Kalɛ 13:19 - NYANMIƐN NDƐ'N 1998

¹⁹ Amun `nian sɛ mɛn nga be tran nun'n ti kpa o, sɛ kusu ɔ ti tɛ o, sɛ be klɔ'm be ti klɔ dandan bɔ be sili bé wun nin o, annzɛ kusu sɛ be o nanmue kanngan'm be nun o.

Kalɛ 13:19 ပူးပေါင်းရင်းမြစ်များ

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Kalɛ 13:18

Amun `nian kɛ mɛn'n fa ti'n, yɛ amun `nian kɛ i nunfuɛ'm be fa ti'n, sɛ be lɛ wunmiɛn o, sɛ be lɛ-man wunmiɛn o, sɛ be sɔnnin o, sɛ b'a sɔn-man o.

Kalɛ 13:20

Amun `nian kɛ be asiɛ'n fa ti'n, sɛ be yo su like-ɔ ɔ yo kpa o, sɛ kusu be yo su like-ɔ ɔ yo-man kpa o, sɛ waka o lɔ o, sɛ kusu waka nun-man lɔ o. Amun `tra amun anwlɛn nan amun `ko fa mɛn sɔ'n nun lɔ waka mma'n wie bla.» Afin kɛ ɔ ´yo sɔ'n, wuun be o vinyi mma klikli'n i tilɛ blɛ'n nun.