Kalɛ 13:29 - NYANMIƐN NDƐ'N 1998

²⁹ Amalɛkfuɛ'm be tran ngua lɔ lika'n nun, Ɛtfuɛ'm be nin Zɛbisfuɛ mun, ɔ nin Amɔrfuɛ mun be tran oka-oka lika'm be nun, yɛ Kanaanfuɛ'm be tran be liɛ jenvie'n wun koko lɛ Zurdɛn nzue ba'n i nuan.»

Kalɛ 13:29 ပူးပေါင်းရင်းမြစ်များ

Bo Bolɛ 14:7

I sin be sali be sin bali An-Mispat bɔ yɛlɛ Kadɛs'n, nan b'a kwla Amalɛkfuɛ mun. Be sacili be fie'm be kwlaa. I sin be kwlali Amɔrfuɛ nga be tran Azazɔn-Tamar'n.

Neemi 9:8

A wunnin kɛ ɔ ti nanwlɛfuɛ nan a nin i b'a tra aenguɛ. A seli i kɛ a ´fa Kanaanfuɛ mun, ɔ nin Ɛtfuɛ mun, ɔ nin Amɔrfuɛ mun, ɔ nin Ferezfuɛ mun, ɔ nin Zɛbisfuɛ mun, ɔ nin Girgazfuɛ mun be mɛn'n ´man i osufuɛ mun. Yɛ nga a seli kɛ a ´yo'n, a yoli, afin a ti kpa.

Jue Mun 83:7

I Edɔmfuɛ mun o, i Ismaɛlfuɛ mun o, i Moabfuɛ mun o, i Agarenfuɛ mun o, i Gɛbalfuɛ mun o,

Ezipt Lɔ Tulɛ'n 3:17

I sɔ'n ti, i waan ɔ ´de amun Eziptfuɛ sɔ'm bɔ be kle amun nyrɛnnɛn'n bé sa nun, nan ɔ ´fa amun kɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be mɛn liɛ'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman.›

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Kalɛ 13:17

Moiz sunmannin sran sɔ mun Kanaan mɛn'n nun lɔ kɛ be ko nian-nian lɔ. Ɔ seli be kɛ: «Amun `sin mɛn'n i ngua lɔ lika liɛ'n nun, kpɛkuun i sin amun `fu oka'n su.

Kalɛ 13:30

Kalɛb seli be nga be ijɔ Moiz tɛtɛ'm be kɛ be `muan bé nuan, nan ɔ'a kan ɔ'a gua su kɛ: «E `wɔ e `ko fa mɛn'n, afin san e ´nyan kwlalɛ le.»

Kalɛ 14:25

Kɛ e ´se yɛ'n, Amalɛkfuɛ'm be nin Kanaanfuɛ'm be tran lika kpɛtɛkplɛɛ'n nun lɔ. Ainman'n, amun `sa amún sin be `wɔ aawlɛ flɛnnɛn'n nun lɔ ndɛma jenvie'n i bue liɛ'n su lɔ.»

Kalɛ 14:43

Amalɛkfuɛ'm be nin Kanaanfuɛ'm be yɛ be o amun nyrun lɛ-ɔ, alɛ'n wa di amun. Afin kɛ bɔ amun kacili amún sin sili Anannganman'n ti'n, ɔ su jran-man amún sin.»

Kalɛ 14:45

Amalɛkfuɛ nin Kanaanfuɛ bɔ be tran oka-oka lika'n nun lɔ'n be jrali nan b'a kwla be kwlalɛ tɛtɛ kpa. Be fuannin be lele be ko sieli be Ɔrma lika liɛ'n nun lɔ.

Kalɛ 24:20

I sin Balaam wa wunnin Amalɛkfuɛ mun, ɔ seli be kɛ: «Amalɛk, nvle dan b'ɔ lɛ fanngan'n yɛ. Sanngɛ i agualiɛ'n yɛlɛ sacilɛ b'ɔ wa saci mlɔnmlɔn'n.»

