Kalɛ 13:22 - NYANMIƐN NDƐ'N 1998

²² Be ´kɔ'n, be sinnin ngua lɔ lika'n nun, be ɔli lele be juli Ebrɔn, kan Anak i mma Aiman nin Sesai, ɔ nin Talmai be osu'n nunfuɛ'm be tran lɛ'n. Ba sɔ'm be ti blamiɛn. Sran nga be kplannin Ebrɔn klɔ'n be dun mmua kplannin ɔ dili afuɛ nso kwlaa nan sran uflɛ'm b'a kplan Zɔan b'ɔ wo Ezipt lɔ'n.

Kalɛ 13:22 ပူးပေါင်းရင်းမြစ်များ

Bo Bolɛ 13:18

Abram tuli i nanmue'n bo ko trannin Mamre sɛni waka'm be bo lɔ Ebrɔn lika liɛ'n nun lɔ, nan ɔ'a kplan Nyanmiɛn i sɔwlɛ kun lɔ ɔ'a mɛn i.

Bo Bolɛ 23:2

Ɔ wuli Kanaan mɛn'n nun Kirzat-Arba lɔ. Kirzat-Arba'n i kunngba'n yɛlɛ Ebrɔn. Abraam i yi'n i wie ndɛ'n ɔ wluli i wun dan, ɔ sunnin i,

2 Samiɛl 2:1

Kɛ ɔ yoli sɔ'n, David usali Anannganman kɛ: «?N wɔ Zida klɔ'm be nun kun su?» Anannganman waan: «Ɛɛn, kɔ.» David usali kɛ: «?Ninfan yɛ n wɔ-ɔ?» Anannganman tɛli su kɛ: «Kɔ Ebrɔn.»

2 Samiɛl 2:11

David yoli Zida famiɛn afuɛ nso anglo nsiɛn. Ebrɔn lɔ yɛ ɔ trannin-ɔn.

2 Samiɛl 21:16

Zisbi-Bɛnɔb b'ɔ ti Rafa i osu'n nunfuɛ'n kun'n, i sa nun cua kun ɔ ti aaba, cua sɔ'n i ti'n tra kilo nsan, tokofi uflɛ-uflɛ kun sɛn i bo. I waan ɔ ´kun David,

Jue Mun 78:12

Ezipt lɔ Zɔan lika'n nun lɔ'n, ɔ yili atrɛ be nannan'm be nyrun.

Jue Mun 78:43

Sa kekle ng'ɔ fa yili i Eziptfuɛ'm be su'n, yɛ atrɛ ng'ɔ yili i Zɔan asa'n su'n, bé wla fili.

Ezai 19:11

Zɔan lɔ wlengbi'm be si-man ngwlɛlɛ mlɔnmlɔn, Ezipt famiɛn'n i awlo lɔ sran dandan mun bɔ be ngwlɛlɛ'n ti yɛ be fa be'n, be anyia'n i nunfuɛ'm be ti sinnglinfuɛ mun ngunmin kokoko. ?Ɔ yo sɛ yɛ amun kwla nyan atin se Ezipt famiɛn'n kɛ: «E ti ngwlɛlɛfuɛ'm be wa, e ti lalafuɛ famiɛn'm be wa» nin-ɔn?

Ezai 19:13

Zɔan lɔ famiɛn i awlo lɔ sran dandan'm b'a kaci sinnglinfuɛ mun, Nɔf lɔ wlengbi'm be su laka bé wun. Akpasua sɔ'm be su kpɛnngbɛn'm be su mlin Ezipt mɛn'n.

Ezai 30:4

Kɛ e ´se yɛ'n, amun awlo lɔ sran dandan'm b'a ju Sɔan, yɛ amún nuan jranfuɛ'm b'a ju Anɛs.

Kalɛ 13:17

Moiz sunmannin sran sɔ mun Kanaan mɛn'n nun lɔ kɛ be ko nian-nian lɔ. Ɔ seli be kɛ: «Amun `sin mɛn'n i ngua lɔ lika liɛ'n nun, kpɛkuun i sin amun `fu oka'n su.

Kalɛ 13:28

Sanngɛ mɛn sɔ'n nun sran'm be ti tinwa yɛ be klɔ'm bé wun ti siwa. Klɔ sɔ'm be cɛncɛnnin kpa. Anak i osu'n nunfuɛ mun bɔ be ti blamiɛn'n e wunnin be lɛ bɔbɔ.

Kalɛ 13:33

Afin sran nga e wunnin be lɔ'n be kwlaa be ti sran jajraajra ngunmin. Be ti Anak i osu nunfuɛ mun. Kɛ e nin be e jran sa'n, be tra é su fatifati, e ti bé bo kɛ ijrewa mun sa. Be nyrun kusu kɛ e ti sɔ-ɔ .»

Mmla'n 9:2

Nvle dan sɔ'm be nunfuɛ'm be wie yɛlɛ Anakfuɛ mun, be ti sran jajraajra. Amun si be. Be yɛ be kan be ndɛ kɛ: «?Anak i mma mun'n, wan yɛ ɔ jran be nyrun-ɔn ɔ yo ye-ɔ?» Amu'an ti ndɛ sɔ'n le.

Zozie 10:36

Kɛ Zozie nin Izraɛlfuɛ'm be fɛ i Eglɔn lɛ'n be ɔli Ebrɔn. Be fali alɛ'n wlali klɔfuɛ'm bé sin,

Zozie 21:13

Be fali Ebrɔn, fiawlɛ klɔ'n be mannin Nyanmiɛn nyrun jranfuɛ Aarɔn i mma mun. Be fali Libna,

Jɔlɛ Difuɛ Mun 1:10

I sin ekun be nin Kanaanfuɛ nga be tran Ebrɔn'n be kunnin. Laa Ebrɔn i dunman yɛlɛ Kirzat-Arba. Zida akpasua'n su sran'm be nin be kunnin nan b'a kwla Sesai, nin Aiman, ɔ nin Talmai.

1 Samiɛl 30:31

nin Ebrɔn klɔ'm be su kpɛnngbɛn'm be wie, ɔ nin lika kwlaa ng'ɔ nin i sran'm be sinnin be su'n be kpɛnngbɛn'm be wie.