Kalɛ 14:11 - NYANMIƐN NDƐ'N 1998

¹¹ Anannganman seli Moiz kɛ: «?Finfin nga nvlefuɛ'm be yo min yɛ'n, cɛn onin ko yɛ be ´yaci i yolɛ-ɔ? ?Yɛ atrɛ nga n yi be be nyrun'n cɛn kwlaa bɔ be lafi-man su lɛ'n, cɛn onin ko yɛ be ´lafi min su-ɔ?

Kalɛ 14:11 ပူးပေါင်းရင်းမြစ်များ

Jue Mun 106:24

I sin'n, klɔ bɔ be blɔ i kpa b'ɔ ti'n, b'a buɛ-mɛn i ndɛ nun kun. B'a fa-man Anannganman i nuan ndɛ'n kun.

Jue Mun 78:22

afin b'a lafi-mɛn i su, b'a bu-mɛn i kɛ ɔ kwla be de.

Jue Mun 78:32

Sanngɛ ɔ nin i sɔ ngba'n, b'a yaci-man sa tɛ'n i yolɛ, b'a lafi-man Nyanmiɛn i abonuan sa ng'ɔ yoli be'n be su.

Jue Mun 95:8

an `tie, nán an yo nyin kekle i su kɛ amún nannan'm be ko yo i Mɛriba lɔ aawlɛ flɛnnɛn'n nun lɔ i nun bɔ sa wie ko ju Masa lɔ'n sa .

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 16:28

Anannganman seli Moiz kɛ: «?Min mmla bɔ amun waan amun fa-man su'n, amun ´yo i sɔ lele cɛn onin?

Ezipt Lɔ Tulɛ'n 23:21

Amun `nian amún wun kpa man amún nyin yi i. Nán amun jaso i wun. Ɔ su yaci-man amún nyin kekle'n su cɛ-man amun, afin min yɛ n sunmɛn i-ɔ.

Ezipt Lɔ Tulɛ'n 32:9

Anannganman seli Moiz kɛ: «M'an wun kɛ nvle nga nunfuɛ mun be nyin ti kekle dan.

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Zeremi 13:10

Nvle tɛfuɛ nga, sran nga n kan ndɛ n kle be-ɔ ɔ gua bé su sin, bɔ be akunndan liɛ ng'ɔ o bé ti nun'n kunngba yɛ be si i'n, bɔ amuɛn mun yɛ be waan be fa man be nan be sɔ'n, nan be koto be bo'n, nvle sɔ'n, ɔ ´yo kɛ bé bo kplo nga be fa be yo like-ɔ ɔ yo-man ye kun yɛ'n sa.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Ndɛ Nga Nyanmiɛn I Nuan Ijɔfuɛ Oze Kannin'n 8:5

Samarifuɛ mun, amun nannin ba nga amun fali sika ɔkwlɛ yili'n, nán min nyinma wun i kun! Ɔ ti min klɔklɔlɛ like, amu'an klɔklɔ min. Kɛ an wo amun liɛ sa'n, ɔ lɛ-man kɛ b'a nyan-man amún wun ndɛ kan b'a kan-man.

Zakari 8:14

Anannganman b'ɔ sie mɛn wunmuan'n wan yoo: «Kɛ amun nannan'm be kunnin min ya bɔ n guguli kɛ n ´yo amun tɛ'n, m'an yaci m'an cɛ amun.

Kalɛ 14:23

be kwlaa sɔ'n be nyinma sa su ta-man mɛn nga n seli be kɛ be `wɔ nun lɔ'n. Be kwlaa nga be yoli min finfin'n be su wun-man mɛn sɔ'n .

Kalɛ 14:27

«?Mín wun ndɛ tɛtɛ nga nvlefuɛ klunwifuɛ nga'm be kan'n, cɛn onin ko yɛ be yaci-ɔ? M'an ti mín wun ndɛ tɛtɛ sɔ'n wie be nuan nun pɛ.

Kalɛ 32:10

I cɛn sɔ'n nun'n, Anannganman fali ya dan kpa nan ɔ'a ta nda ɔ'a se kɛ:

Matthieu 17:17

Yɛ Jésus seli kɛ: «?Amun ajulisufuɛ nyin keklefuɛ bɔ an lafi-man sa su'n, min nin amun ´tran lele cɛn onin? ?N ´tra min anwlɛn amún wun lele cɛn onin? An `fɛ i blɛ min.»

Marc 9:19

Yɛ Jésus usali kɛ: «?Amun ajulisufuɛ mun bɔ an lafi-man sa su'n, min nin amun ´tran lele fa ju cɛn onin? ?Yɛ n ´tra min anwlɛn amún wun lele fa ju cɛn onin? An `fɛ i blɛ min.»

Jean 10:38

Sɛ n yo be'n, kannzɛ an lafi-man m bɔbɔ n su'n, sanngɛ an `lafi sa sɔ'm be su nan amu'an wun i wlɛ kpa kɛ min nin min Si e ti sran wunmuan.

Jean 12:37

Ɔ yili atrɛ kpanngban kpa be nyrun, sanngɛ ɔ nin i sɔ ngba'n, b'a lafi-mɛn i su.

Jean 15:24

Sɛ m'an yo-man like nga sran fi nian yo-mɛn i le be nyrun b'a wun-mɛn i'n, wuun be su bu-man bé sa tɛ yofuɛ. Sanngɛ kɛ n wa yoli bɔ be wunnin i'n ti'n, be kpɔ min nin n Si.

Mmla'n 1:32

Sanngɛ i blɛ sɔ nun'n, amu'an fa-man amún wla b'a gua-man Anannganman amun Nyanmiɛn'n su.

Hébreu 3:16

?Wan mun yɛ kɛ Nyanmiɛn kannin ndɛ be tili bɔ be jaoli i wun nin-ɔn? ?Nán be kwlaa nga Moiz nin be fin Ezipt bali mun-ɔn?

Hébreu 3:18

?Yɛ wan mun yɛ Nyanmiɛn tali be nda kɛ be su ju-man wunmiɛn delɛ i lika nga ɔ'a sie ɔ'a man be'n nun lɔ? ?Nán be nga be yoli nyin kekle i su mun-ɔn?

Hébreu 3:8

nán an yo nyin kekle i su kɛ i nun bɔ amun jaoli i wun'n amun yoli'n, bɔ amun kɛnnin i niannin aawlɛ flɛnnɛn nun lɔ'n sa.»