Kalɛ 14:16 - NYANMIƐN NDƐ'N 1998

¹⁶ ‹Anannganman ɔ'a kwla fa-man i nvle'n ɔ'a ɔ-man mɛn nga ɔ seli i kɛ ɔ ´fɛ i kɔ nun'n i nun kun, i sɔ'n ti yɛ ɔ nunnunnin be aawlɛ flɛnnɛn'n nun lɔ nin-ɔn›?

Kalɛ 14:16 ပူးပေါင်းရင်းမြစ်များ

Ezipt Lɔ Tulɛ'n 32:12

Ɔ man Eziptfuɛ'm be wa se kɛ: ‹Izraɛlfuɛ'm be nyrɛnnɛn klelɛ ti yɛ Anannganman fali be e mɛn'n nun wa ɔli-ɔ. Be kunlɛ oka'n su lɔ ti-ɔ, be asiɛ'n su wa nunnunlɛ ti-ɔ.› Gua ɔ ya'n i ase. Nán yo ɔ nvlefuɛ'm be tɛ nga ɔ waan a ´yo be'n kun.

Kalɛ 14:17

I sɔ'n ti, n ´srɛ wɔ kpa, Anannganman, yi ɔ tinmin'n i nglo. Ndɛ nga a kan kleli ye'n, yiɛ i nuan. A seli kɛ:

Mmla'n 9:28

Ɔ yo sɔ-ɔ, mɛn nga a fali e i nun lɔ bali'n, i nun lɔfuɛ'm be wa se kɛ: ‹Anannganman kwla fa-man be kɔ-man mɛn ng'ɔ kɛnnin i ndɛ kleli be'n nun lɔ. Kpɔlɛ yɛ ɔ kpɔ bé ti yɛ i waan ɔ ´fa be ´fite nan be ko wu aawlɛ flɛnnɛn'n nun lɔ-ɔ.›

Zozie 7:7

Yɛ Zozie waan: «Ee! Anannganman, min Min! ?A kunndɛ kɛ a ´fa e wlɛ Amɔrfuɛ'm bé sa nun nan be kun ye? Aa! Sɛ e si sɔ'n, wuun e kali nzue'n sin lɔ!

Zozie 7:9

Kɛ Kanaanfuɛ nin mɛn kun nga'm be nunfuɛ'm be wa ti ndɛ nga'n be wa ju be ´kun ye. Be wa nunnun ye mlɔnmlɔn. ?Kɛ ɔ yo sɔ'n, a ´yo sɛ nan ɔ dunman dan'n ɔ'a fite nglo ekun?»