Kalɛ 14:14 - NYANMIƐN NDƐ'N 1998

¹⁴ Be kɛnnin i sɔ kleli be lɔfuɛ mun. Be wunnin i kɛ wɔ Anannganman yɛ a jin ɔ nvle'n i sin-ɔn, nan a yi ɔ́ wun nglo a kle ɔ nvlefuɛ mun weiin. Be tili i kɛ wɔ yɛ a sasa be-ɔ. Afin a dun mmua be nyrun, wia nun, a o sin wɛnsrɛn tiaan kun nun, yɛ kɔnguɛ, a o sin tiaan kun nun.

Kalɛ 14:14 ပူးပေါင်းရင်းမြစ်များ

Bo Bolɛ 32:30

Yɛ Zakɔb usɛli i kɛ: «?Yɛ ɔ li, be flɛ wɔ sɛ?» Ɔ tɛli i su kɛ: «?Ɔ yo sɛ ti yɛ a usa min dunman-an?» I sin ɔ yrali i nguan.

Neemi 9:12

Wia nun'n, a dun mmua be nyrun, sin wɛnsrɛn'n ɔ ja tiaan yɛ ɔ kle be atin nin-ɔn. Kɔnguɛ a dun mmua be nyrun, sin taaman'n ɔ ja tiaan yɛ ɔ kpaja atin nga be sin su'n su-ɔ.

Neemi 9:19

Sanngɛ wɔ aunnvuɛ silɛ dan'n ti w'a yi-man be ase aawlɛ flɛnnɛn'n nun. Wɛnsrɛn b'ɔ kle be atin wia nun'n, ɔ nin sin b'ɔ kpaja be nyrun kɔnguɛ'n b'a kpɔci-man be le.

Jue Mun 105:39

Anannganman fali nyanmiɛn ble'n katali i nvlefuɛ'm bé su. Kɔnguɛ'n, sin yɛ ɔ kpaja bé bo-ɔ.

Jue Mun 78:14

Wia nun'n, ɔ man wɛnsrɛn tiaan kun dun be nyrun mmua yɛ ɔ kle be atin nin-ɔn .

Ezipt Lɔ Tulɛ'n 15:14

Kɛ nvlefuɛ nga be mantan lɛ'n be ti jasin sɔ'n, bé wun usu be. Srɛ dan kpa kun Filistifuɛ mun.

Ezipt Lɔ Tulɛ'n 33:11

Moiz o sa, Anannganman o sa, yɛ be ijɔ kɛ sran kun nin i janvuɛ be su koko yalɛ sa. I sin kpɛkuun Moiz su sɛ i sin ngblaliɛ'n nun lɔ. Sanngɛ Nɛn i wa Zozie b'ɔ ti gbanflɛn kan'n, b'ɔ ti Moiz i sufuɛ'n, ɔ tu-mɛn i bo tannin sua'n nun lɔ.

Ezipt Lɔ Tulɛ'n 33:16

?Ɔ ´yo sɛ nan sran'm b'a si kɛ a su yo min nin min nvlefuɛ mun e ye? ?Nán kɛ a nin ye ´nanti bɔ ngbaciɛ tran min nin min nvle'n e nin nvle kun nga mun ye afiɛn nin-ɔn?»

Ezipt Lɔ Tulɛ'n 40:38

Sin wɛnsrɛn ng'ɔ kata tannin sua'n su wia nun'n, ɔ nin sin ng'ɔ jue kɔnguɛ'n, be nun yɛ Anannganman yi i wun nglo kle Izraɛlfuɛ mun lele yɛ be fa juli be juwlɛ-ɔ.

Kalɛ 10:34

Anannganman i sin wɛnsrɛn'n wo bé ti su wia nun kɛ be ´kɔ'n.

Kalɛ 12:8

N kan min ndɛ mun weiin n kle i. N yi mín wun nglo weiin n kle i, n yo-mɛn i nyanndra nun, ɔ wun wafa nga n fa ti'n. ?Yɛ ɔ yo sɛ ti yɛ an kan min sufuɛ sɔ'n i wun ndɛ tɛtɛ bɔ srɛ kaan sa kun-man amun nin-ɔn?»

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 14:9

Jésus seli i kɛ : «?Filip, lalaa bɔ min nin amun o wa'n, a nian si-man min? Sran ng'ɔ wun min'n, wuun ɔ'a wun e Si'n. ?Ɔ yo sɛ yɛ a se n kɛ n kle amun e Si nin-ɔn?

1 Korɛntfuɛ Mun 13:12

Blɛ nga e o nun yɛ'n, e wun sa'm be kɛ e nyrun bɔ e niɛn kpongbo nglannglan nun'n sa, sanngɛ kɛ cɛn sɔ'n ko ju'n, e ´wun be wlɛ weiin. Blɛ nga e o nun yɛ'n, n wun-man sa ngba wlɛ, sanngɛ kɛ cɛn sɔ'n ko ju'n, n ´wun i ngba wlɛ kpa kɛ Nyanmiɛn kusu si min kpa'n sa.

Mmla'n 1:19

«I sin e jasoli Orɛb lɔ, e nantili aawlɛ flɛnnɛn dan sroesroe nga amun wunnin i lɛ'n nun, e fali Amɔrfuɛ'm be oka'n i wun lɔ atin'n kɛ Anannganman e Nyanmiɛn'n kan kleli ye'n sa. Yɛ e juli Kadɛs-Barnea lɔ-ɔ.

Mmla'n 34:10

Kɛ ɔ fɛ i lɛ'n, Nyanmiɛn nuan ijɔfuɛ bɔ Anannganman jran sa ɔ nin i koko yalɛ kɛ Moiz liɛ'n sa'n, b'a wun-mɛn i sɔ Izraɛl mɛn'n nun kun.

Mmla'n 5:24

be seli min kɛ: «Kɛ Anannganman e Nyanmiɛn'n i dan fa ti ju'n, ɔ'a fa kle ye, yɛ ɔ'a yi i wun nglo nyannyannyan ɔ'a kle ye. E tili i nɛn'n sin'n nun. Ndɛkɛn y'a wun kɛ kannzu Nyanmiɛn kwla ijɔ kle sran kpɛkuun sran sɔ'n ɔ wu-man.

Mmla'n 5:4

Oka'n su lɔ'n, Anannganman o sa, amun kusu amun wo sa, yɛ ɔ ijɔli sin'n i afiɛn lɔ kleli amun-ɔn.

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.