Kalɛ 13:26 - NYANMIƐN NDƐ'N 1998

²⁶ Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 13:26 ပူးပေါင်းရင်းမြစ်များ

Bo Bolɛ 14:7

I sin be sali be sin bali An-Mispat bɔ yɛlɛ Kadɛs'n, nan b'a kwla Amalɛkfuɛ mun. Be sacili be fie'm be kwlaa. I sin be kwlali Amɔrfuɛ nga be tran Azazɔn-Tamar'n.

Jue Mun 29:8

Anannganman i nɛn'n man aawlɛ flɛnnɛn'n ɔ keje. Anannganman i nɛn'n man Kadɛs aawlɛ flɛnnɛn'n ɔ keje.

Kalɛ 13:25

Be ko dili cɛn ba ablanan lika'n i nian-nianlɛ'n nun, nan b'a sa bé sin.

Kalɛ 13:3

Moiz niannin ndɛ nga Anannganman kannin'n su yoli. Ɔ sunmannin sran sɔ mun. Kɛ ɔ ´yo sɔ'n, wuun be tɛ o Paran aawlɛ flɛnnɛn'n nun lɛ. Sran sɔ'm be kwlaa be ti Izraɛlfuɛ'm be su kpɛn mun.

Kalɛ 20:1

Anglo klikli'n nun'n, Izraɛlfuɛ'm be kwlakwla be juli Zin aawlɛ flɛnnɛn'n nun, be trannin Kadɛs lɛ. Lɛ yɛ Mari wuli-ɔ, be sieli i lɛ.

Kalɛ 20:14

Kɛ be tɛ o Kadɛs lɛ'n, Moiz sunmannin sran kɛ be `ko se Edɔm famiɛn'n kɛ: «Tie ɔ niaan Izraɛlfuɛ'm be ndɛ nga be kan'n. A si afɛ'n kwlaa nga e fɛli'n.

Kalɛ 20:16

E sun flɛli Anannganman kɛ ɔ wa de ye. Ɔ tili e sunlɛ'n, yɛ ɔ sunmannin anz kun ko fali e Ezipt lɔ-ɔ. Siɛn'n, e yɛ y'a ju Kadɛs yɛ, klɔ sɔ b'ɔ nin ɔ mɛn'n mantan koko yɛ'n su.

Kalɛ 32:8

?Nán like kunngba nga amún si'm be yoli i Kadɛs-Barnea lɔ'n yɛlɛ nga amun su yo i yɛ'n? N sunmannin be kɛ be ko nian Kanaan mɛn'n.

Kalɛ 32:9

Be ɔli lele be juli Ɛskɔl kongo'n nun lɔ, be wunnin kɛ ɔ fa ti'n. Kɛ be sali bé sin bali'n, be wa bubuli Izraɛlfuɛ'm bé sa sin kɛ nán man be wɔ mɛn nga Anannganman fa mannin be'n nun kun.

Kalɛ 33:36

Kɛ be fɛli i Ɛzɔn-Gebɛr lɛ'n, be ko kpɛli be ngblaliɛ'n Zin aawlɛ flɛnnɛn'n nun lɔ, be flɛ lɛ lika sɔ'n kɛ Kadɛs.

Mmla'n 1:19

«I sin e jasoli Orɛb lɔ, e nantili aawlɛ flɛnnɛn dan sroesroe nga amun wunnin i lɛ'n nun, e fali Amɔrfuɛ'm be oka'n i wun lɔ atin'n kɛ Anannganman e Nyanmiɛn'n kan kleli ye'n sa. Yɛ e juli Kadɛs-Barnea lɔ-ɔ.

Mmla'n 1:2

Kɛ a fɛ i Orɛb oka'n su lɔ bɔ a ´fa ju Kadɛs-Barnea lɛ'n, sɛ a fa Seir oka'm be atin'n, ɔ ti cɛn ba blu-nin-kun nantilɛ.

Zozie 14:6

Le kun be o lɛ kpɛkuun Zida osu nunfuɛ wie mun b'a a to Zozie Gilgal lɛ. Zɛfine i wa liɛ Kalɛb b'ɔ ti Kɛnaz i awlo nunfuɛ'n, ɔ seli Zozie kɛ: «Kɛ e o Kadɛs-Barnea lɔ'n, a si kɛ Anannganman kannin e nin wɔ e ndɛ kleli Moiz b'ɔ ti Nyanmiɛn sran'n.

Zozie 14:7

I blɛ nga Moiz b'ɔ ti Anannganman i sufuɛ'n sunmannin min Kadɛs-Barnea lɔ kɛ n ´ko kpla mɛn'n n nian'n, wuun n lɛ afuɛ ablanan. Kɛ n wɔli m bali kusu'n, m boli jasin fɛfɛ kpa n kleli i.