Mmla'n 20:17

Ɛtfuɛ mun, nin Amɔrfuɛ mun, nin Kanaanfuɛ mun, nin Ferezfuɛ mun, nin Evfuɛ mun, nin Zɛbisfuɛ mun'n, amun `bo be mɛn'n kɛ Anannganman amun Nyanmiɛn'n kan kleli amun'n sa.

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Zozie 10:5

Yɛ Amɔr famiɛn nnun'n: Zerizalɛm famiɛn'n, nin Ebrɔn famiɛn'n, nin Zarmit famiɛn'n, nin Lakis famiɛn'n, ɔ nin Eglɔn famiɛn'n, be kan boli nun, be nin be alɛ kunfuɛ mun kwlaa be ɔli kɛ be nin Gabaɔnfuɛ'm be ´ko kun.

Zozie 10:6

Gabaɔnfuɛ'm be mannin Zozie ngaliɛ Gilgal lɔ kɛ: «E bɔ e ti ɔ sran mun'n, e yɛ Amɔr famiɛn nga be tran oka'm be su'n b'a ju b'a gua é su yɛ. Bla ndɛndɛ bla wa uka ye, bla wa de ye!»

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.

Zozie 9:1

Famiɛn nga be o Zurdɛn i bue ng'ɔ kpɛ wia atɔliɛ lɔ'n su'n: oka'n su lɔfuɛ mun o, be nga be tran lika kpɛtɛkplɛɛ'n nun mun o, be nga be o Mediterane jenvie nuan su lele fa ju Liban wun lɔ mun o, be kwlaa be tili Ai i nunnunlɛ ndɛ'n. I sɔ'n ti Ɛtfuɛ mun, nin Amɔrfuɛ, nin Kanaanfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be famiɛn'm

Jɔlɛ Difuɛ Mun 3:5

Izraɛlfuɛ'm be trannin Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun ɔ nin Zɛbisfuɛ'm be afiɛn.

Jɔlɛ Difuɛ Mun 6:3

Kɛ Izraɛlfuɛ'm be ko lua be fie'm be su ninnge'n, wuun Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n b'a ba Izraɛlfuɛ'm be klunngbɔ wlalɛ.

1 Samiɛl 14:48

Le kun nga be wunnin i yakpa nun dan'n yɛlɛ cɛn ng'ɔ kwlali Amalɛkfuɛ mun'n. Ɔ deli Izraɛlfuɛ mun bé bo ninnge fɛnfuɛ'm bé sa nun.

1 Samiɛl 27:8

David nin i sran'm be ko wlu nvle wie nun be nin be ko kun alɛ, be kɔ be ba be kɔ be ba. Nvle sɔ mun yɛlɛ Gersir, nin Gerzɛr, ɔ nin Amalɛk. Kɛ ɔ fin lalafuɛ nun'n nvle sɔ'm, be tran Sir ndɛnman lele ´fa ju Ezipt mɛn'n i nuan.

1 Samiɛl 30:1

I le nsan su'n, kɛ David nin i sran'm be ´ju Ziklag'n, wuun Amalɛkfuɛ'm b'a ba, be nin Zida nvle i bo ngua lɔfuɛ mun, ɔ nin Ziklag lɔfuɛ mun b'a kun, b'a saci Ziklag klɔ'n, b'a wɔ klɔ'n nun.

1 Samiɛl 7:14

Izraɛl klɔ nga Filistifuɛ'm be fali'n, kɛ ɔ fɛ i Ekrɔn b'ɔ fa ju Gat'n, be wa yoli Izraɛlfuɛ'm be liɛ ekun. Izraɛlfuɛ'm be deli be Filistifuɛ'm bé sa nun, kpɛkuun Izraɛlfuɛ'm be nin Amɔrfuɛ'm be trannin fɔuun.