Kalɛ 14:10 - NYANMIƐN NDƐ'N 1998

¹⁰ Sran'm be kwlakwla be waan be ´finfin Zozie nin Kalɛb be yɛbuɛ nan be ´kun be. Kpɛkuun Anannganman yili i wun nglo sa nyannyan tannin sua'n su Izraɛlfuɛ'm be kwlaa be nyrun lɛ.

Kalɛ 14:10 ပူးပေါင်းရင်းမြစ်များ

Ezipt Lɔ Tulɛ'n 16:10

Kɛ bɔ Aarɔn i nuan tɛ o ndɛ ng'ɔ ´kan kle Izraɛlfuɛ'm be kwlakwla'n i su'n, be kpɛli bé nyin aawlɛ flɛnnɛn lika liɛ'n nun lɔ. Be ´nian-an, Anannganman i nyrun nyannyan'n yɛ ɔ o sin wɛnsrɛn'n nun yɛ.

Ezipt Lɔ Tulɛ'n 16:7

Ainman nglɛmun kusu amun wa wun Anannganman i nyrun nyannyan'n, afin ɔ tili trikilɛ nga amun trikili i su'n. ?Wan yɛlɛ e bɔ amun triki e su-ɔ?»

Ezipt Lɔ Tulɛ'n 17:4

Moiz sun flɛli Anannganman kɛ: «?Nguɛ yɛ n ´yo m man sran nga mun-ɔn? Ɔ cɛ kan be ´toto min yɛbuɛ be ´kun min.»

Ezipt Lɔ Tulɛ'n 40:34

I blɛ sɔ nun'n, sin wɛnsrɛn'n wa katali tannin sua nga Nyanmiɛn yi i wun nglo nun'n su. Anannganman i nyrun nyannyan'n deli tannin sua wunmuan'n .

Saun Yolɛ 9:23

I sin Moiz nin Aarɔn be ko wluli tannin sua nga Anannganman yi i wun nglo nun lɔ'n nun. Kɛ be wluli lɔ be fiteli'n, kpɛkuun yɛ be yrali mɛn mma'm be nguan-an. Kɛ be yrali be nguan b'ɔ wieli'n, Anannganman wa yili i wun nglo kleli be kwlaa sɔ'n.

Kalɛ 16:19

Kɔre yiali Izraɛlfuɛ'm be kwlaa, be wa jranjrannin be nyrun ndɛnman su lɛ tannin sua'n i anuan'n wun lɛ. Kpɛkuun sran'm be kwlaa be nyrun lɛ'n, Anannganman yili i nyrun nyannyan'n i nglo.

Kalɛ 17:7

Izraɛlfuɛ'm be wa kpɛ sin yiali Moiz nin Aarɔn nan b'a fa ndɛnngan b'a wla bé sin. Kpɛkuun be ´nian tannin sua'n wun lɔ-ɔ, sin wɛnsrɛn'n ɔ'a kata su, kpɛkuun nyannyannyan Anannganman su yi i wun nglo.

Kalɛ 20:6

Moiz nin Aarɔn be cuɛnnin bé wun, be jasoli Izraɛlfuɛ'm be afiɛn lɛ be ɔli tannin sua'n nun lɔ. Be kotoli, be utuli bé nyin ase. Yɛ Anannganman i nyrun nyannyan'n fiteli be nyrun-ɔn.

Matthieu 23:37

«Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun b'ɔ utu be su'n sa, sanngɛ amu'an kplin-man su!

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.

Sa nga bé yôli'n 7:59

Kɛ be ´finfin Etiɛni yɛbuɛ'n, ɔ seli e Min'n kɛ: «Nannan Jésus, wa fa min!»

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.