Kalɛ 13:20 - NYANMIƐN NDƐ'N 1998

²⁰ Amun `nian kɛ be asiɛ'n fa ti'n, sɛ be yo su like-ɔ ɔ yo kpa o, sɛ kusu be yo su like-ɔ ɔ yo-man kpa o, sɛ waka o lɔ o, sɛ kusu waka nun-man lɔ o. Amun `tra amun anwlɛn nan amun `ko fa mɛn sɔ'n nun lɔ waka mma'n wie bla.» Afin kɛ ɔ ´yo sɔ'n, wuun be o vinyi mma klikli'n i tilɛ blɛ'n nun.

Kalɛ 13:20 ပူးပေါင်းရင်းမြစ်များ

1 Be Nyoliɛ 22:11

Ɔ man mín wa, man Anannganman nin wɔ tran, man ɔ yo nan a kwla kplɛn i sua'n kɛ ɔ fa kɛnnin i kɛ a ´yo'n sa.

Neemi 9:25

Be fali klɔ nga talɛ si be wun'n mun ɔ nin asiɛ bɔ be yo like ye'n mun. Be fali sua bɔ ninnge kpakpa'm b'a yi be'n mun, nin nzue gbo bɔ b'a dun mmua kpɛ be'n mun, nin vinyi fie mun, nin olivie fie mun, ɔ nin waka nga be di be mma'n i sɔ kpanngbangban. Be dili like kpa be ku yili, be yoli sa lɔklɔlɔklɔɔ, be dili fɛ ɔ klun-ufue'n ti.

Neemi 9:35

I nun bɔ be lɛ be bɔbɔ be mɛn, bɔ a ´yo be ye wla'n lika tɛtrɛ ɔ nin asiɛ kpa bɔ a fa mannin be'n nun'n, b'a yaci-man be nzuɛn tɛ, b'a su-man wɔ.

Ezekiɛl 34:14

N ´fa be n kɔ didiwlɛ kpa nun, be didiwlɛ'n ɔ ´tran oka fleiin'm be su Izraɛl lɔ. Lɛ yɛ be ´de wunmiɛn fɔun yɛ be ´di like kpa Izraɛl oka'm be su-ɔ!

Daniɛl 11:24

Kɛ lika'n ti fɔun'n, ɔ kɔ lika kpa bɔ be yo i nun like-ɔ ɔ yo ye'n be nun. Ɔ ´yo like nga i si nin i nannan'm b'a yo-man'n. Ɔ ´fɛn lika sɔ'm be nun ninnge mun, ɔ ´cɛcɛ ninnge nga be fɛnnin'n, nin anyanbeun ninnge mun ´fa mɛn i sran liɛ mun. Ɔ wa bu akunndan kɛ ɔ ´fa alɛ'n lele ɔ ko kpu sran'm be fiawlɛ klɔ'm be su. Sanngɛ i kwlaa sɔ'n ɔ su cɛ-man.

Mise 7:1

Be `nian nyrɛnnɛn bɔ n wo nun-ɔn! M'an yo kɛ sran bɔ b'a ti waka mma b'a sin, kpɛkuun ɔ'a ɔ i osu nun nian-nianlɛ'n sa. M'an ɔ vinyi sɔsɔwa kunndɛlɛ. N ´ju lɔ-ɔ vinyi sɔsɔwa waan: ?A sieli min nin? Figie mma nga min konvi o su'n ɔ'a tu anunman.

Kalɛ 13:19

Amun `nian sɛ mɛn nga be tran nun'n ti kpa o, sɛ kusu ɔ ti tɛ o, sɛ be klɔ'm be ti klɔ dandan bɔ be sili bé wun nin o, annzɛ kusu sɛ be o nanmue kanngan'm be nun o.

Mmla'n 1:24

Yɛ be ´kɔ-ɔ. Be ko kpɛli oka'n, be ko juli Ɛskɔl tɔnun'n nun, be kplali mɛn'n be niannin.

Mmla'n 1:25

Be ´sa bé sin be ´ba-a, be fali mɛn sɔ'n nun lɔ waka mma'n wie be wa kleli ye. Be seli ye kɛ: ‹Mɛn nga Anannganman e Nyanmiɛn'n fa mannin ye'n ti mɛn kpa.›

Mmla'n 31:23

Kpɛkuun Anannganman seli Nɛn i wa Zozie kɛ: «Jran kekle, tra ɔ anwlɛn, afin wɔ yɛ a ´dun Izraɛlfuɛ'm be mmua yɛ a ´fa be wlu mɛn nga n tali be nda kɛ n ´fa man be'n nun lɔ-ɔ. E nin wɔ e o nun.»

Hébreu 13:6

I sɔ'n ti, e tra e anwlɛn e kan ndɛ nga be klɛli i kɛ: «E Min Nyanmiɛn'n yɛ ɔ ti n ukafuɛ-ɔ, srɛ kun-man min. ?Nzu yɛ sran kwla yo min-ɔn ?»

Zozie 1:6

Jran kekle, yo yakpafuɛ, afin wɔ yɛ man nvle ng'ɔ wa nyan like nga m boli amun nannan'm be kasiɛ kɛ n ´fa man be nin-ɔn.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 2:1

I sin, Nɛn i wa Zozie sunmannin sran nnyɔn nvialiɛ nun kɛ be `fɛ i Sitim lɛ be ko kpla Kanaan mɛn'n ɔ nin Zeriko klɔ'n be nian . Nan b'a wɔ. Kɛ be juli Zeriko lɔ'n, tekle bla wie be flɛ i Raab, i awlo yɛ be ko wlu lali-ɔ.

Zozie 2:3

Nan ɔ'a sunman sran Raab awlo lɔ kɛ be se i kɛ: «Sran nga be lali wɔ awlo wa'n be bali mɛn'n i kplalɛ. I ti n klo kɛ n ´wun bé wun.»