Kalɛ 13:21 - NYANMIƐN NDƐ'N 1998

²¹ Be ko niannin mɛn'n, be fɛli i Zin aawlɛ flɛnnɛn'n nun lɛ lele fa juli Rɛɔb, Amat i wun koko lɛ.

Kalɛ 13:21 ပူးပေါင်းရင်းမြစ်များ

2 Samiɛl 8:9

Tɔi b'ɔ ti Amat famiɛn'n tili i kɛ David ɔ'a kwla Adadezɛr i alɛ kunfuɛ'm be ngba.

Zeremi 49:23

«Amat nin Arpad be si-man wie se kun. Jasin nga be tili'n ti-man kpa. Srɛ'n ɔ'a kun be kpo. Be akunndan'n ɔ'a sanngan sa nán sa fi yolɛ-ɔ.

Zeremi 52:9

Babilɔnifuɛ'm be trɛli i. Be fɛli i ko mannin Nɛbikadnɛzar. Ribla b'ɔ o Amat mɛn'n nun'n, lɔ yɛ be fɛli i be ɔli-ɔ. Yɛ Nɛbikadnɛzar dili i jɔlɛ-ɔ.

Ezekiɛl 47:16

i sin'n, ɔ ´sin Berɔta nin Sibraim bɔ be o Damas mɛn'n nin Amat mɛn'n be afiɛn'n, yɛ ɔ ´sin Azɛr-Atikɔn b'ɔ mantan Avran anyialiɛ'n.

Amɔs 6:2

Amun li an `wɔ Kalne lɔ be `ko nian sa ng'ɔ yoli lɔ'n, nan kɛ an fɛ i lɛ'n, amun `wɔ Amat klɔ dan'n su lɔ, nan an `kpɛn Filistifuɛ'm be klɔ Gat'n su lɔ. Amun wa wun kɛ i sɔ nvle liɛ'n nun'n, klɔ mun kanngan yɛ be ti-ɔ, sanngɛ amun kpa tra-man be.

Kalɛ 20:1

Anglo klikli'n nun'n, Izraɛlfuɛ'm be kwlakwla be juli Zin aawlɛ flɛnnɛn'n nun, be trannin Kadɛs lɛ. Lɛ yɛ Mari wuli-ɔ, be sieli i lɛ.

Kalɛ 27:14

Sa ti b'ɔ ´yo sɔ'n yɛlɛ kɛ amun kacili mín nuan su ndɛ nga n kɛnnin i Zin aawlɛ flɛnnɛn'n nun lɔ'n. Amun kacili min nuan ndɛ'n blɛ nga Izraɛlfuɛ'm be kwlaa be kunndɛli min nin utre'n nun. Amu'an yo-man man min dunman'n ɔ'a fu-man be nyrun blɛ bɔ be waan be `man be nzue Kadɛs lɔ'n. Amun ti man n dunman ɔ'a fu-man Zin aawlɛ'n nun lɔ Mɛriba nzue bɔ be flɛ i Utre nzue'n i ndɛ'n su .»

Kalɛ 33:36

Kɛ be fɛli i Ɛzɔn-Gebɛr lɛ'n, be ko kpɛli be ngblaliɛ'n Zin aawlɛ flɛnnɛn'n nun lɔ, be flɛ lɛ lika sɔ'n kɛ Kadɛs.

Kalɛ 34:8

Kɛ ɔ fɛ i Ɔr oka'n su lɛ'n, man awɛ'n sin Amat, yɛ Zɛdad.

Mmla'n 1:24

Yɛ be ´kɔ-ɔ. Be ko kpɛli oka'n, be ko juli Ɛskɔl tɔnun'n nun, be kplali mɛn'n be niannin.

Mmla'n 32:51

Amun yoli nyin kekle mín su Izraɛlfuɛ'm be nyrun Kadɛs lɔ Mɛriba nzue'n wun lɛ Zin aawlɛ flɛnnɛn'n nun lɔ. Amun yoli man m'an yi-man min wun m'an kle-man Izraɛlfuɛ'm be kɛ min nzuɛn nin klɔ sran liɛ'n ti-man kun. I sɔ'n ti,

Zozie 13:5

I Gɛbal nvle nin o, i Baal-Gad lɔ Liban nin o, i wia afiliɛ lɔ Ɛrmɔn oka wun lɔ nin o,

Zozie 15:1

Lika nga be tuli i wun fɔtɔ be mannin Zida akpasua'n i awlobo-awlobo mun'n, i ngua, wia afiliɛ lɔ lika nun'n, ɔ nin Edɔm nvle'n be yia. Zin aawlɛ flɛnnɛn'n wo i ngua lɔ.

Jɔlɛ Difuɛ Mun 18:28

Sran fi ɔ'a uka-man be, afin be nin Sidɔnfuɛ'm be afiɛn wali. Be o Bɛt-Rɛɔb i kongo'n nun, kusu be nin nvle fi be ju kun-man alɛ.