ su'm be ti tikewa sanngɛ ɔ'a ti-man ndɛ fi.

Daniɛl 1:20

Ndɛ kwlaa wie ala bɔ famiɛn'n usa be'n, b'ɔ fata kɛ akunndan nin ngwlɛlɛ yɛ be fa tɛ su'n, ɔ wunnin kɛ be tɛ su kpa trɛ i mɛn'n nun wunnzue yifuɛ fanunfanun'm be kwlaa lele kpɛ blu.

Malasi 3:15

Y'a wun kɛ be nga be yo bé wun dandan'n be yɛ be di ye-ɔ, sa tɛ yofuɛ'm bé wun fɔuun. Kannzɛ be klɔklɔli Nyanmiɛn o, be o be olɛ lɛ cɛ, ndɛ fi nyan-man be.› »

Kalɛ 11:1

Cɛn kun Izraɛlfuɛ'm be ijɔli Nyanmiɛn tɛtɛ kpa. Kɛ Anannganman tili i sɔ'n, ɔ fali ya nan sin ɔ'a nunnun ngblaliɛ'n i bue kun.

Kalɛ 11:4

Cɛn kun, be o lɛ kpɛkuun aofuɛ bɔ be fin lika fanunfanun'm be nun bɔ be nin Izraɛlfuɛ mun be o lɛ'n be konvi sɔli nnɛn dilɛ dan kpa, yɛ Izraɛlfuɛ'm be bɔbɔ kusu be wa triki-ɔ. Be waan: «?Wan yɛ ɔ ´man e nnɛn nan y'a di-ɔ?

Kalɛ 12:1

Moiz jali Kis lɔ bla kun. Mari nin Aarɔn be kannin i wun ndɛ tɛtɛ i bla aja sɔ'n ti.

Kalɛ 14:11

Anannganman seli Moiz kɛ: «?Finfin nga nvlefuɛ'm be yo min yɛ'n, cɛn onin ko yɛ be ´yaci i yolɛ-ɔ? ?Yɛ atrɛ nga n yi be be nyrun'n cɛn kwlaa bɔ be lafi-man su lɛ'n, cɛn onin ko yɛ be ´lafi min su-ɔ?

Kalɛ 14:2

Izraɛlfuɛ'm be kwlaa be ijɔli Moiz nin Aarɔn bé tɛtɛ, be waan: «?Nguɛ sa yɛlɛ nga? Sɛ e wuli Ezipt mɛn'n nun lɔ'n annzɛ aawlɛ flɛnnɛn'n nun lɔ'n, wuun ɔ flunman!

Kalɛ 32:12

San Zɛfine i wa Kalɛb b'ɔ fin Kɛnaz osu nun'n nin Nɛn wa Zozie yɛ be ´ju lɔ-ɔ. Afin be liɛ'n be fali mín nuan ndɛ'n su.› »

Matthieu 4:7

Jésus kusu seli i kɛ: «Be klɛli i kusu kɛ: ‹Nán kunndɛ ɔ Min Nyanmiɛn i nuan .› »

1 Korɛntfuɛ Mun 10:5

Sanngɛ Nyanmiɛn klun a jɔ-man be kpanngban lika bé wun, ɔ man be fuɛn'n kali blo .

1 Korɛntfuɛ Mun 10:9

Nán man e kunndɛ e Min'n i nuan kɛ be nun wie'm be kunndɛli b'ɔ man wuo'm be kunnin be'n sa .

Mmla'n 9:7

Nán amún wla fi wafa nga amun fa klɔklɔli Anannganman amun Nyanmiɛn'n aawlɛ flɛnnɛn'n nun lɔ b'ɔ ko fa ya'n su. Man ɔ ka amun klun. Kɛ ɔ fin cɛn bɔ amun fin Ezipt mɛn'n nun lɔ bali'n, bɔ amun ´fa ju lika nga nun wa'n, amu'an yaci-man nyin kekle yolɛ Anannganman su le.

Hébreu 3:9

Nyanmiɛn seli kɛ: «Amun nannan'm be kan min niannin aawlɛ flɛnnɛn nun lɔ, yɛ be wunnin sa nga n yoli i afuɛ ablanan nun'n i kwlaa.