Kalɛ 13:18 - NYANMIƐN NDƐ'N 1998

¹⁸ Amun `nian kɛ mɛn'n fa ti'n, yɛ amun `nian kɛ i nunfuɛ'm be fa ti'n, sɛ be lɛ wunmiɛn o, sɛ be lɛ-man wunmiɛn o, sɛ be sɔnnin o, sɛ b'a sɔn-man o.

Kalɛ 13:18 ပူးပေါင်းရင်းမြစ်များ

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Ezekiɛl 34:14

N ´fa be n kɔ didiwlɛ kpa nun, be didiwlɛ'n ɔ ´tran oka fleiin'm be su Izraɛl lɔ. Lɛ yɛ be ´de wunmiɛn fɔun yɛ be ´di like kpa Izraɛl oka'm be su-ɔ!

Kalɛ 13:17

Moiz sunmannin sran sɔ mun Kanaan mɛn'n nun lɔ kɛ be ko nian-nian lɔ. Ɔ seli be kɛ: «Amun `sin mɛn'n i ngua lɔ lika liɛ'n nun, kpɛkuun i sin amun `fu oka'n su.

Kalɛ 13:19

Amun `nian sɛ mɛn nga be tran nun'n ti kpa o, sɛ kusu ɔ ti tɛ o, sɛ be klɔ'm be ti klɔ dandan bɔ be sili bé wun nin o, annzɛ kusu sɛ be o nanmue kanngan'm be nun o.